السلام عليكم
فين الدعوات ليا انا و اوكسي يا قمرات
عاوزين دعاء مكثف لعل الله يستجيب
و نحمل انا و اوكسي بعد المنظار :)
تجمع الموقنات برحمة الله(خبرات متبادلة حول مراكز العقم في مصر)الجزء 22
متابعة النقاش، صفحة 363
شاركي في النقاش
سجلي الدخول لإضافة تعليق.
التعليقات
2,016oxygenatom قوليلى يا مرمر انتى من اسكندرية ولا القاهرة وبتابعى مع دكتور مين وايه الخطوات اللى مشيتى فيها يمكن اشور عليكى بحاجة تفيدك
انا يا اوكسي من اسكندرية انا اولا عندي الاندو من فترة طويلة اكتشفته قبل الزواج وعملت منظار للاكياس مع دكتور اسامة الاشقر واعطاني علاج تهبيطي وبعده بسنتين اتجوزت ومرت سنة والثانية ولا يوجد حمل تابعت تحاليل واشعة وكله تمام نزلت اسكندرية لان عايشة بدبي وعملت مرتين حقن مجهري مرة عند شريف سامي سعيد بمحطة الرمل وفشل ولله الحمد بعده روحت لدكتور عادل بالقاهرة كان ف اكياس قالي نسحب الدم ونعطيكي علاج تهبيطي وعملت العملية واخذت فعلا والعلاج وسافرت بعده بشهرين قابلت دكتور هشام عبد الفتاح هنا لان كان جمبي بيوجعني جدا فكشف وقالي عندك لسه الاكياس وكمان ورم ولازم تعملي منظار نزلت اسكندرية عملت المنظار وحولني علي هشام صالح دكتور هشام عطاني علاج تهبيطي كمان 3 حقن لحد موعد الحقن ف شهر 10 والحمد الله لم ينجح لعله خير
المهم اخر حاجة نزلت الشهر اللي فات روحت لدكتور عماد الدين خليفة هو كويس جدااااااااااااا عملي تحاليل وطلب مني اني اعمل منظار رحم عشان يشوف ليه فشل الحقن مرتين عملت المنظار ولقي التصاقات ف الرحم فكها وان شاء الله هنزل ع شهر 9 او 10 اعمل الحقن المجهري لثالث مرة والان انا موقفة كل حاجة لان تعبت فعلا من كل حاجة وربنا كريم ان شاء الله وتعدي الفترة ديه ع خير
وادي حكايتي بالمختصر طبعا يا اوكسي
وربنا يرزقنا جميعا الذرية الصالحة يارب ويرزق كل مشتاقة يارب ف شهر الخير والرحمة والغفران يارب- ام التوامان
ان شاء الله ربنا يرزقك أنتى واوكسىى وام حفصة القادمة كمان
هتستغربى يا بنتى تصدقى انا افتكرتك حامل ونسيت انك مش حامل سبحان الله والله يابنتى يمكن اتلغبطت بينك وبين املى فى توام فافتكرتك حامل
ان شاء الله رمضان يكون وشه حلو على كل بنات الملف ويرزقنا جميعا الذرية الصالحة أنا متفائلة لان قبل سنتين كنا بنتمنى واحده فى الملف تكون حامل دلوقتى ماشاء الله الحوامل فى الملف اكتر من المتأخرات تبارك الله وده بيخلينى اتفائل جدا ان شاء الله ربنا هيرزق الباقيات ونطلع ندور على بنات متأخرات نستدرجهم للملف وانا عليا الزباين احملو انتو بس وماتقلقوش - مرمر
اخيرا شفتك بتتكلمى معانا ياااااااااااااااااااااااه دا اليوم ده يوم عيد
على فكرة يا بنات مرمر معانا ى الملف منذ سنوات عديدة لكنها صامتة جدا وقليلا ما تتكلم
ومرمر كمان اللى حجزتلى بنفسها اول مرة عند دكتور عماد جزاها الله خير يا ريت نكتر لها الدعوات اليومين دول لحد شهر 10 ماييجى كده ونفرح بيها - سبحان الله يا مرمر
انا كمان منتظرة الحمل من سنة 2004 والحمد لله على كل حال ان شاء الله ربنا هيكرمنا
بكل ابرة خدناها وانتظار عند دكاترة ولف عالمستشفيات وتحاليل الحمل بالذاااااااااااااااااااااات اللى بتطلع أوت ونطلع بعدها حالتنا تقطع القلب كل ده ربنا كان معانا فيه
بكل كلمة سمعناها واتأثرنا بيها وكل موقف حصل حزننا منه وكل قرش حرمنا نفسنا علشان نحوشه ونكرر محاولاتنا فى العلاج وكل ده ولسه مفقدناش الأمل وعندنا ظن بالله انه هيدينا ويراضينا
زى ما ربنا كان معانا فى كل ده اكيد معانا فى الفرج ومش هيسيبنا ابدا ان شاء الله نا قريت كللمة لاخت عجبتنى جدا قالت انها كانت بتحتسب كل عملية تفشل او كل نطفة ماتطلعش حمل كانت بتحتسبها جدار بيتبنى يحجز عنها النار ولسه مستنية فرج ربها ربنا يرزقنا جميعا ان شاء الله
مواضيع مشابهة
تابعي تجارب أخرى من هذا القسم.