ملف خاااص للزوجات الثانيات فقط حياكن الله

السلام عليكم ورحمة الله وبركاته ,,

مرحبا صبايا ,,

شحاااالكن ؟


حيّا الله الجميع مقيمات وزائرات ,, وصدق والله الواحد في رمضان يحاول يوفق ومب ملحّق ,, الله يعينا


حبيبتي أم كند اسمحيلي اقولك انك غلطانه ,,

ادري ان تصرفك سبقته حسن نيتك وطيب اصلك بس صدقيني مع مرور الوقت بتشوفين ان التنازل ابدا مايعني مراعاه الاخرين على حساب النفس وخاصه اذا كان ضد حقوقك ويتعارض ويا مصلحتك !! المفروض هم يراعونك لانك وحيده وغريبه ومالك احد !!

شفتي زوجك اللي هو اقرب الناس لك فهمها خطأ,, وكان ممكن يفهمك خطأ بس بطرق ثانيه وكثيره ,, منها انك تتنازلين عن حقوقك طواعيه وانك تحسين انك فعلا فرقتي بينه وبين العياله وهاي كلها رسائل سلبيه غير منطوقه انتي ترسلينها لزوجك !!

ويالغاليه يوم بعد يوم العيال مابيحسون بالفرق ,, فيه عيال ابهاتهم معاهم في نفس البيت ولا يشوفونهم !! وفيه عيال مايشوفون ابهاتهم بالاشهر او في نهايه الاسبوع فقط بحكم عملهم فأنتي لاتظلمين نفسك وتدخلين نفسك في متاهات انتي في غنى عنها !!

حبيبتي ,,

انتي ماشا الله عليك تخافين الله واكيد مابتظلمين احد ,, فكري بنفسك وراحتك أولا ,, حتى زوجك قومي بكل واجباته وحقوقه وفق طاقتك لاتكلفينها مالا تطيق ,,خليه في المرتبه الثانيه بعدك ابدا لاتتنازلين في الامور الاساسيه ,, اقل كلمة ممكن تسمعينها محد طلب منك تتنازلي وتضحى ! وهذا خطا اغلب الحريم تعطي وتعطي بدون مقابل في النهايه تنصدم !

موفقه حبيبتي وان شاء الله موقفه نبهج لاشياء ممكن تصير لج في المستقبل بإماكانج تتفادينها ,, :26:

الله يسعدكن ويسخر لكن الأرض ومن عليها اللهم آمين

مرحبا

وش رايكم بالزواج من رجل عنده زوجتين ؟


انتظر ردكم ؟

حبيبتي وله قلبي والله كل الي قلتيه عندكي حق فيه وانا عارفه هدا زين وواخدة احتياطاتي لما اشوف الوضع مو تمام ما ابسكت له اقوم له وهو يعرف غضبي مو بسيط وحاطة حدود ما يتجاوزها اصلا يا الغلا ان ما كان الرجل ما بيحس انه لكي عنده حقوق وواجبات ما بيحس من غيره وبتتعبي في حياتك معاه انا الحمد لله هو رجل عاقل وقوي الشخصية ما بيسوي الا الي هو مقتنع فيه ويخاف الله وهدا اهم شي مهما قلت له وسويت سوى الي في راسه قسم الايام بينا ادا فطر عندهم يتعشى عندي ويتسحر وادا فطر عندي يتسحر هناك واغلب الوقت عندي بحكم قرب بيتي من البيت التاني لكن بعد الي صار بطلت اقول شي له بخلي نفسي في حالها اهتم ببيتي وحياتي فقط مهما كان الوضع
وحاجة تانيه انا زوجي يعرف انه مو من اولويات حياتي ولا هو سبب عيشي يعني في اي لحظة القى الوضع صعب التعايش فيه او اشوف نفسي عالركن ما بضل لحظة وحده لكن الحمد لله هو يحبني كثير وهدا الي مريحني ومطمني حتى ضرتي كافية خيرها شرها وانا كافيه خيري شري حياتنا مستقرة ما في مشاكل لكن العيال مالهم دنب يوم يجيني عيال بيتغير اكيد الوضع اما اللحين لهم الاولويه وخاصة انهم بنات لازم يحسون بوجود ابوهم معاهم هدا قصدي والله احنا بالمغرب العائلة ووجود الوالدين في طاولة الاكل مهم جدا وعلى هدا الاساس سويت كده

مرحبتين ,,

اختي الحين انتي ماشفتي من الرجل الا عنده حرمتين :hahaha:

شوفي دينه اخلاقه شخصيته قدرته على التعدد واذا كل شي تمام وافقي اختي لو بتكونين الرابعه وبتعيشين معززه مكرمه ولا بينقصج شي شو المانع ؟

الله يوفقج للي فيه خير وصلاح

حيّاااج

مرحبااااا ام كند ,

كيفك ياقمر ؟

والله خير ماتسوين ,,
شيليهم من بالج ولا تفكرين فيهم ,,
اذا زوجك صادف وحصل له ظرف هو اللي بيستأذن منج ,,
لكن لاتخلينها تجي منك كانك تبين منه الفكه !!

انا فاهمه وجهة نظرك حبيبتي بس انتي تتكلمين من منظور عاطفي ,,

الله يسخركم لبعض ويسعدكم في الدارين اللهم آمين