اللي تعدني زي اختها وعقلها يوزن بلد هي اللي ترد بسس مشكلتي ابي لها حل ؟

1 أغسطس 2011

السلام عليكم ورحمة الله وبركاته..
الشهر عليكم مبارك..
بنات أنا والله العظيم بحاله نفسيه مايعلمها الا الله وقهر وغبنه الله العالم فيها ماني قاده أسوي شي احس نفسي مربطه انا يابنات متزوجه من ثمان سنوات عندي ثلاث اولاد اكبرهم سبع سنين والثاني اربعه والثالث سنه
زوجي ماعليه يصرف على البيت والاولاد بس بطلعة الروح طبعا ماشيه له بما يرضي الله ماكلفه شي مايقدر عليه ماشيه معه تمام وهو انطوائي ماهو راعي سهرات وطلعات بييتتوتي جدا"ويصاحب شخص يجلس معه فتره بعدين خلاص مستحيل يستمر مع الشخص فتره طويله حرمني من اشياء كثيره مثل الصديقات العزايم ووافقته ومشيت معه حتى الوظيفه انا رفضتها لما جاتني عشان عيالي قلت اجلس واربيهم المهم بعد زواجي بسنتين فتحت اللاب توب حقه كنت بشيك على جدولي كنت طالبه بالجامعه وحصلت صور علطول طلعت لي يعني كان اخر شخص كان على اللاب كان يطالعها ولا سكرها وقومت الدنيا ولاقعدتها وناقشت وتهاوشت انا وياه وقالي فيروس ومن هالكلام واظطريت اصدق لاني لاحظت ان ماهو فارقه معه اصدق والا لا المهم بعد 3 سنوات من السالفه هاذي رجعت مره من اهلي ومعي اطفالي االاثنين ودخلت غرفتي ابدل ملابسي وهو بالمجلس راح ولدي وكان عمره اربع سنين وفتح التلفزيون بالصاله الا هو فيلم....:44:وارتاع ولدي وخاف ومادري ليه سبحان الله وجلس يصرخ ماما وجيت اركض والا احصل الفيلم والحماس جلست اصارخ جاء هو على صراخي ولاهو داري لما شافنا عادي طفى التلفزيون وخذى عياله وطلع بسرعه وودهم البقاله وراح وشرى لهم العاب ورجعهم جلست اكلمه قال اسلاك الدش والله العالم من جيراننا اتلخبطت تهاوشت انا وياه وانتهى الموضوع بسلامتك صدقي والا بالطقاق المهم بالايام هاذي كنت شاريه لعيالي DVDجديد وتعرفون الاطفال اي سيدي يطيح بيدهم يشغلونه وراحو لمكتب ابوهم وجابوا حافظه سيديات قديمه عنده وبدو يشغلونه واحد واحد المهم جاء ولدي وهو مرتاع قال ماما هاذا السيدي فيه حريم .....:44:انا خفت ولاصدقت واشغله الا هو الف صوره تخزي الوجوه :44:كل صوره اعظم من اللي قبلها لين حصلت صوره شلتني جابت لي العقد والوساس والامراض والله صوره رجل مابان الا نصف جسمه التحتي بس وعليه حرمه وجالسه .....:44:والتصوير واضح انه تصوير كاميرا عاديه ماهو ناس متخصصه والابروفشينال وغرفه عاديه والبنت توها صغيره ورايحين جو ثاني ....:44:لكن الجسم اللي شفته نسخة كربون جسم زوجي اعرفه من بين الف رجال والله اعرفه ونفس اصابع رجول وخصوص هو كان دارس قبل زواجي منه بميامي بامريكا اربع سنوات سكت وانا بحلقي جمرة اسبوع كامل كل من سالت قال خلاص اكسري السيدي امي واخواتي حاولت ماقدرت كيف وشلون ومتى ؟؟؟جيت بكلمه ماقدر عيالنا قدامنا علطول اظطريت اكلمه وهو بالدوام سالته : فلان لك سيديات ضايعه
قال: لا ليه
قلت: ولدك جاب لي سيديات يقول ماما هاذي مو لي
قالوهو مرتاع :وش فيها
قلت :شغل لك واروق عمل
قال:يمكن مادري
قلت:خلاص اوكيه وانا متضايقه
قال:ليه فيها شي
قلت:انت تدري وشفيها
يوم بدى بالهواش والعصبيه وعلطول سالني ولدي شافها قلت ايه وجلس يصرخ
قلت: انا الصور كلها مو هامتني هي صوره وحده لو ادري انها بغيبك ورى الشمس
وسكرت السماعه
رجع بعد ساعه دق وقام يهاوش ويسب ويلعن:44:تشكين فيني :44:وهو يصارخ من قوه هواشه كنت احتريه يقول انتي طالق وسكر السماعه
رجع من الدوام عادي ولاهمه ومع عياله وعايش حياته ثاني ارسلت له رساله وهو بالداوم انا مو شاكه الا متاكده انه انت لما رجع للدوام علطول قام يصارخ وعطيني السيدي وعييت وجلس يهدد ويوعد انه بيسوى شي ماراح يرضيني مشيت وخليته ورحت جبت سيدي فاضي وكسرته قدامه وانا اهاوش عليه ياديوث ياللي ماتخاف الله المهم لما شافني كسرت الشريط عادي طنش ولا عاد همه الموضوع ولين كلمته كلمه وحده رد علي عشر ويصارخ وحاقرني وانا ساكته عشان عيالي بس معقوله الموضوع يمر كذا وللمعلوميه انا قلت لامي سيديات فيها صور بسسسسس ماقلت اني شاكه ان له صوره وامي وابوي على اي مشكله واقفين معه وهو الصح وانتي الغلط دايم ووضعي مايسمح الحين اني اطلع لبيت اهلي لو فكرت اطلع وهو عارف اني ماراح اقدر اسوي شي فما اهتم ابد ولا رحنا اليوم نتقضى لرمضان يعني شايف اني مانويت اطلع ولا اسوي شي علموني وش اسوي باللله والله ضاعت بي الحلول ومليت وتعبت احس انها تكه بصدري حاقرني مررره اشوف صوره له مع حرمه ثانيه بالوضع هاذا وعادي واسكت تكفون نخيتكم بعد الله شورو علي رريحوني الله يريحكم دنيا واخره ؟؟؟

اللي تعدني زي اختها وعقلها يوزن بلد هي اللي ترد بسس مشكلتي ابي لها حل ؟

التعليقات

اللي تعاني من اسمرار الرقبه ✨

موقف احتاج رايكم فيه 🌸 اللي حابه تبدي رايها اتقبل بكل صراحه واحترام

اللي تعاني من الخجل مع الزوج

عادتي الصغيرة اللي تسعدني…🌸

العضوه اللي تعاني من الصراصير