مقتطفات من بيتي

ماشاء الله تبارك الرحمن ... منزل في غايه الرووووووووعه ... تتهنوا فيه ان شاء الله ....

ما شاء الله

مشكورين خواتي جميعا عالردود الحلوة



بجرب حظي معاه ولو ان تحميل عالم حواء قدها وقدود ..



نوع رخام الدرج روجو اليكانت على ما اذكر ..
والبيت ارضيته بورسلان ..



ان شاء الله بعرضهم بس أفضى ..


اييه حبيبتي رسم بقلم الرصاص بعدين فتح علبة المعجون من جوتن اعتقد واخد كمية وبرمها بيده ومشى بها عالرسمه مع الضغط على اساس تلزق بالجدار هذا كان اليوم الاول اليوم الثاني السنفرة جاب ورق السنفرة ومشى على كل المعجون الي حطه علشان يساوي سطحه ويخليه املس .. ثالث يوم صبغ المنطقة الي حوالي المعجون وانا طلبت يترك المعجون بلونه الطبيعي مابغيت اصبغه ..



آمري حبيبتي طريقة المعجون كتبتها فوق .. لايردج الا كيبوردج ..

الله يفرج همك انا باديه بالدهانات للجدران ومحتاره ابي شئ جديد حلو غير الفلفت والشامواه ووو وصالتي تقريبا مفتوحه مثل صالتك ياليت تكتبين جدار ديكوره كذا وهذا ديكوره كذاحتى تتضح الصوره انا خلاص عرفت المعجون وان شاء الله اوريه الدهان علشان اسوي زيه لكن باقي الجدران محتاره عاد تحملينى انت اعطيتيني وجه انا احب امزح ومشكوره اخت

الفلفيت والشامواه حلويين لكنهم صاروا مألوفين من كثر ما الناس طاحوا فيهم ..
الله وفقني بصباغ سيرلانكي كان يطرح علي الفكرة وانا اعدل فيها لحد ما اوصل للشكل الي ابيه ..
غير ديكور معجون الاغصان الي شفتيه .. سويت فوق جدار معجون تلطيخ كان ياخذ المعجون بالسكينة الخاصة ويلطخ الجدار ويظل يمسح هالتلطيخة يمين ويسار الى مالانهاية .. واليوم الثاني يصبغه انا طلبت تعتيق فطلع وايد حلو ..

جدار ثاني في مكان ثاني عملته بشكل معينات بعد بنفس الالية بس باستخدام التيبات..
بحاول اصور لج المقصود بس افضى لأني والله جدا مشغولة فترة النهار مع الاولاد الله يحفظهم ..

وعندي جدران حجر وعندي تشميخ وحاولت اني مع تنوع الجدران ما ادخل الوان كثيرة
جدار الحجر خليته بالمدخل وبصالتي المرتفعة ..