شاركي في النقاش

سجلي الدخول لإضافة تعليق.

التعليقات

2,016

  1. @khyr_zad_altko

    يا حبيبتى يا نيفو وشايلة دة كله فى قلبك وساكتة ليه بس ربنا يتم شفاكى على خير ويعافيكى من كل سوء
    وان شاء يكون تغيير الدكتور وشه حلو عليكى تغيير عتب زى ما بيقولو وبردة حلوة اوى حكاىة دكتور التغذية يارب يجعل تعبك دة كله فى ميزان حسناتك وان شاء الله يعوض صبرك خير ويرزقكم بالذرية الصالحة فقريب جدا ان شاء الله

    انا عارفة انك مش عارفانى بس يعلم ربنا انى بحبك جدا فى الله وبجد انتى كنت عاملة روح حلوة فى الملفات القديمة ولا كنتى بتاعت مصلحة ولا حاجة بجد كنت قلب ابيض وحنين على كل وسيبك من اى حد يقول انك مصلحجية لان ااحنا هنا اخوات ولازم بنساعد بعض ونشيل هم بعض واعتقد ان ان دة هو زمة الملف


    اللهم يا مالك الملك يا حنان يا منان يا ذا الجلال والاكرام يارب يا حى يا قيوم يا من تقول للشئ كن فيكون ارزق اختى نيفو بالذرية الصالحة وقر اعينها بيهم عاجلا وليس اجلا بمنك وكرمك ورحمتك يا ارحم الاحمين


    انى احبك فى الله وكل سنة وانت طيبة والى الله اقرب



    توتا بجد بجد الله يكرمك على الدعوة الحلوة دى انتى الى قلبك طيب وزى العسل الابيض واحبك الذى احببتنى فيه
    يعلم ربنا انا بحبك اد ايه انت وكل البنات الى هنا فى الملف يارب يستجيب منك داعئك يا قمر ويرزقنى وكل البنات هنا بالذرية الصالحة ويتم ليكى ولكل حوامانا الى الحلوين على خير

    ام حفصة وانت طيبة يا جميل يارب يكرمك قريب ببركة الشهر الفضيل دة ونفرح بحملك انت كمان


    عزيزة صباح الخير ازيك يا جميلة سلملنا على النونات وقوليلهم يفضلو قاعدين جوة لحد التاسع ربنا يتملك على خير

    بندقة يارب تبشرينا انهاردة بحملك يارب يا حنان يا منان يا من تقول للشئ كن فيكون يارب بجد نفرح بيكى يا مكسرات الملف

    مصرية وماما ودوعة وفاطمة وميكو وشيمو و امل الامومة ونادو وواوكسى وصباح الخير عليكم ربنا يريح بالكم و

    ويقر اعينكم بالذرية الصالحة ان شاء الله الحوامل يتملهم على خير واحنا نحصلهم فى اسرع وقت


    كل سنة وانتم وطيبين والى الله اقرب وف طاعه ان شاء الله احبكم فى الله

  2. @mama1983_1

    Neevooo
    السلام عليكم و رحمة الله و بركاته مهما قلت او وصفت مش هعرف الاقي حاجة توصلكم احساسي انكم واحشني جدا جدا جدا جدا بس غصب عني غيابي عنكم انا عارفة ان جملة غصب عني دي كترت اويو سمعتوها مني كتير بس ربنا الاعلم باللي انا فيه قبل ما اتكلم معاكوا …
    لاحول ولا قوه الا بالله كل ده يانيفين يحصلك واحنا منعرفش اخص عليكي بجديانيفو ماعندكيش عذر مهما اعتذرتي احنا مش اخواتك مش من حقنا نعرف ونطمن عليكي ولا انتي لسه معتبرانا غرباء ومش مفروض تتقلي علينا وتظهري بصوره المصلحجيه لما تسالي وتحكي بجدا انا زعلانه منك مكنش متوقعه ان علاقتنا بسيطه كده انا برضوا ما بعفيش نفسي من الغلط لاني من يوم ماروحت دبي ماضربتلكيش اديكي رقمي الجديد بس برضوا انا قلت غيابك ده عشان مشغوله بالعيال وما توقعتش ابدا ان كل ده يحصل
    انا حقولك راي انا ابدا ابدا ابدا مش موافقه على انك تبطلي كل الادويه ما الي حصل ممكن يحصل تاني وثالث طالما في لخبطه هرمونيه انا شايفه انك تستشيري الدكتور انك تكملي على البرمولنت نور عارفه ليه لانه برجسترون وفوائد البرجسترون كالتالي
    اولا بيمنع بطانه الرحم انها تكبر اكثر من الطبيعي وبالتالي لما تيجي الدوره بتكون طبيعيه مش نزيف
    ثانيا بيقاوم هرمون الاستروجين وبالتالي بيمنع تاثيره على زياده حدوث سرطان الرحم
    رابعا بيظبط بطانه الرحم كانك بتعملي كحت مع كل دوره وبالتالي لما تعملي تنشيط وتطلع بويضات تلفي بطانه فريش وجديده بتساعد الاجنه على الانغراس
    من تجربتي مع البرجسترون انا برضوا كان بيجيلي نزيف اخر مره قبل 4 شهور نزيف جامد بدء مع الدوره وقل ورجع زاد تاني والم فظيع رحت للدكتوره كتبتلي برمولنت نور لمده 3 شهور ولما عملت سونار بعد ال3 شهور بطانه الرحم بتاعتي لاول مره تبقى 7 بس في العاده 20 او 16 او15 لدرجه ان الدكاتره كانوا بيستغربوا ازاي ان عندي نقص مخزون والبطانه سميكه كده والدوره 9 ايام ؟؟؟؟؟؟؟ يمكن ده كان احد عدم ثبات الاجنه لان البطانه لما تكون اسمك من الطبيعي الي هو من 8 الى 13 بيقى الحمل صعب انا شايفه انك تجيبي الحبوب وتستمري عليها 3 شهور وهيا ما لهاش اي ضرر خالص على مسئوليتي انا كل بنات اهلي الي عاوزين يعملوا منع حمل برشح لهم البرجسترون لانه اكثر امان بكثير من حبوب منع الحمل
    حتاخدي الحبوب 21 يوم وتوقفي 7 عشان الدوره تنزل وبعد ال7 يوم ترجعي تاخديهم 7 ايام خديها وماتخافيش ان شاء الله فيها الشفاء

  3. @shymolata

    ماما
    اخبارك ايه واخبار التنشيط معاكى ايه يارب نحمل سوا انا وانتى وبندقة
    نيفووووووووووووو
    اولا
    اناطبعا برغم انى كنت عارفه كل الاحداث اللى حكيتيها لكنى كنت متأكدة انك راجعه راجعه لان ده بيتك ومهما بعدتى راجعاله كان نفسى قوى ارجعك بخبر حملى تدخلي كده تزغرطى وتقوليلهم شيمولاتا هتبقى ام لكن عالعموم الحمد لله ملحوقة بردو
    ربنا يفرحنا بيكى انتى واوكسى يارب
    شادن وام حفصة وامل الامومة
    سامحونى انى بدخل اشارك كتير للبنات التانية انا عارفه انى مدلعاهم شويتين علشان بس اللى عندهم عمليات واللى عندهم حاجات تانية لكن والله مش ناسياكم مع انى مشاركاتى ليكم قليلة
    بنااااااااااااااااااااات
    انا قبل كده سألتكم على متفائلة ومحدش رد ليه
    محدش يعرف حاجه عن متفائلة جدا ومتفائلة مصرية؟؟؟؟؟؟؟؟؟؟؟؟؟؟؟؟

  4. @neevooo

    ماما1983
    لاحول ولا قوه الا بالله كل ده يانيفين يحصلك واحنا منعرفش اخص عليكي بجديانيفو ماعندكيش عذر مهما اعتذرتي احنا مش اخواتك مش من حقنا نعرف ونطمن عليكي ولا انتي لسه معتبرانا غرباء ومش مفروض تتقلي علينا وتظهري بصوره المصلحجيه لما تسالي وتحكي بجدا…

    مش تزعلي مني يا ماماتو انت عارفاني مش بحب اشيّل حد همي ( اشيل انا معلش و مقولش لا ابدا )
    على فكرة انا مش زعلت ابدا من عدم اتصالك بي لاني مقدرة انك اكيد محتاجة فترة للاستقرار و تجميع نفسك ......... كان الله في عونك
    بالنسبة للدكتور هو ممشيني على السيدولوت نور و قال اني اخلص اللي باخده دلوقتي و ابتدي في الجديد من اليوم ال 16 من البيريود القادمة ان شاء الله
    يمكن انا بس نسيت اقول النقطة دي و انا بحكيلكوا ع اللي حصل
    بالنسبة لبقية الادوية انا هشوف دكتور التغذية رأيه هيكون ايه
    مع اني نفسيا ميّالة لرأي دكتور جلال لاني حاسة اني بقيت مستودع ادوية متنقل
    دعواتك في الايام المباركة دي

  5. @neevooo

    خير زاد التقوى
    يا حبيبتى يا نيفو وشايلة دة كله فى قلبك وساكتة ليه بس ربنا يتم شفاكى على خير ويعافيكى من كل سوء وان شاء يكون تغيير الدكتور وشه حلو عليكى تغيير عتب زى ما بيقولو وبردة حلوة اوى حكاىة دكتور التغذية يارب يجعل تعبك دة كله فى ميزان حسناتك وان…
    احبك الذي احببتني فيه و رزقك من حيث لا تحتسبي
    و مش لاقية كلام اقوله اشكرك بيه على ذوقك و كلامك الجميل
    و ربنا وحده الاعلم انا بحب الملف دة اد ايه بكل اللي فيه
    و مش بقول غير يارب حبي للملف و البنات كان فيك و كل اللي عملته كان لوجهك الكريم
    اؤجرني و ارزقني على صدق نيتي فيه يااااااااااااااااااارب
    كل سنة و انت بألف خير و سعادة و رزق و طاعة و حب و ايمان و مغفرة و رحمة و عتق من النار
    على فكرة اسمك جميل اوي

تابعي تجارب أخرى من هذا القسم.