تجمع الموقنات برحمة الله(خبرات متبادلة حول مراكز العقم في مصر)الجزء 22

ان شاء الله يا نادو ربنا هيكرمك باذن الله ويكون الدكتور سبب وتكوني حامل باذن الله يارب ببركة شهر رمضان ان شاء الله

مرمر ان شاء الله كله امورك تبقى تمام انت بس خلي ظنك بالله جميل واكيد ربنا رحيم وكريم وهيعوضك صبر السنين
يار ب يا حى يا قيوم يا رحمن يارحيم يا حنان يا منان يا ذا الجلال والاكرام يرزقك بالتوام السليم المعافى البار بيكى الى يعوضك كل تعبك وصبرك السنين الى فاتت كلها فى عمليتك الجاية ان شاء الله ويبدل حزنك فرحة باذن الله



ام التوامان واوكسى ربنا يارب يجعل عملية المنظار سهلة ويسيرة عليكم ويرزقكم منها بالذرية الصالحة بحق الايام المباركة الى احنا فيها يارب


ماما وشيمو يارب الزيارة الجاية للدتور تيجو مبسوطين وتلاقو البوبضات كتير ووصلت للحجم المناسب يارب ويرزقكم منها بالحمل السليم المعافى فى توام ان شاء الله

ام حفصة وشادن ربنا يكرمكم يارب ويوفقكم فى خطواتكم وتيجوا تبشرونا بحملكم قريب يارب

امل الامومة انت الى سكرة وزى العسل يا حبيبتى ربنا عينك فى شغلك وان شاء الله ربنا يرزقك بالذرية الصالحة قريب ويعوض تعبك والى فات ويبدل حزنك بفرحة ان شاء الله


نادو يارب تيجى مبسوطة بكرة من عند الدكتور وان شاء الله تحملى اول ما جوزو ييجى من غبر عمليات ولا حاجة ربنا قادر على كل شئ


مصرية وبندقة وتوتا ودوعة وفاطمة ربنا يعينكم على الصيام ويقويكم يارب بس خلو بالكو من النونهات لازم تشربو سوايل كتير بعد الفطار عشان الجفاف غلط عليهم ربنا يثبت حملكم ويتملكم على خير


عزيزة كويس انك طمنتينا عليكى يا جميلة خلى بالك من نفسك وان شاء الله تدخلى التاسع وتكون ولادتك سهلة ويسيرة يارب

ميكو ازيك يا قمر واخبار مايا والنونو ايه على فكرة اسم يحيى جميل اوى

معلش يا شادن لازم نعذر مصرية وكتير كمان من المصريين الموقف جديد علينا واحنا شعب بطبعه حمال قاسية وكمان ابسط شىء يرضينا وكمان جملة المسامح كريم اكتر جملة فىكى يا مصر
بس انا بصراحة مش صعب على صابغ شعره وكمان بيضحك ومش هامه وكمان انكر مع انه هو المسؤل عن الشعب كله سبحان الله وكمان انا شوفت فيديو لشخص كان بيشتغل فى القصر الرئاسى لمدة 28 سنة بيقول ما شوفتش مبارك بيصلى ابدا وبيقول على جمال ان ممكن يشكك انى فى نبى اصلا لانه متاثر بالغرب جدا وعلاء هو الوحيد اللى صلى معاهوقال كمان انى مبارك ماكنش بيتهز لاى حاجة تحصل فى البلد لابقة ناس تموت فى عبارة ولا وزير زراعة يدخل مواد مسرطنة والوقت الوحيد الله شافة فيه مهزوز يوم ما قلبه تعبه غير كده لالالالالالالالالالالالالالالا

اما حازم ابو اسماعيل فعنده من الخبرة السياسية باع كبير جدا انا مش حناقشك فيه غير لما تشوفى الفيديوهات بتاعته مع يسرى فوده وعمرو اديب وانتى حتغيرى رايك فيه وتحدى والله عمرو موسى جنبه ولا حاجة وعلى فكرة عمرو موسى شعبيته قلت جدا بعد لقاءاته مع الجماهير

متفتكريش اني مش حاسه بحاجه واني نايمه في العسل لان ليا اللي اعتقل وحصله اللي بتحكي عنه
عارفه مين؟؟؟؟؟؟؟؟
زوجي
ها ايه رايك جرحي من قريب واللي من بعيد اعتقل 3 شهور عشان كان بيحضر دروس
وانا لما قلت حسني صعبان عليا قلت عشان سنه فقط لا غير وقلت ان الحاشيه اللي حوليها كلها مصعبتشي عليا معرشي بس انا بصراحه محبش اشوف اي عجوز بيتهان مهما اللي عمله وخصوصا ان دا اصلا لا بيسمع وتقريبا مش مستوعب الموقف اللي هو فيه حتي ابنه قاله قول ايه
قال رسول الله صلى الله عليه وسلم
إن من إجلال الله إكرام ذي الشيبة المسلم ، وحامل القرآن غير الغالي فيه والجافي عنه ، وإكرام ذي السلطان المقسط
حسنه الألباني
الحديث مذكور فيه الشيبه والمسلم وحسني كدا
انا مبقولشي خلاص يروح بالاموال لا يتحاكم ويخدوها بس مش بالمنظر دا
وبعدين هو بقي عبره غيره حي من غير المحاكمه
وانا قلت وجهت نظري

معلش كلنا والله بنمر بالاوقات دي وطبعا الشيطان كل شغله انه يعجز ويقنط الواحد
باذن الله فرجه قريب


ميزو
انا قلت انا معرفشي د حازم سياسيا عامل ازاي؟
عموما خلو الدعاء ان ربنا يولي علينا خيارنا لان ربنا وحده اللي عالم مين الاصلح
ويارب مصر ينصلح حالها وتحكم بالشريعه الاسلاميه


خير الزاد
اخبارك ايه ياقمر
ربنا يرقك الذريه الصالحه يارب