تجمع الموقنات برحمة الله(خبرات متبادلة حول مراكز العقم في مصر)الجزء 22

مبروووووووك ياتوفي وربنا يتمملك على خير
انا كان قلبي حاسس اسألي ودعه وقعدنا ندعيلك انا وهي والله
ياستي مخبيه ولا مس مخبيه المهم ان ربنا كرمك
وياريت تحكيلنا على تجربتك احنا منتظرينها بفارغ الصبر

بندقه تفائلوا خيرا تجدوه باذن الله تطلعي حامل و تفرحينا يارب يارب ياااااااااااااارب

مصرية
ربنا يثبت حملك يارب ويتمملك بخير
بس عاوزاكي تهدي اللعب شوية وتثقي في ربنا
انا شكلي كده مفيش فايدة معاه بعد العيد وامري لله
عن نفسي مش عاوزة اعمل النوع ده من السونار لانه بجد مش حيفرق في حاجة واللي رايده ربنا بيكون
ربنا يجعلهم معافين اذكياء اتقياء
ويهديهم لينا ويعنا عليهم
يارب
واللي يفرق فعلا هو متابعة وزن الجنين
ده اللي قالقني لان وزني مش بيزيد
لكن حتي لو لاقدر الله وزنه اقل مش بايدي اعمل حاجة وبعد رمضان لو حكمت ابقي اخد مكمل غذائي
ربنا يسترها
خير زاد
ازيك ياجميل؟اخبارك ايه؟ المنطقة اللي انا فيها مفيهاش اي مكان فيه سونار غير المستشفي الحكومي دي
والاماكن اللي فيها لازم اروحها بعربية ومقدرش اجازف بحاجة زي كده دلوقتي
توتا
ازيك يامامتو
عاملة ايه؟ والنونات؟ عرفتيهم ولا لسة؟
نيفو
شفاكي الله وعافاكي شفاء لا يغادر سقما
ربنا يربط علي قلبك ويريح بالك
الحمد لله ان العينة مش فيها حاجة تخوف واتنين دكاترة اجمعو ان السبب من جواكي
ياريت مش تقطعي وجودك والفضفضة
شيمو
مين متفائلة مصرية؟مش فاكرة الاسم ده خالص
اما متفائلة فهي بتدخل علي فترات بعيدة بقالها مدة
وآخر حاجة ان جوزها سافر وهي كانت متضايقة عشان سافر
ربنا يصلح لها الحال ونشوفها قريب علي خير
بندقة
ربنا يفرحك وتفرحينا ان شاء الله