رحت للممرخة وماقتنعت بكلامها

ثلاجة صفرا · 2011-07-29T19:01:31+03:00

السلام عليكم كل عام وانتم بخير انا مشكلتي دورتي كل مرة تقل اكثر بالايام ونزول الدم بس لمست بطني واطراف رجولي وقالت لي فيك ميلان بالرحم سدد ضعف تبويض ومرختني بالزيت اتوقع بس زيتون اقل من خمس دقايق وبسسس اخذت منها دوا للسدد يشرب وقت الدورة الدوا نوعين ب150 ريال وش رايكم؟

المصممة ندى@almsmm_nd

29 يوليو 2011

شوفي من خبرتي ان قلة الدورة كانت لي من هالاسباب اللي عشتها :

1- الدورة اساسا مع التقدم بالعمر تبدى تقل اول شي تكون 8 ايام بعدين 7 ايام بعدين 5 ايام مع اني قربت على الثلاثين بس عانيت هالشي ولاحظته باللي حولي .
2- ضعف التبويض اعاني منه من زمان بس ماعمره سبب لي قلة في الدورة ولا حتى فقر الدم كل الدكاتره يقولون ماله علاقه بس اختلال الهرمونات ممكن تلعب في زياده او قلة الدورة - هرمون الحليب لو ملخبط عندك الدورة تكون ثقيله حيل ومافي الم .
3- بعض المسكنات او الحبوب او الرشاد او الميرامية او اي عشبه تنفع لغيرك ما تنفعلك انا الرشاد والبنادول ينشف دورتي ويقللها - المنشطات وخاصه الكلوميد تقلل الدورة .
4- السدد وبعضها سدد ماده مخاطيه سببها تسقيط سابق او التهابات او سدد دم متجمد ما نزل وهذا يروح بإذن الله مع التمريخ او الاعشاب مثل ( المحلب + الحبة السوداء + سكر النبات ) ويروح بعد بالبخور ( كمون + رشاد + حبة سوداء + مرة + خواجوا + قشور بصل ) 3 مرات بالايام الاخيره من الدورة .

( هالنقطه كان اكتشافي اللي انصدمت منه حيل :
5- الاسبرين ----- فجأه دورتي صارت سوداء وثقيله وخفيفه وكانها مادة مخاطية تكرمون رحت للدكتورة ووصفت لي اسبرين اخذته وصار ينزل علي قطع تكرمون مع اني وقتها جربت كل اللي راح ولا نفعني - بس الدورة اللي بعدها صرت اوقف الاسبرين عشان لا يسبب نزيف بزياده - عموما التحليل الطبي لهالسالفه ان الرحم ما يوصلة الدم عشان يقدر يقوم بنشاطه بامتياز يعني الدورة الدموية تكون ما توصل للرحم وانتي تعرفين ان الرحم ما تنزل البلاوي الي فيه الا بوسط دموي يعني وقت الدورة ,,,,, والحمد لله حتى صرت استجيب للعلاج بشكل افضل صرت احس الدم يوصل الرحم والمبايض ويغذيها )

6- ميلان الرحم او انقلابه ممكن يسبب قلة في الدورة .

ان شاء الله اني افدتك والله يرزقنا ياحي ياقيوم وهذي تجربتي انا والله ييسرها يارب

رحت للممرخة وماقتنعت بكلامها

التعليقات

الرحم الصغير

رحم ذو القرنين

رحت الحمام بعد ترجيع الاجنه

رحت المستوصف وسويت تحليل دم من غير زوجي يدري وطلع مافي حمل

الرحم المايل والمقلوب