يا بنتي والله ما أدري تبغين رأينا في أيش ؟؟؟
يعني هذا الشخص كذب عليكم وغشكم في كل شيء وأنت ما غلطتي في شيء والغلط من أهلك اللي ما سألوا عنه زين خصوصاً إنه ذكر لكم إنه مطلق ( بغض النظر عن عدد المرات ) لكن قدر الله وما شاء فعل
و سواء كان مسحور أو مدمن مخدرات أهله ليش طايحين في بنات خلق الله كل شوي يزوجونه وحده وهو يقوم يطلق ؟؟!! هذا ما يحتاج زوجة هذا يحتاج لطبيب يعالجه أو شيخ يرقيه
وبالنسبة لطلاقك منه فرأينا جميعاً ما يهم لأنك سألتي من هو أعظم منا وقد أجابك وعجل براحتك فافرحي ولا تحزني لأن الله كريم وما تدرين أيش الخير اللي ربي أعده لك وكلامه عن وزنك وجسمك ارميه في البحر هو بس ما لقى له عذر يوم سألوه أهلك عن سبب الطلاق ( له وجه بعد يعذرب )
فأنت لا تغيرين في نفسك شيء عشان هالكلمة اللي قالها ولم يلقِ لها بال أصلاً
وطلاقك بعد شهر واحد بس ما هو شيء محزن أبداً إلا هو السعد بعينه
أجل متى كنت تبغين تتطلقين ( لأنه واضح من عدد الزيجات السابقة ومن وضعه المتعب إنه بيطلق بيطلق سواء من نفسه أو بطلب منك )بعد كم سنة من العذاب وبعد إنجاب كم طفل ؟؟ وساعتها راح تكون حرقة قلبك على الأطفال اللي ما لهم ذنب ما هو على السبب التافه اللي قاله يوم طلقك
والحين أسجدي لربك سجود شكر على إخراجه لك من هذه المحنة وأسأليه إن يعوضك بمن هو خير لك وإذا كان الطلاق رجعي لا تفكرين مجرد تفكير إنك ترجعين له
وأخيراً بما إني نادراً ما أرد على المواضيع بس لفت إنتباهي سرعة إجابة الله لدعائك فأنا طمعانة في دعائك فعسى الله يفرج همك ويبدل حالك إلى ما فيه خير لك
يارب كل وحده ترد او ترفع الموضوع ترزقها فرحه في هذا اليوم تخر ساجده لك
متابعة النقاش، صفحة 66