بسم الله الرحمن الرحيم
السلام عليكم ورحمة الله..
اخواتي مبروك عليكم شهر مضان المبارك واسأل الله ان يوفقنا لصيامه وقيامة..ويارب يكون وجه خير علينا كلنا وعلى امة محمد..
واسأل الله العلي العظيم ان يمن علينا بالحمل السليم الهين في هذا الشهر الفضيل..انه عليه هين وهو على كل شي قدير..
نرجع لموضوعنا مثل ماهو مبين عندكم..حبيت تشاركوني تجاربكم وخبرتكم وارائكم او انتقاداتكم لمركز سليمان الحبيب وبالتحديد في منطقة الرياض (العليا)
وياليت كل من كانت لها تجربه سيئة او جيده تخبرنا بها..علَّها تنفع فيها احد من اخواتها..
ابدء بنفسي: اختكم النصوحه
متزوجة من 12 سنة ..ولله الحمد والمنه..
ماعندي اطفال ..الله يرزقني واياكم يارب
السبب:زوجي من حالات الصفر(اسأل الله ان يشفي مرضانا ومرضى المسلمين)
كانت لي 7 محاولات حقن مجهري في اماكن متفرقه..آخرها في سليمان الحبيب عند دكتور محمد بقنه الله يجزاه خير..وكانت محاولتي الأخيره تقريبا قبل 9 أشهر..
والحمدلله ربي اكرمني بالحمل وكانت هذي اول مره يستمر حملي للشهر السادس..
تقييمي للمركز..ممتاز مقارنة لمحاولات سابقه في المنطقة الشرقية..
الدكتور تعامله كان رائع(مع اني سمعت عنه غير كذا)
كان صبور ومحترم..والأهم انه يرد على اتصالاتنا له..
المركز بشكل عام مريح وفيه خصوصيه يفتقد لها كثير من المراكز..
سعره بالنسبه لشهرته ممتاز ومناسب جدا..
امممممممم وش بعد..الممرضات تعاملهم جيد..
يمكن عيبهم الزحمه بس..
هذا بالنسبة لتجربتي واي سؤال انا بالخدمة..
اخواتي انتظر تجاربكم بفارغ الصبر..ارجوكم لاتبخلوا علينا بأي معلومة او نصيحه..او بدعوه صادقه من قلوبكم الطاهره..
محبتكم\النصوحه
:bkh:
الموضوع مغلق