وش سالفه مخططات اليوت مخلينها قصور افراح تحت وتنويم فوق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وش هذا يابنات والله العظيم روتين ممل وقااااااتل وش سالفه التقليد والنسخ بالمخططات كلها تشابه البيت الكبير والصغير كله زي بعضه بس اختلاف في المساحه


وين افكارنا وين مهندسيننا الاكفاء وين التجديد والتميز بكل شي شايفه الكل يقلد بعض في كل شي حتى الاسواق والله مايتعبو على ذوقنا كوله زي بعض البويات الاثاث والارفف والتفزيونات وغرف النوم والله كلها تشابه واللي تجيك مختاره على ذوقها تلقين كثير يقولك لا سوي كذا وحطي كذا لين تطلع بيوتنا تتشابه


حتى بالمخططات كلها تحت استقبال وفوق تنويم ياناس مافي شي جديد رحت لدول اجنبيه واروبيه كثير وعشنا هناك ونروح ندور بيوت للسكن والله كل بيت وله تخطيط مغاير عن الثاني مره دخلت بيت عجبني مره حاطين استقبال خطير ونافوره اول المدخل صالات خياليه وحاط غرفه النوم الرئيسيه تحت وفي المقابل صاله صغيره اوغرف العاب وغرفه نوم بملحقاتها زي اللي عندها بيبي وتخاف تصعده فوق والمطبخ بالنص وباقي الغرف فوق

وغيره وناس حاطين غرفه نوم للضيافه متكامله تحت ومكتب
ومساحاتهم صغيره بس مستغلين كل شي

ويوم رجعت السعوديه لقيت بيوت عمامي وعماتي كلها تشابه والله بدون مبالغه طاولات التقديم كلها نفس بعض مع اختلاف بسيط قالت امي اول ماشريناها اعجبتهم وشرو زيها وهي اخر شي نزل السوق طيب ليش التقليد وين ذوقهم ويوم افتح قسم الديكور والتأثيث والله بدون مبالغه البيوت كلها تشابه مافي شي مميز والمهندسين مرتاحين مننا بس يسوي مخطط كامل وينسخه لمليون شخص يسوي مثله


ابعطيكم مثال لمخططات قديمه وهي

مجلس مقلط صاله مطبخ وغرفتين نوم والدور اللي فوق نسخه اااااااااااه يالقهر


انا تعبانه

وبصراحه اكثر شي رسخ واعجبني في مخيلتي هو بيت امرأه بعشر رجال لان غرفها مميزه والوانها ماتشبه احد



وش ريكم بكلامي انتم معي او تحبون الروتين والتقليد




طموحه 3

115 تعليق 15,382 مشاهدة

شاركي في النقاش

سجلي الدخول لإضافة تعليق.

التعليقات

115
  1. @noooran_1

    الموضوع مو تقليد لا

    الموضوع انه كل انسان يدور المخطط الي يناسب حياته واحتياجاته وطبيعتنا الخليجيه توجب علينا نحط مكان الاستقبال كبيررر
    لانه العوائل عندنا كبيره موزي الاجانب

    يعني انتي تقولي غرفه نوم تحت وغرفه اطفال انااتعبره عيب كبير في البييت يكون كذا لانه مو معقوله انام انا تحت وطفلي الصغير وباقي عيالي فوق وغرفه النوم قريبه من المطبخ ريحه الطبخ

    واذا جاني ضيوف زوجي نايم بيكون ازعاااااااج


    بالعكس اشوف بيوتنا حلووووووووووة وشرحه ومساله الذذوق بالعكس انا اشوف كل بيت مختلف بذوق ست البيت

    بس برضو يبقى ذوقنا الخليجي هو الطابع الرسمي لاننا نحبه
  2. @tmohh_3_1

    صاحبة الموضوع
    اوك ذوقنا الخليجي بس وش التشابه الملحوض ولا في مجال للتغيير وبعدين لو غرفه النوم تحت ليش مايكون المطبخ بدال الملحق برا مع توفير الجو المناسب ؟؟ وين الافكار ؟؟ليش المخططات كلها تشابه حتى لمارحنا ندور فله نشتريها والله مافي شي مميز بصراحه كله زي بعضه


    طيب الاثاث والبويه كله احتياجات خليجيه انا اقول تقليد ممل سؤال مافي اي فكره او تخطيط يتناسب مع العائله الخليجيه بشكل يحفض خصوصيتنا مع الابتكار؟؟؟


    اعطيك مثال مسلسل زواره خميس اتحداك اللحين تدخلين بيت مافيه هذي الساعه ؟؟؟؟


    طموحه 3

تابعي تجارب أخرى من هذا القسم.