تجمع الموقنات برحمة الله(خبرات متبادلة حول مراكز العقم في مصر)الجزء 22

مصريه
معلش يا مصمص كلوا يهون علشان خاطر الكتاكيت ربنا يجيبهم بالسلامه ونعملهم فرح حلو

بناااااااااااااااااااات
وحشتونى جدا انا جيت افطر عند ماما دخلت اكتبلكم
بكرة الصبح ان شاء الله هعمل تحليل الE2وبعدين هروح للدكتور يارب يلاقى بويضات كويسه ويحدد ميعاد السحب اناا بس لدلوقتى مستغربة ليه ادانى التنشيط من سابع يوم الدورة بس ان شاء الله خير
بالنسبة للى بيتصلو بيا جزاهم الله خير لكن انا اوقات بكنسل او مبردش لما بكون قاعده قدام حد لانى مش عايزة اتكلم فى الموضوع قدام ناس معينة بيكونو وقتها موجودين معايا فى المكان طبعا انتم اخواتى هنا وفاهمين ومقدرين بس انا انهارده اتحسرت وكنت هتنقط اما ام اياد اتصلت بيا مرتين وشايفه التليفون قدامى ومش قادرة ارد لان الودان ليها ودان الحمد لله على كل حال انا عند حماتى بخبى ابر التنشيط جوا التلاجة علشان سلايفى وكده لو طلت اخرم طماطماية واخبى الحقنة فيها هعملها ربنا يجبر بخاطرنا ان شاء الله بس على فكرة انا مش بعمل كده خوف من الحسد ياريت والله مع كل الألم والأسف بعمل كل ده علشان الشماتة ربنا مايوريكم تلقيح الكلام لسه واحده انهارده بتقولى انتى عايزة عيال ليه ماكفاية عايشة برة وجوزك بيحبك وطيب انتى هتاخدى كل حاجه
ان شاء الله ربنا هيكرمنى يارب بحق الايام المفترجة دى أنا وكل اللى معايا وزيى

بنات
انا قريت بروتوكولات الحقن المجهرى دى وعجبتنى جدا وبجد مفيدة وليا طلب عندكم
ياريت الشطورة اللى هتفتح الملف الجاى تعمل نسخة عندها عالوورد وتحطها فى الصفحات الولى بالملف علشان تتثبت معانا دايما وكل اللى تدخل تستفيد بالله عليكم يا حبايبى

بروتوكولات الحقن المجهري
البروتوكول الطويل

1- يتم البدء بحبوب منع الحمل جينيرا من تانى يوم الدورة ( الخطوة دى دكاترة كتير بتكنسلها )
2- بدءا من اليوم العشرين يتم أخذ ابر تحت الجلد مرة واحدة يوميا والجرعة على حسب الحالة ووصف الطبيب ممكن 100 وحدة او 50 او 25 طبعا الجرعة تكون اكبر ما يمكن 100 وحدة اذا كانت الخصوبة عالية عند السيدة واقل ما يمكن 25 وحدة اذا كانت خصوبة قليلة وجرعة متوسطة 50 وحدة اذا كانت خصوبة متوسطة ( اسماء الابر التحضيرية : ديكابتيل – لوكارين – سوبرفاكت )
3- تستمر الابر التحضيرية حتى نزول الدورة بنفس الجرعة المحددة سالفا
4- يتم عمل تحليل E2 وسونار فى اليوم التانى للدورة
فى حالة التحليل اقل من 50 والسونار يوضح عدم وجود اكياس على المبيض ورحم مناسب
يتم البدء فى ابر التنشيط مع تقليل جرعة الابر التحضيرية الى النصف او اقل بقليل
بمعنى لو كنتى بتاخدى 100 وحدة تصبح 40 وحدة اثناء التنشيط

ابر التنشيط :مريونال – فوستيمون – بيوريجون – جونال اف – مونيجون
وكل طبيب يفضل نوع او اتنين من الابر دى اللى فى الغالب تحتوى على هرمون الاف اس اتش فقط
او الاف اس اتش ومعه هرمون الال اتش

مريضة التكيس يفضل الا تستخدم ابر تحتوى على هرمون الال اتش وذلك لارتفاع الهرمون ده عندها بشكل طبيعى
5- يفضل ان توخذ ابر التنشيط مرتين يوميا لأن مفعولها يستمر 17 ساعة وذلك حتى لا ينقطع الجسم فترة عن التنشيط
6- بعد 3 الى 5 ايام من بدء التنشيط يتم عمل تحليل E2 وسونار يذاد تحليل هرمون الال اتش فى حالة المريضة المتكيسة
7- يذيد الطبيب من جرعة المنشط ويقلل من جرعة الابر التحضيرية فى حالة الاستجابة القليلة للتنشيط
8- يتم المتابعة بالسونار والتحاليل كل يومين حتى تصل البويضات الى حجم 17 مل فأكثر ويتجاوز تحليل الe2 800 or 1000 يتم اعطاء المريضة 2حقنة تفجيرية كوريمون ويتحدد وقت السحب
9- تحليل ال E2 ..... كل بويضة ناضجة = حوالى 200 وحدة من الهرمون
10- يتحدد يوم ارجاع الاجنة على حسب عدد وجودة الاجنة
الارجاع اليوم الخامس 5 اجنة فأكثر درجة اولى
الارجاع اليوم الثالث 3 اجنة درجة اولى فأكثر
فى حالة الاجنة الدرجة الاولى 2 فأقل يتم الارجاع اليوم الثانى

تؤخذ المثبتات من يوم سحب البويضات .. لبوس سيكلو جيست مرتين يوميا + ابرة يوميا بروجيست + حبتين مرتين يوميا الحبوب البيضاء من حبوب سيكلونوفا


البروتوكول القصير

يتم التنشيط مباشرة بدون ابر تحضيرية بدءا من اليوم الثانى وهذا البروتوكول يطبق على المريضات منخفضة الخصوبة

بروتوكول التنشيط بالكلوميد

يطبق فى حالة ارتفاع هرمون الاف اس اتش اكثر من 20 وفيه ينشط الجسم بالكلوميد بدءا من اليوم الثانى ولا يتوقف بعد 5 ايام لكن حتى وصول البويضة للحجم المناسب
عيب البروتوكول هو احتمال ان تتأثر بطانة الرحم وتصبح اقل من 8 وفى هذه الحالة تجمد الاجنة وتنقل فى دورة لاحقة حتى تتهيأ البطانه للسمك المطلوب


منقول للافادة ياغاليات

السلام عليكن ورحمة الله وبركاته
يا بنات عندى سؤال بالله عليكن تردو عليا انا نفسيتى تعبانة جدا
عايزة اعرف الحقن او اطفال الانابيب فى مركز كويس تتكلف كام
لانى عندى انبوب واحد بس بعد ما شيلت الانبوب التانى بحمل خارج الرحم من 5شهور وخايفة جدا يكون الانبوب التانى فيه انسداد او التصاقات وان شاء الله هاعمل اشعة بالصبغة الشهر ده عشان اطمن ويارب يا رحيم ما تكون االانبوبة فيها حاجة واحمل طبيعى لانى مش هاقدر على تكاليف الحقن