¤''¤~ ملتقى نوارات تونس ~¤''¤

هيا على سلامتكم
قعدت نعمل في قهيوة pause café و نعمل عليكم طلة
kenza ما صابني نجي معاكم إنت و bnt tounes تمشيش خليل يمشي معاك و تعجبه و يبدل رايه من تصويرته ضاهر عليه coquin ربي يفضلو
آش تحب bnt tounes هاك دبرت صاحبة و تلقى مع شكون تتفرهد أنا حاسة إنت بنت فاميلة في الوقت قلوا و قاعدين نشوفوا في العجب مالبنات ربي يسترنا و يستر بنياتنا
كيف جيت من تونس في المطار شفت طفلة تونسية تكلم مع شاب قتلوا إنت تعيش في فرانسا جاوبها نعم قتلو أما خير الجو في تونس وإلا فرنسا قالها تونس قتلوا بلعكس en tunisie il ya rien a faire même pas de bar ni de boite de nuit et on peut pas bouger le soir
تتصوروا البنات فاتوا الذكورة في الهملة je me demande ou sont les parents ؟
نرجعوا لموضوعنا اللبسة و ما أدراك
om raed يعيشك لباس كيف ما قالت bnt touns توا خارج الجلباب و الخمارات و الجبايب المضخمة كيف ما تعرف التوانسة في اللبسة عينيهم محلولة
القماش كيف يبدى حلو و بارد متاع صيف أكيد يخرج
ما ننصحكش تجيب الماعون ياخذ بقعة كونش وحدة تجيبلها sur commande
وين تسكن في تونس باش نبعثلك أختي تشري من عندك وقتاش مروحة
ربي يسهل و تجارة رابحة إن شاالله

صباح الخير البنات ، تتلمو بكري برشة ما نخلطش عليكم :(
oum raed كما وصاووك البنات جيب شوية من هكة و شوية من هكة وكان تكون في تونس في جويلية نشري من عندك وحدة xl لأمي ـ

nourhen هاني رجعت بالذمة ليك :27:
عملتشي إلي قتلك عيله ؟
ما قصرتشي هاك تطل رغملي لاهية ترحيل و مرواح
ربي يعينك و منزل مبروك إنشالله
أنا في الصيف ديما نمشي نقضي من سوق الحوت بالك توى نتقابلو غادي
و العشية نمشي للمناج اللي على الشط مع الصغار
أما في السهرية القسم على الله مالكرنيش يغلي بالعباد و راجلي يفد منه
هاني ديما نستنى في تصاور أدومة و رائد









nourhen ما نحبكش تبكي

يعطيك الصحة om chaima على التصاور، و إنشاء نتقابلو في تونس البلايص الكل اللي قلت عليهم نمشي لهم إلا كرنيش ما نمشيلوش (ناس تتفرج في ناس ماشية جاية قدامهم )أنا نحب في الليل نتمشى شوي في la plage و ساعات نقعدو في قهوة السور أو قهوة القصيبة وأحسن حاجة نتلموالعائلة كاملة في دار عزيزتي ولا في دار حماتي و نضحكو و نلعبو أحسن ـ
ربي يفظلك، ما نجمش نغيب عليكم ، وصراحة البارح ما عملتش اللي قلتلك عليه عديت نهار كامل في shopping صاحب راجلي مروح لتونس نهار الإثنين وصاني نشري لمرتو و نسايبو و أختو حوايج و طبعا شريت لأمي حوايج متاع حبالة نبعثهم معاه ـ أما اليوم إنشاء الله نلقى وقت لروحي :39:

للرفع :27: