رسالة في جيب زوجي ( فسروها لي )

حبيبتي..
العيب يمكن مو منك..
ولا هو عين..
المشكلة عنده..
هو عايش هم ما يعلم به إلا الله..
يمكن دين كبير..
يمكن ذنب واقترفه وحاس أنه دمر حياته
يمكن مريض..
ترا الهم يهد جبال..ويشوش التفكير..ويزعزع استقرار الأسرة..ويحطم نفسية الرجل..
والوصية..يمكن حطها عشان لو لا قدر الله صار له شي تعطينها أمه..
احسني الظن فيه..وارحميه..تراه محتاج مساعدتك..
يمكن يكون عنده اكتئاب من كثرة الضعوط اللي يمر فيها..والاكتئاب له أعراضه..ومن بينها نفور الشخص من الناس حتى لو كانوا اقرب الناس له..ويحس المكتئب بألم مثل الألم الجسدي..ويعيش ايامه وكأنه في جهنم والعياذ بالله..
في هذي الفترة هو يحتاج مساندة..ودعم..حتى ما توصل به المواصيل للانتحار..
اقرئي عن أعراض الاكتئاب وشوفي هل هي فيه والا لا..إذا كانت فيه..فلا تتخلين عنه في وقت هو محتاجك فيه..
بس من القصة واضح أن المشكلة عنده وفيه..مو عندك ولا فيك..

مو كويس تدخلين احد بمشاكلكم انتبهي ..
شوفي يمكن تعبان .. فيه مرض خطير سرطان او شي بعيد الشر
ومكتئب مره وضايق صدره عليك فيحاول يبعدك عنه قد ما يقدر
لا تاخذين الموضوع بمحمل شخصي وانه هو يعاملك كذا عشان انتي كذا
المشكله عنده هو حاولي تساعدينه وتوقفين معاه بطريقتك
لا تتخلين عنه مبين عنده ظروف صعبه
وزي ما قالوا لك هو لو ما يبيك تركك من زمان
ولو ما يبيك ما كان بينكم اوقات حلوه قبل
فكري بهالطريقه ولا تكونين سلبيه
الله يسهل عليك

اخاف الي بينكم سحر

جيبي ملح خشن و اقري فيه و حطيه بزوايا البيت و رشي العتابات بماي و ملح و جاومي على قراءة سورة البقره كل يوم


ربي يفرج همكم

انا اعجبني رد وحده قالت ان بعض الرجال مايحب يكون مع الحرمه فلوس لانها بكذااا ماراح تحتاج له ...

متأكده ان زوجك من هالنوع ويبي يحس برجولته وانه الكل في الكل ..

يبي يحس بغلاه وحبك له والدليل انه كاتب وصيته يبي يحرك مشاعرك الاوله .. ويبي يشوف خوفك عليه وحرصك على راحته ..

المهم .. حني عليه وقولي له قريت الرسالة اللي ببوكك.. وعيشيه جو انه لو فقدتوه ماللدنيا طعم وكذاااا..


بعض الرجال لااااااازم تسايرينه زي الاطفال ويرجع طبيعي ويبدا يفضفض لك بس مو بسرعه لاااا يبي لك وقت شوي ..

تأكدي ان مسألة العين مو موجوده ان شاء الله ..