مدري هذا بلاء ولا ابتلاء ولا احد داعي علي ؟؟؟ الضيقه والضيقه والضيقه

السلام عليكم ورحمة الله وبركاته ...

أسأل الله ان تكونو في اتم الصحه والعافيه ....

لي اكثر من موضوع في هالمنتدى لنفس حالتي .... انا ما ادري ايش فيني ؟؟؟؟

بنت وعمري 23 ماناقصني اي شي بحياتي لكن ناقصني اهم شي وهو راحة البال


من كم سنه كل فتره تجيني ضيقه وملل واكتئاب وفقدان شهيه .... قبل سنه تعالجت عند دكتور نفسي وقال لي انتي فيك قلق واكتئاب بسيط وعلاجك سهل ان شاء الله وعطاني سيبرالكس لمدة سنه ومره مره ارتحت عليه الحمد لله صرت رايقه واطلع وانبسط واكل زين ... لكن لي شهر تركته وهو اللي وقفه لي الدكتور بالتدريج واحس الاعراض بدت ترجع لي ... وخصوصا قبل الدوره يجيني اكتئاب فضييييع ....

ومن غير الدورة احس اني طفشانه بس ما اعرف من ايش ما اتحمس للطلعات والروحات والجيات ...


بالنسبه لللصلاه اصلي الحمد لله واقرا قران واحب اسمع القران واشرب مويا مقري فيها واقرا على نفسي واتدهن بزيت مقري فيه .. .... لكن الشفاء من عند الله ....

بعض الاحيان افكر اقول يمكن ربي غاضب علي وبعض الاحيان اقول هذا ابتلاء .....




تعرفون ناس نفس حالتي ورجعو طبيعين ..... عطوني نصايح ... ابي جررررررررعه امل ....

ادعولي من كل قلبكم ... ان الله يرزقني راحه البال ... مابي ولا شي غير كذا .... الله يحرم وجيهكم على النار ادعو لي قبل الفطور ان شاء الله وانتو صايمين ....



((((((( ...ادعو لي لان الله كريم .. كريم اكثر مما يدرك عقلي الصغير ... لان الله قادر على كل شي ... قادر ان يعطيني اجمل من ما اتمنى ... قادر ان يعطيني حتى انسى اني شقيت قط ,,, قادر على محو ملامح الحزن في وجهي ..... يسمعكم وانتم تدعون لي وانتم لا تعرفون الا اني اختكم في الله ... احتاج لدعاء مسلم لي في ظهر الغيب ........)))))) عجل بالفرج يالله

32 تعليق 8,524 مشاهدة

شاركي في النقاش

سجلي الدخول لإضافة تعليق.

التعليقات

32
  1. @taabt_ashky_2

    طيب ليش وقفتي العلاج من نفسك والا من الطبيب



    يمكن مانتهت فترة علاجك



    وجربي انك ترقين نفسك وادعي ربك


    وتصدقي بنية الشفااااء واكفلي يتيم اذا قدرتي

    عسى ربي يشفيك ويشفيني

    والله ان حالي مو احسن من حالك

    اكتئاب وضيقه وقلة نوم

    بس اني احب اطلع كثير ابي اسلي نفسي

    انتي احسك تستسلمين للمرض حاولي تطلعين وتطنشين الاحساس اللي فيك تجاهليه علشان تقدرين تعيشين
  2. @blanco

    صاحبة الموضوع
    @تعبت اشكي@
    طيب ليش وقفتي العلاج من نفسك والا من الطبيب يمكن مانتهت فترة علاجك وجربي انك ترقين نفسك وادعي ربك وتصدقي بنية الشفااااء واكفلي يتيم اذا قدرتي عسى ربي يشفيك ويشفيني والله ان حالي مو احسن من حالك اكتئاب وضيقه وقلة نوم بس اني اح…
    لا ياحبيبتي هو قال لي خلاص انتي صرتي تمام اتركي العلاج وفعلا تركته بالتدريج زي ماقال ....

    والله اني اقاوم كثير من مشاعري ... لكن افضع شي سدة النفس عن الاكل ... ماني راضيه اسمن ابد ابد نحفت وثبتت على النحف ... ماعندي مشاكل بالمعده الحمد لله لكن من التكفير ...



    يارب اشفينا شفاء من عنده لا يغادر سقم ....


    مشكوره حبيبتي على مرورك ...
  3. @shkolath_byda

    الله يشافيك

    مافي احسن من التقرب الى الله سبحان الله بتحسين براحه وسعة صدر
    وانتي تصلين استشعري كل كلمه تقولينها بصلاه الدعاااااااااااااء شي عجيب في صلاة الشفع والوتر حافظي عليها سبحان الله اقتربي اكثر واكثر وماتشوفين شررر

    حاولي ايضا تجبرين نفسك على الخروج وزيارات العائليه تغيرين جوو وفتره ماقبل الدوره اتوقع طبيعي لانه تغيرات في الهرمون

    ربي يشافينا ومرضى المسلمين اللهم امين
  4. @blanco

    صاحبة الموضوع
    شكولاته بيضا .... الله يجعل كل ايامك بيضا ... والله يسعدك

تابعي تجارب أخرى من هذا القسم.