@@التجمع الرابع عشر للقيصريات@@@

هلا فيك ام عبد العزيز
انا ها القيصريه الثالثه وان شاء الله تكون اسهل عمليه علي وعليكم
انا اتابع بمستشفي الملك عبدالعزيز التخصصي
اليوم يابنات سويت الاشعه واعطاني موعد 16 رمضان دخول للمستشفي واتوقع العمليه اليوم اللي بعده يعني 17
انتي وش صار معاك والله يهون عليك ويقومك بسلامه يااارب
المشكله صرت اهلوس واقول لو جاني طلق وانا ماحسيت او انتبهت له وش بيصير ....؟؟ اشتغلت الهلااااوس عندي بعيش برعب الين اخلص
يااااااااااااااااارب ياكريم مااولد الا بعد الموعد
قلبي مع المسافر الله يهون عليك يارب وتقومين بسلامه ونجي هنا نطمن بعض ونضحك على خوفنا من العمليه

اميييييييييين يارب علي وعليك وعلى كل حامل والله ان فيني خووف اول مرره يجيني مع انها العمليه الرابعه بس مدري وشفيني احس بضيقه وخوف الله ييسرها من عنده ياكريم :44:

السلام عليكم ورحمة لله وبركاته

الله يسهل على كل حامل

ويرزقنا الذرية الصالحة البارة تامة الخلقة معافاة

ويرزق كل محروم ومحرومة

اللهم امين


اختي حصوصتي حبيبتي

ودي اسالك هل انت من الرياض ؟؟

وين ولدتي ؟؟ اي مستشفى ؟؟

من الدكتورة التي قامت بتوليدك ؟؟

اعتذر عن كثرة اسئلتي

وآسفة على ازعاااااجك


بارك الله فيك

ورزقك برهم واصلحهم وهداهم لما فيه الخير

السلام عليكم
كيف حالكم اخواتي
انا انضميت لكم بسبب قيصريتي الثانية
كنت اشوف تجمعكم ماتوقعت بيوم اني بكون معكم
انا ولادتي الاولى قيصرية من ١٠ سنوات
بعدها ب ٤ سنوات ولدت طبيعي
ومن ٦ ايام ولدت قيصري
وبكذا راح تكون كل ولاداتي الجاية قيصري الا ان يشاء الله


انا عانيت من انتفاخ البطن
وكان يجي معي الم في كتوفي بعد العمليه توقعت انه خلع لكتفي حصل وهم ينقلوني من سرير العمليه
لسرير النقل

لكن دكتورتي قالت الالم هذا بسبب الغازات اللي بأمعائي

سويت العمليه فجر الجمعه والغازات الله يكرمكم ما طلعت الا ليل الاحد
كنت بمعاناة ربي اللي يعلمها
وتسهل امري من الله ثم من شيئين
كل وحدة منكم تستعملها على طول اول مايسمحون لك بشرب الموية كليها
اللي هي حبوب الفحم من اركو فارما حبة كل ٦ ساعات
والثانية حبوب مضغ ديسفلاتيل حبتين كل ٨ ساعات

من بعدها وانا الحمدلله ارتاحت امعائي

دخلت لاني حبيت افيدكم وما ابغى تمرون باللي مريت فيه
معاناة يومين ونص
ووالحمدلله على كل حال