¤''¤~ ملتقى نوارات تونس ~¤''¤

om chaima و أخيرا لقيت وقت لروحي و نفذت المهمة على أكمل وجه :D

البنات زغروتة حلوة على nourhen :icon28: :icon28: :icon28:

صباح الخير يا وجوه الخير

nourhen9 صحة صحة للآ بية ........ والله فرحتلك ......... زايد مع النظافة الوحدة تحس روحة خفيفة وطايرة ......... تتصور انا الليلة عندي وطية وتوا في الخدمة زعمة وقتاش نعمل كيفك ...... خايفة بعد الخدمة ترصيلي في الليل وجهي مفرفط ........ تعرف كوفاش ( خليل ولدي يقول هكة، محلاها من فمو ) .......... موش لازم ...... توا كان مشيت كيما انا يرجعوني مالباب والحمد لله انا موش مشعارة .......... اهوكة فيسع لقيت السبلة.

bnt-tounes انت فين خدمتك ......... انا في cité olympique بالكشي نبدلوها فطور جملة وحدة .......... ان شاء الله تتطلع قريبة ليا ........ هكاكة ما نضيعوش وقت في transport ........ وبالنسبة للحشمة انا كنت اعظم منك اما بالشوية بديت ننقص على خاطر لقيت روحي ضعت مالحشمة والله تحس الناس يعديوها عليك وياخذولك حقك عيني عينك .......... هوما فاهمين الحشمة ضعف ولا حاشاك بهامة، ربي يسترنا ويستر صغيراتنا ولله برشة مرات نخمم اذا في وقتي انا هكة مالا كي تكبر خولة بنتي يعني 10 او 15 سنة لقدام اش باش يصير ؟

oum raed ربي يرجعك على خير، وخير كي فكرت في التجارة ربي يوفقك ........ اما رد بالك كيما قالولك البنات ........ انا ننصحك الماعون لا ....... في تونس عندنا كل شيء وزيد رزين .......... جيب des sacs de tous genres, des mules à la mode, des tops, des jupes, des foulards هاذوما نتصور حاجات تخرج مليح et surtout الحجابات .......... انتوما عاد غادي بلادهم جيب منهم برشة انواع متاع كل يوم ومتاع خرجة وسهريات........ انت وذوقك
ربي ان شاء الله يرزقك ويباركلك ........... واللي يقعدلك هات نبيعهولك وانا نعطيك اللي قعدلي وهكاكة نعملوا business مع بعضنا.

um chaima منا حارة ومنا تحرق ......... يا ويلي منك يا ويلي من بنت تونس ..... راني قعدت في الحشمة ......... والمشكلة ........ ما ننجمش نخير ما بيناتكم ........ انتوما الزوز عز الناس ......... هاني بدلتها فطور باش ما نهزوش معايا ........ ويضهرلي تو نعملو قرعة باش ما تتغششوش ............... ملا طفل بدا يعمللي المشاكل وهو عمرو عامين مالا ان شاء الله كي يولي 20 اش باش يعمل ........

coucou
عالسلامة لبنات آش عاملين اليوم؟؟؟؟
ان شاء الله لباس
bnt-tounes / oum chaima / nourhen / kenza
merci bien les filles على النصايح اللي قدمتو هالي
المشكلة اللي الحجاب هوني شوي غالي كيف تحولوا بالسعر التونسي بعني فمة حاجات تفوت 15 دينار تونسي نتصور ما يتباعوش
أما فمة حاجات رخيصة و simple كيف اللي نلبس فيهم أنا
يكونوا couleur uni و ما فيهمشي برشى زينة
بالنسبة للقماش هوني رخيصة
و خاصة les tailleurs يتباعوا 4ميترو 2couleurs لون عادي يصلح سروال ترقال و الون الثاني يكون مزين ويتعمل سورية قصير والا طويلة كيف ما تحب mais يبقى أرخص من تونس
بالنسبة للجبايب متاع الدار هوني صعيب بالش تلقى نص كم لازم تدور برشى باش تلقى واحد يبيعهم
بالنسبة للبسة الخليج صحيح فيها شوي زيادة والألوان متاعهم ياسر صارخة maisأنا بصراحة لبستي تكون سروال ومعاهم حاجة طويلة من فوق ويكون الحجاب من نفس اللون
atoute

السلام عليكم يا نوارت
لباس؟ الحمد لله
أهلا كنزة ديما فارحة العاقبة لوطية بنتك
أما على النقا ميسالش خليه مرة أخرى
و الشعرأعمله camouflage ب fond de teint et le tour est joué
كيف تتقابلوا إنت و bnt-tounes إحسبونا معاكم
bnt tounes محلاها الطفلة الحشامة السر يقطر منها
أما كيف جيت لفرانسا لقيت العكس كيف تحكي مع أي حد
و ما تخزرلوش في عينيه تتسمى قلة أدب و ما جيت نحي الحشمة كان بالسيف

القسم على الله من ها البلاد بصراحة كرهتها و يربي يخف الخبزة منها
واش قولك نخطبك للفارس ولدي و خلي خليل لبنتي و نوليوا عائلة وحدة :27:

om raed ما قتليش وين تسكن في تونس و وقتاش مروحة
إذا كان القماش رخيص يخرجلك إختار ألوان حلوين و خارجين
و الألوان الصارخة كيف ما تقول خارجة توة توى نحطلكم تصاور شنوة خارج في فرنسا

ويني nourhen مزالت راقدة ؟ صباح الخير ليلا بية :27:

ما نعرف البقية وينهم زعمة ما عاتش يعجبهم جونا ساعة موضوعنا نضيف