◕‿◕(-•♥ملف شامل لاستفسارات العطور(الجزء السادس)♥•-)◕‿◕

مرة من المرات كنت اتسكع بسوق طيبة وامر على ذاك المحل واقعد اشمشم عندهم عطور وماعندي نية اشتري نهااائي<< لاحظوا ان كان ماعندي نية هههههههههه
قلت له عطني عطر يوحي بالنظافة والانتعاش (قوية يوحي) خخخخخخخ المهم يطلع لي عطر اسمه touzz ولله واشمة والاقية مو بطال وريحتة ولله حلييييوة واعجبني وسعره مايتعدى 80 مدري 85 ريال!! واختي عشقتة اذا جتني تسبحت فية لبى عمرهااا!!
لقيت صورتة بالنت
هذا هو



وعلبتة حلوووة لو تهدينها لأحد خاصة بنوتات المتوسط والثانوي علبته تهبل وكيوت
هذا من ظمن العطور اللي جربتها ولا احد ذكرها هنا بالملف


وشريت من نفس المحل عطر 5th


بس مو مره اعجبني وعلى طووول اهديته اختي الكبيرة وعجبها مرررة تتهنى فية

أنا ولله حالات وحالات فية عطر من اول شمة مارد اشمة مره ثانيه قول حطة حطه حطه لو يقول بألف قلت تم وانا مغمضه :35:
كثيررررررررررررر عطور اللي من اول شمة حكمت عليها بجمالها
مثل
ريكيل من سونيا ريكيل


مثل كنزو أمور
من اول شمة ادماااااااان


لينستانت ماجيك يصيح من حلااتة لبى قلبة :icon33:


والقائمة تطول ...................

أما فية عطور لأزم لااازم اتروى واشمشم فيها اكثر من مرة
لأني من زمان كنت اخذ عطر من مدح احد او انبهر من دعاية
الحين تووبة لو يمدحون من اليوم لين بكره احط بذي طينة وذي عجينة لين اشم اكثر من مرة هههههه
اذكر قصة << ياكثر قصصي اليوم رايقه ههههه
فيه سنة سوو اعلان والتلفزون ماله حكيه الافيه قلت بسسس هذا العطر اللي ماراح ولا جا واروح لسوق وانا منعميه وخشمي منعمي من الاعلانات اللي ملت الدنيا علية واتذكر اني شفت حتى افتتاح العطر المهم ...
هالعطر اسمة كارتير على شكل فراوله


وييييييييييييييييييييييييييييعععععععععععععععع ويع ويع
اتذكر اني تعطرت منة بجمعتنا بالعيد واحس اني وانا بين الناس ودي اغير ملابسي باللي هو به:44:
وعلى طووووووووووووووول صرفته بمجرد اني اشوف صورته الحين تلوع كبدي
ولينستانت هذا يحوووووووووووووووووووووووم الكبد


فرق السما عن الأرض ريحتة عن ريحة لينستانت ماجيك يابنات انتبهووووو
ترا مو واحد
ونفس الشي لسنما وكوكو مدموزيل :mad: ماقول الا الله لايعيد الشر بسسسس ياسفاب الفلوس اللي انحطت فيهم ....
عشان كذا لازم اشم واتطقس واتروى بالعطر دامة جديد علي,
واغلب العطور ماتطلع ريحتها الا بعد ماتبرد صدق صدق يبان الريحه خاصه اذا صارت على معصم اليد.

وفيه عطورات من اول شمة تحسين ان كبدك تقلب عليك وماتتحملينها ابد
هو على حسب .. وسلامتك

ههههههههههه لبى قلبك ماعاش ولا كان من يصيدك ويضحك عليك ياعمري بس انتي بالخبرة والايام تتعلمين.
والعطور اللي احبها كثيرررر وبقولها مع الردود بعدين ...

شوفي ياعمري بقولك حاجه اللي واثق من نفسة مايهم وين شاري العطر ولا من وين او بكم سعره؟؟ اهم شي المضمون !! احب عطر عندي من وانا نونو الى الحين اشتريه جوفان 25 الى 30 سعره يسوى كثير من العطور!!!
انا عندي وحدة من صديقاتي عندها عقدة الماركات والمحلات الفخمة مع ان حالتها المادية على قدها الله يفتح علينا وعليها من واسع فضلة واذا ماعان سعر العطر غالي يصير مو حلو برايها؟؟؟ الحمدلله والشكر واقولها روحي للمحل الفلاني وعلى ضمانتي!!! وتعنفق؟؟؟؟ لاازم تشتري من فافيوم او وجوة او قزاز او دبنهامز ...الخ!!! قلت لها تكبرين ...... بالخرق؟؟؟؟؟؟؟ ههههه
اعذروني يابنات ع المثل :)
بس انا من الناس اللي ماحب ان احد يغشني!!!
امرض ... اموووت .. انقهرررررر !!!
ماحب احد يتذاكى علي؟؟؟؟؟؟؟؟؟ يجيني مرررررر ماقدر انام بالليل ههههههههههههه وش اللي يحدني اشتري من هالمحلات بسعر يفرق عن الللي بالسويلم اقل شي 100 ريال؟؟؟اربحهم يعني؟؟؟ انا اولى بالفرق!! اشتري به عطر ثاني
علشان كذا من تعاملت مع محمد اليامي بالسويلم وانا ماخذ انا وخواتي الا منة الله يجزاه خير(وهو اكيد ربحان مليون بالمية)!!!
وصار بعد مافتح عطر واتحسف ومايعجبني ارجعه لانة عرفنا وعرف تعاملنا مع اني مابعد سويتها بس يقولي اي عطر ماعجبك رجعيه الله يجزاه خير.
وماعمري شفت فرق بين العطور اللي تشترى من دبنهامز او وجوة من عطور محمد اليامي الحمدلله مرتاحه بتعاملي معهم الله لايغير علي :)

مدري اذ جيت اشارك يعلقق المنتدى وتتغير الصفحه وماعاد اقدر اتحكم بالخط او بالون؟؟ مدري يصير لكم مثلي ولا يصادف كل ماسوو صيانة الا انا موجودة؟؟؟؟ :(
ع العموم كل عام وانتو بخير يابنات ورمضان عليكم مبارك اسال الله لنا ولكم القبول وجعلنا من صامه وقامة ايماناً واحتسابا
اشوفكم على خير حبيباتي