كل عام وكل بنات عالم حواء بألف خير بمناسبه قدوم شهر رمضان الكريم اعاده الله علينا بالخير والبركات
عاده اعتدنا عليها نتجمع مع بعض فى ملف رمضانى كل سنه بس ملفنا السنه دى ملف مشترك مفتوح طول الشهر الكريم حتضع فيه البنات قوائمها اليوميه او عزايمها وان شاءالله فى اخر الشهر حنلخص الملف فى ملف وورد علشان تقدروا تحفظوه عندكم
واتمنى منكم دعوه حلوه لكل بنت كتبتلنا كلمه او وصفه او حملتلنا صوره استفدنا منها
1_ التــــــــــواقه للخيـــــــــ:cook:ــــــــــر
مندى الفراخ فى الفرن
روووووووووووووووعة
من النهارده معلش يا شيف سرحان المطاعم هتقفل خلالالاص
وهنعمل المندى فى البيت وأرخص منك كمان......
المقادير ::
فرخة
أرزبسمتى حسب الرغبة
طماطم مقشرة ومقطعة مكعبات
بصلة مبشورة
ثوم مهروس
ملح وفلفل إسود
كمون وكسبرة ناشفة
1/2 م ص قرفة
كركم
حبهان
بهارات مندى (( ماكنش عندى وإستخدمت بهارات لحم
لومى إسود ( خلص برضه وعملته من غيره
الطريقة ::
نغسل الأرز ونسيبه ينتقع فى الماء 1/2 ساعة بس
على الفرخة هنحط البصلة المبشورة والملح والفلفل والكمون والبهارات والقرفة والكركم وم صلصة وعصيرليمونه ونسيبها فى التلاجة ساعة تقريبا
فى الصينية اللى هنعمل فيها المندى نضع الثوم مع شوية زيت على النار ونقلب ولما يصفر شوية نضيف الطماطم المكعبات وكنت مقشراها ومقطعاهانونو
ونقلب تقليبتين ونحط تانى كل البهارات اللى فوق مع كسبرة ناشفة وحبهان مطحون ونقلب ثم نحط الأرزونقلب ونزود ماء ومننساش الملح
ونطفى ونقفل الصينية بدورين فويل
ونخرم كل الفويل بالسكين كتير كتير ثم نضع فوقه الفراخ ونقفل بالفويل كويس أوى أوى
وتدخل الفرن مده ساعة ونصوبعد كده نحمر الوجه وبتبقى تحفة والأرز رائع والفراخ دايبة دوب
وطبعا هنقدمها مع الدقوس الرائع
اللى دايما لازم أعمله مع المندى أو الكبسة أو البخارى لازم لازم لازم
نسيت أقولكم إن لازمن ولابد طالما هنشغل الفرن الفترة دى
على المندى يبقى نغسلنا كام بطاطساية
ونشرحها من فوق بالسكين من غير مانوصل لتحت
ونرش عليها زيت زيتون وملح وفلفل وبس
ونقفلها كويس
وبتبقى تحفة والله
مع الأكل ده نفسه أو بتبقى هى عشاء لوحدها أو بجانب سندويتشات طبعا
وكمان براحتك لما تطلعيها ممكن تحطى عليها جبن مبشور أو خلطة من الأجبان وقطع من السوسيس المستوى وعيشى وفننى فى الحشو بتاعها طالما مستوية وعندك فى التلاجة
الدقووووووووس التحفة
دى طريقتى اللى مش باغيرها من سنين ومش ممكن أغيرها طعمهابجد بجد لازم تجربوه وتحكموا إنتوا ........
طماطمه مقشرة
1:2 قرن فلفل حامى
ولو مش موجود حامى إستعيضى عنه بفلفلة خضرا وشوية شطةحلوين
بصلة صغيرة
2:3 فص ثوم مهروس
ملح وفلفل
2 م ص خل
وهنضرب كله مع بعض
وبعد كده هنحطه فى طاسه على النار مع م ص زيت
(مش كتير نونو بس)
ونسيبهم يختلطوا ويتسبكوا شوية صغيرين
وبس وظبطى الملح
ودووووووووووووووووقى أحلى دقووووووووووووس
وبيتاكل بارد ومعلش الصورة مش واضحة ...
سلطة الحمص الشامى
المقادير ::
الكميات مش محددة يعنى على حسب رؤيتك للأمور
حمص الشام منقوع من بالليل ومسلوق
خيار
طماطم
فلفل أخضر
زيت زيتون
م خل
ثوم مفروم
كمون
ملح
ممكن صنوبر ( حسب الرغبة )
الطريقة ::
نقطع الخيار والفلفل والطماطم مكعبات صغيرة أصغر من حجم الحمصة أو زيها
ثم نخلط الجميع مع الحمص ونكون فى كوب صغير حاطين زيت زيتون والملح والكمون والثوم والخل ونقلب كله كويس
ثم نضعهم على السلاطة وتقلب وتقدم بعدها بشوية عشان تشرب من التتبيلة والأحسن توضع فى الثلاجة
ثم تقدم وبالهنا والشفا
