اللي سوت تلقيح مجهري 00وحملت؟؟؟

هلا بكل الاخوات معليش بس دحين الي شفت اسئلتكم
بالنسبه للحليب كل يوم لترين وهدي نصيحة اشهر مركز بريطاني والله يابنات ان نتائجه فوق ماتتخيلو واحسن طبيب فيه عربي مسلم والانجليز يطلبوه هو بالتحديد لانه ممتاز بس انا ماسويت بهدا المركز لانه احنا في مدينه بعيده عنه بسبب دراسة زوجي وسبب شرب الحليب اعتقد انه مفيد للبويضات بس ماني متاكده من المعلومه وحتي المركز الي كنت اسوي فيه كانوا يقولولي اشرب الحليب واكل بروتين واجبان ايام التنشيط
اختي هوازن نجد تري انا مو كل المرات فاشله اول مره ماتم ترجيع وجمدت كل الاجنه لان كان عندي استجابه عاليه ومرتين صار حمل كميائي ومره حملت ببنتي
اما طريقتهم فهي:
لما تجيك الدوره تكلميهم ثم يقولولك تعالي في يوم 21 من بداية الدوره ولما تروحي لهم داك اليوم يعطوك بخاخ للانف تستنشقيه حوالي 5 مرات في اليوم وتستمري عليه حتي تجيك الدوره ووظيفته يتحكم في هرمونات الجسم وادا جاتك الدوره تروحي لهم ويسوولك فحص دم يشوفوا هل مستوي الهرمونات وصل للحد المطلوب ولا لا ادا كل شي تمام يعطوك شنطه فيها الابر التنشيطيه ويسالوك هل انتي تقدري تعطيها لنفسك او زوجك يعطيك هيه او المستوصف ادا انتي حابه تاخديها يعطوك درس كيف تاخدينها ويوفرولك مسدس تحطي فيه الابره وتضربين الابره من غير ماتحسي او تخافي انا اول مره زوجي اعطاني الابر اما الثلاث العمليات الاخيره كنت انا الي اخدها بنفسي مافي حيل كل يوم اروح المصتوصف وكمان اعطوني فيديو تعليمي كيف اخد الابر وبعد ماتبداي في الابر خلاص توقفي بخاخ الانف والتنشيط عادة يكون خامس يوم للدوره
بس المره الي نجحت عندي جاتني الدوره ولما كلمتهم عشان ابدا بالابر قالولي مزحومين استمري علي بخاخ الانف وجات الدوره وانتهت وانا مابديت بالابر قلولي مافي مشكله مادام انتي علي البخاخ مو شرط يكون الابر والدوره معاك وبعد انتهاء الدوره يمكن باربعه ايام اتصلوا في وبديت اخد الابر وكنت كل يومين اروح لهم يسوون لي تصوير ويحللون الدم ولما توصل البويضات للحجم المناسب يعطوك ابرة التفجير ويحددوا موعد السحب وبعد كدا ترجيع الاجنه وهنا القانون يمنع ارجاع اكثر من جنينين الا بعض الحالات يسمحوا بثلاثه مثلا لو كنت مسويه كدا مره وفشلت يمكن يرجعوا ثلاثة اجنه
واي سوال انا حاضره
والله يوفق الجميع ويرزقنا الذريه الصالحه

بالنسبه لفيتامين A هنا الفيتامينات الي مخصصه للحوامل ماتحتوي علي فيتامين ا
وسويت بحث لاني ماحبيت اعطي معلومات يمكن تكون غلط ولقيت انه فيتامين ا قد يودي الي تدمير الاجنه وتلفها وكمان مكتوب ان الاطعمه الي تحتوي على هذا الفيتامين لازم توكل كميات قليله منها
وارجع اقول انه هنا في بريطانيا هناك فيتامينات مخصصه للحوامل ولو قراتي نوع الفيتامينات تلاقيها خاليه من فيتامين ا وانا كنت استخدمها قبل مااحمل واستمريت عليها حتي بعد الحمل

حبيبتي امسيان الله يبارك لك في بنتك و يسعدك و عندي كذى اسئلة ؟هل بنتك جائتك من الاجنة المجمدة؟ان كانت مادا عملت ؟اي هل اخذت ادوية ؟و متى؟هل اديت ثمن ؟و كم؟و ان كان لا هل تعرفي احدا نجحت له الاجنة المجمدة؟
كم عندكم في بريطانيا التلقيح المجهري ؟و كم ثمن التجميد في السنة؟يا ريت تعطيني الثمن بالاورو او الدولار الامريكي و شكرا لك حبيبتي