علموني ياطبخات

السلام عليكم ورحمة الله وبركاته
اولا هذي اول مشاركه لي في هذا المنتدى العزيز على قلبي
على اني لي سنتين وانا احاول اشترك فيه بس ماتصلني رسالة قبول العضويه بس اليوم والحمدالله بعد تغيير الايميل قدرت اشترك
وحب اشكر كل القائمين عليه

وبصراحه مشكلتي اني ماعرف اطبخ ابد
وانا على وجه زواج
لي شهر تقريبا ادرب على الطبخ وكذا مره سويت كبسه
بس طريقتي اطبخ الرز الحاله والدجاج الحاله لان ماحب اطبخ الرز على مرق الدجاج
بس دايم يطلع الرز ماله طعم مدري ليش
حطيت ماجي دجاج برضو ماله طعم

ياليت من الاخوات يقلون لي الطريقه ولا يعلموني حال للمشكله

12 تعليق 953 مشاهدة

شاركي في النقاش

سجلي الدخول لإضافة تعليق.

التعليقات

12
  1. @layal_1

    نونو
    اطبخي الدجاج لحاله ولما ينضج صفيه من المرقه واشوي الدجاجه بعدين سوي كشنة الرز ولاتنسي البهارات هي الي تطلع نكهه للرز وبعدين حطي الرز على كشنه
    ترى في السوبر ماركت تلاقين بهارات خاصه في الرز

    حاولي انك تشترين كتاب طبخ وتطبقين الي فيه وراح تصيرين طباخه ماهره
  2. صاحبة الموضوع
    مشكوره اختي
    الله يخلي منتدى عالم حواء احسن من مية كتاب طبخ

    ياعمري انا ابي طريقة الرز من غير ماحط فيه لا دجاج ولا مرق
    اما البهارات امي تشتريه من وحده تسويه عاد احنا ياهل حايل مشهورين بالبهارات
    وشكرا على ردك
  3. @ms_busy

    ياحبيبتي الكبسه طعمتها في مرقه الدجاج
    راح اقول لك طريقتي جربيها
    اول شئ حطي زبده او سمن في القدر وحطي معه البصل المقطع وخليه يحمر بعدين حطي طماطم مقطع وخليه تنزل مويته شوي...
    وحطي عليه الماجي والليمون الاسود والبهارات والملح و 3 حبات من الهيل و زيها من القرنفل(المسمار)
    بعدين حطي عليها الدجاجه راح تكونين مقطعتها انصاف
    وبعد 7 او 10 دقايق كبي عليها المويه الفايحه
    خلي الدجاجه تطبخ 45 دقيقه
    بعدين تكونين قد غسلتي الرز من قبل وحاطته بقدر
    طلعي الدجاجه وحطيها في صينيه للفرن(وحمريها من فوق ومن تحت)
    وبعدين جيبي الصفاي وحطي مرقة الدجاج على الرز وولعي عليه الرز النار

    وبعدين اذا استوى كليه؟؟؟؟
    واذا سويتيه خبريني حلو والا

    وكمان عندك منتدى الطبخ عندهم طبخات حلوه
  4. استخدمي الماجي الصيني.. اوجينو موتو
    يطلع الزر ابيض ونكهته لذيييييييييييييذه وقويه كأنه رز مطعم بدون حاجه لمرقة الدجاج :)
  5. ما ادري ليش ما تبين ماء الدجاج
    هو احسن شيء
    زوج المستقبل اكيد يحبه مثل باقي الناس
    المهم
    الرزاذا كان على ماء فقط لازم تكثرين الزيت ضروري جدا جدا
    والكشنه حمريها مرة علشان يبين ريحها في الرز
    وخليه على النار ساعة الا ربع
    بدون طماط او صلصة لان الرز راح يكون ماله طعم الصلصة والطماط يبون مرقة الدجاج
    اما اذا كان على مويه بس خليه ابيض لازم
    اذا سويتيه علميني

تابعي تجارب أخرى من هذا القسم.