السلام عليكم ورحمة الله وبركاته
كيفكم ياخوات
كل عام وانتو بخير وربي يتقبل صيامكم وطاعتكم
رجاء من الاداره لاتنقلون الموضوع الله يجزيكم الجنه
يااخوات ابي اقول لكم نصيحه من اخت لكم
عليكم بالدعاء في السجود والله الدعاء ينفعكم الدعاء لزوجك بالهدايه وبالصلاه
وانا فقدت زوجي من شهر توفاه الله
توفي زوجي سكته قلبيه في الشقه وانا بعيده عنه كنت عند اهلي بس والله قلبي محروق
بس الحمدالله اللي مهون علي مات راضي قبل مايموت مكلمني انا ولدي ويضحك وسبحان الله بعد مارجع من العمل اتوقع ليله الجمعه توفى يوم الجمعه رحت زواج بنت اخوي السبت كنت بروح الخبر مع ولد اخوي بس في شي يمنعي ودقت على زوجي بقوله برجع ومارد قلت يمكن نايم يوم الاحد ماقدرت حلمت فيه كانه ينادني وقمت من النوم دقيت ومارد دقيت على اخت زوجي قلته اخوك مايرد علي خلي احد يروح الشقه روحوا اخوانه وكسرو ا الشقه شافوه ميت متشهد الحمدالله على كل حال
3 ايام مات ومااحد رد عنه اهله ساكنين قريب منه بس الحمدالله لاموني ليه تركته ليه وليه
انا جيت عند اهلي زياره وجيت راضي علي الحمدالله
بس والله يااخوات عشت معه عشره سنوات الحمدالله والله مافي مشاكل اللي تخلي يزعل
تعودنا ان ننام ونكون راضين على بعض بعض الاخوات يزعلون ويطولون الزعل يومين اسبوع او شهر ليه يااخوات
عليكم بالدعاء واالاستغفار
كنت ادعي له بالهدايه وربي يبعد عن اصدقاء السوء
وترى يااخوات ماتعرفين قيمه الشخص الغالي الا اذا فقدته وهذي الدنيا فانيه
اللحين دخلت الشهر الثاني من العده زوجي توفى في 29 رجب
داعواتك لنا بالصبر انا وولدي وام زوجي
واكرر عليكم بالدعاء لزواجكم والصلاة وربي يسخر لهم الطيبين من خلقه ويبعدهم عن اصدقاء السوء ويخلهم لكم
انا اسفه يااخوات طولت عليكم
شاركي في النقاش
سجلي الدخول لإضافة تعليق.
التعليقات
85- مشكوره ...الله يحفظك ويحفظ ولدك
- الله يرحم ابو صالح ويسكنه فسيح جناته ويقيه من عذاب القبر ياذا الجلال والاكرام ربي يحفظ لك صلوح ويرزقك بره يارب
- الله يرحمة ويسكنة فسيح جناتة ويصبركم ويربط على قلووبكم يارب ويعينك على تربية ولدك الله يرزقك برة
- الله يرحمه يارب
جــــــــــــزاك ربي كل خير - الله يرحمه ويلهمك الصبر
مواضيع مشابهة
تابعي تجارب أخرى من هذا القسم.