السلام عليكم ورحمة الله وبركاته
الله يجزاك خير يادكتوره عندي ولدي ولدته وكان وزنه 3 كيلوا بس كل من شافه يقول أقل من كذا يعني صغير وكانت رضاعته طبيعي بس فتره الأربعين وكان احيانن يرجع وبعد الأربعين حولته للحليب الصناعي وأستخدمت حليب سيميلاك أدفانس بس سبب له أمساك ورحت للدكتوره وقالت أستخدمي حليب سيليا أكسبيرت وأعطتني علاج للمغص أسمه دنتينوكس 1ونص ملي قبل الرضاعه بربع ساعه ثلاث مرات يوميا والحليب سبب له ترجيع بعد كل رضعه لازم يرجع وبعدين يوم كمل شهرين ونص رحت لدكتوره ثانيه ووزنته وطلع وزنه 5 كيلو 300 جرام وتقول وزنه زين وقلت له عن الترجيع وغيرت حليبه ل أيتاميل للترجيع وماشاء الله وقف الترجيع بس المشكله صار بطنه غازات ويصيح وغازات من تحت مثل الكبار ونصحتني وحده بحليب نوفالاك للترجيع وأستخدمت نوفالاك للترجيع بس المشكله رجع له الترجيع
وهذي معاناتي مع ولدي وربي أن صارفيني أحباط وتعبت معه ماأدري وش فيه تكفين يادكتوره وش أسوي وأي حليب أستخدم ونقط المغص أستخدمها أحيانا
وهو بعد ولادته بيوم دخل الحضانه علشان الصفار وبعد يومين من ولادته تقول الممرضه على مغذي لأنه مايرضع وجلس يوم بعدين رضع طبيعي والحين الحمد لله مافيه صفار
والحين عمره ثلاث شهور الله يحفضه وبرازه مره بااليوم وأحيانا مرتين بااليوم ولونه أصفر
والله يجزاك خيـــر ويسعــدك يادكتوره
الدكتورة نجلاء محمود
متابعة النقاش، صفحة 42