اباركلكم بشهر رمضان المبارك والله يتقبل منا ومنكم صالح الاعمال
ا
اليوم حبيت اذكرلكم تجربتي مع التقشير الكميائي
وانصحكم فيه بس طبعا مو انا اللي احدد لازم الدكتوره هي اللي تحددلك وش اللي يناسبك يعني مو على طول تروحين للدكتوره وتقول سويلي تقشير كميايئ
لا لازم هي تحددلك وتشوف وش المناسب وضروري يابنات انك تختاريلك دكتوره ممتازه وفاهمه
قبل لااتكلم عن تجربتي
هذي بعض المعلومات عن التقشير الكميائي اتمنى تستفيدون منها

كلمة تقشير تعني إزالة أو تخفيف الطبقة الخارجية من الجلد ( البشرة )، وأحياناً جزء من الطبقة الوسطى ( الأدمة)، وذلك لمعالجة بعض المشاكل أو العيوب التي تظهر على الجلد، نتيجة الإصابة بمرض معين، مثل حب الشباب والذي يترك أحيانا ندبات أو تصبغات، كذلك كلف الحمل أو النمش، وآثار تقدم السن كالتجاعيد وفقدان ليونة وحيوية الجلد، وتستخدم عدة طرق في تقشير البشرة منها التقشير الكيميائي والتقشير الميكانيكي (الصنفرة) والتقشير بالليزر. وأكثر هذه الطرق استخداماً هو التقشير الكيميائي.
هناك أنواع من التقشير الكيميائي :
تقشير منزلي، باستخدام بعض أنواع أحماض الفواكه مثل الجلايكوليك أسيد ( بتركيز خفيف )، أو مشتقات فيتامين أ.
تقشير متوسط، باستخدام أحماض الفواكه وبتركيزات عالية تتراوح بين 30% - 70%، أو مواد كيميائية مثل التراى كلور أسيتيك أسيد بتركيزات مختلفة تتراوح من 15-35%.
تقشير عميق، باستخدام مادة التراي كلور أسيتيك أسيد بتركيز قد يصل إلى 50%، أو مادة الفينول وهى مادة كيميائية شديدة الخطورة، ولا تناسب البشرة الشرقية.
تجربتي
انا طبعا سويته كتجربه فقط لجزء معين وكان هالراي راي الدكتوره
اول شي السبب اللي خلاني اسويه من بعد الجروح اللي اصابتتيني والمرض اللي اتعبني يارب تشفيني ومرضى المسلمين طلع على كف ايدي بقع بنيه اثار للبقع اللي بعد الجروح وتعبت منها نفسيا طبعا الجروح خفت بس بكف اليد اما باقي جسمي مازل فيه الحمدلله على كل حال بس البقع اتعبتني :44:
رحت للدكتوره على اساس انها تعطيني كريم مفتح لها وغسول كان هذا اللي بالي بس الدكتوره قالتلي وش رايك نجرب التقشير الكميائي بالبدايه خفت وترددت صراحه الاسم لحاله كفايه ههههه وانا ماتعودت اسوي شي الا لما ابحث بالنت وااسال وستشير بس هالمره قررت من نفسي خخخخ على طول وبسرعه بس من بعد ايش من بعد مانشفت ريق الدكتوره بالالسئله :hahaha:وطلعت كل اللي بخاطري ههه
المهم اتفقنا وقالت يالله سمي بالله واتكلي على الله المهم طلبت مني اغسل ايدي بس الكف بصابون معقم
وبعدين جابتلي ورقه عشان اوقع عليها انا صرت كذا:eek: قلت لها ليش قالت ليش مستعجله اقريها بالاول
طبعا ماكان فيه شي يخوف بس انا عجوله مكتوب اذا انا حامل او مرضع او اني اعاني من امراض تنفس
ومتى اخر مره شلت ايدي سواء بشمع والا شيره ومتى اخر كريم طبي جربته يعني مجرد معلومات
واخر شي وقعت اني التزم بنصايح الدكتوره وما اسوي شي هي ماطلتبه مني هنا خفت قلت لها طيب لو صارلي شي مثلا تعب والا الم وانا متبعه النصايح وش اسوي قالت لاتخافين انا بتابعك بستمرار>>جننت الدكتوره
المهم سميت وسلمتها ايدي جابت محلول بعلبه صغيره وبلت القطنه بالمحلول ومسحت على ايدي وقالتلي لاتخافين راح تحسي بالم وفعلا تالمت صرت كذا:06: بس جلست استغفر وادعي واسبح تقريبا الم خمس دقايق بس يحرق المهم وبعدين خف شوي ونشف المحلول على ايدي من بعد كم دقيقه رجعت مسحت من جديد ورجع الالم من جديد
ونفس الشي فتره وخف وقالتلي خلاص خلصنا
وطبعا عطتني نصائح وقالتلي ممنوع تطلعين بالشمس ممنوع تحطين أي كريم طبي من دون وصفه مني ممنوع تفركي ايدك بقوه اثناء اللاستحمام وقالتلي راح يصير احمراربس لاتخافين اما اذا زاد الاحمرار وحسيتي بالم على طول تعالي المهم اتفقنا وطلعت من عندها هالكلام كان الساعه 10 الصبح لما صارت الساعه الظهر 2 الاحمرار وبدا والالم
تحملت لي يذن العصر ورحت لها على طول قالتلي لاتخافين عطتني كريم مهدي قالتلي بس استخدميه اذا حسيتي بالم والحمدلله يومين وراح الالم
بس من بكرا صارت ايدي بقع حمراء وجزء منها كانه صار رمادي وشي اسود كانه محروق صراحه خفت وتندمت:44: حسيت اني لعبت بنفسي بس تحملت وصبرت لين موعدي عطتني اسبوع وارجاعها
المهم من بعد اخمس ايام من القتشير صارت ايدي خشنه وكنأها يد وحده عمرها الف سنه ههه جد تجعدت وزاد الخوف واااااااااااااااع:06: بس تحملت مابقى الا يومين وويجي الموعد واروح بس صرت احرك ايدي لان الدكتوره طلبت مني احرك ايدي ولما اكنت احرك اصابعي يعني كاني امسك شي كنت الاحظ قشور على ايدي يعني كان هالخشن بدا يصير قشور بيضا وبدا يتقشر يعني نفس البقعه اللي قبل بنيه انقشعت وصار تحتها جلد جديد هنا انا ستانست على النتيجه بس الدكتوره نبهتني قالت لالالا تشيلين القشر هو يزيل نفسه انتظريه لين يطيح من حاله
رحت لموعدي وشافت الدكتوره ايدي واستنانست على النتيجه وقالت الحمدلله كل شي اوكي قالت خلاص باقيلك اسبوع ثاني ويتنهي كل شي والقشور كلها تروح و نشوف اذا محتاجه جلسه ثانيه اولا
الحين بقولكم وش النتيجه اللي لاحظتها من بعد الاسبوع لثاني وخلاص القشور كلها راحت
البقع الحمدلله خفت بنسبه مره كبيره حسيت طلعلي جلد جديد كف ايدي صار صافي وموحد لون اصابعي والكف واحد الحمدلله
هذي بس تجربه لجزء معين وماكملت على الباقي متكله على ربي انه يشفيني ويتم عافيته علي وعلى كل مسلم وان ربي سبحانه يزيل هالجروح اللي اتعبتني من جلدي وارجع اسوي التقشير للاماكن الباقيه من جلدي:44:
الرجاء عدم الرد بكمل الموضوع

بعد 