آلسلآم عليكم و رحمة الله و بركآته
حبيتْ أحكيْ لكمْ قصةْ وحده من أقربْ صديقآتي
و آللي إحتّرت كثير صرآحهْ معهآ وخصوصاً انها طلبت رأيي بالموضوعْ
صديقتيْ هذيْ عٌمرهآ 17 سنةْ و الحينْ منتقلين للصف الثآني ثنوي
كآن عندهآ إخت وحيدهْ ( آلله يرحمهآ يا رب)
ما تتصورون العلآقة بينهم كيف كآنت قريبه بحكم انهآ اختهآ الوحيدهْ
و على الرغم من إنّ فارق السن بينهم كبير !
لكنها كانت لها كل شي ل درجه حتى رسوم المدرسة و المصآريف كانت تدفعها
و على ان اختها كانت عايشه ب حفر الباطن بس كانت تمرهم كل فتره
و كانت صديقتي تطير من الفرحه بس تدري بطآري جية اختها
[ بإختصآر تموتْ فيهآ هي و عيآلهآ ال 2
شآء الله و صآر فيهم حآدث ب شهر 3 الي فآت
و توّفت اختهآ الوحيدهْ و كآنت لها اكبر فجيعه بالدنيا
مرت بأيام الله وحده العالم فيها و ربي شيء يقطع القلب
لكنها كانت صابرة و محتسبة و إيمآنها قوي مشاءالله عليهآ
و انتقلو عيآلهآ الصغار لبيت صديقتي و امهآ " يعني بيت جدتهم لأمهم "
لو احكي لكم كيف انقلبّت حياة صديقتي و شخصيتهآ ب شهور قليله
ما وفيت بشي ! لكنها تحّولت من صديقتي الي كآنت عآيشه سنهآ و عمرهآ
لأم ثآنيه مسؤوله عن طفلين " ولد و بنت " 3 سنين و سنتين
صآر كلْ همهآ وش البسهم و وش اشتري لهمْ و تعبآنينْ و هموم مآلهآ آخر
ل درجه مره حكت لي إنها تتمنى تفتح عيونهآ و تلقى نفسهآ هذيك البنت
الي كانت قبل كم شهر م عندهآ شي غير التلفزيون و النوم و المدرسه
صآرت حيآتهآ كلهآ بين التغير لهمْ و الإهتمام فيهمْ و أكلهمْ و كل شي يخصهمْ
من حبهآ لهم ما عاد تشوف ب الدنيآ غير هالأثنين و بس
و قبل اسبوع تقريباً جتني تشآورني ب موضوعْ و صرآحه احترت كثير
و للحين انآ ويآهآ م قدرنآ نتخذ اي قرآر
وهو إن زوج إختهآ جآ و تقدّم لهآ و قال ابيهآ أم لعيآلي !!
المشكلهْ انه مستعجل و يبي ينهي كل شي ب هالسنهْ
يبي يتزوجهآ و ياخذها ل حفر البآطن عشان تعيش مع اهله و تربي عياله
و فوق هذآ يقول لأمهآ ابي أجيب عيآل يكونون إخوآن ل هالصغآر !
و يقول لو رفضتو انا رآح اتزوج اخت صديقي و هي مستعده تتكفل فيهم
و وآلله يا بنآت انا اعرفهآ لو يبعدونهم عنهآ ساعه يجن جنونهآ
أمهآ مرة كبيرة و تعبآنه فيهآ السكر و ما تتحمّل و تاركة القرآر كله بيد صديقتي
المشكله الرجآل فيه كثير عيوب و صديقتي عآرفته زين
يعني ما عنده اي شخصيه يمشي على كلام خواته و امهْ " يحركونه بكيفهم
غير انهم " الله يهديهم " كانو مجنين اختهآ و مورينهآ الويل
ل درجه بيوم عزآهآ داخلين ب كيك و صوآني حلآ كانهم محتفلين
الرجال ابدا محد يرضى فيه ! تخيلو انه بكل شهر يجي يطلبهم رآتب التقآعد
حق اختهآ عشان يصرفه على اهله مع انه حلآل ايتآم !!
ما عاد تدري وش تسوي
ما تبيه و رجآل كبير عليهآ اكبر منها ب 20 سنه
و فيه السكر و مو هذيك الشخصيه و بيآخذها تعيش من اهله
من الرياض ل حفر البآطن !
لآ درآسه و لا حياة زي المسلمين
و هو يهدد انه بيآخذهم ب الغصب و بيتزوج
اختهآ وصتها عليهم قبل وفآتها و جدتهم مره متعلقه فيهم
وش الحل توآفق و تعيش ب تعآسه !
او ترفضه و تقّطع قلب امهآ عليهمْ و تخليهم للدنيآ
و هي آخر شي تبيه ان هالصغآر يتعذبون عند عمآتهم
وش رأيكم !