۞ فطورنآ خآمس يوم رمضآن ، ماشاءالله تبارك الله <~ مشآركتي بالمسابقه ۞

@dym_33

۞ السلام عليكم ورحمة الله وبركآته ۞

.. ماشاءالله تبارك الله ..
هذي سفرتنآ 5 يوم من رمضآن لأول مره من سنتين تجمعت العائله الكريمه
اللي كآن بغربه واللي ساكن بمدينه ثانيه والحمدلله كآنت جمعه حلوه عسآهآ دووم يارب ..
هذي صوره عآمه للمكآن اللي فطرنآ فيه ..



هذآ الأكل عباره عن :
سمبوسه - كبة بطاطس - سبرينغ رول - باكوره - بطاطس
- سمبوسه جبن - بيتزآ ..



هنآ الشوربات + تبوله ..



التمر ..



الفيمتو والمآي واللبن ..



زيتون ومخللات وليمون + ليمون معصور < للعجازين :p








ألحين نجي كل طبق وطريقته ..!
بسم الله ..
(سبرينغ رول )




شرآيح سبرنغ رول جآهزه ..
الحشوه :-
نشوح بصله على النار لين تذبل بعدين نحط عليهآ صدور دجاج + جزر مبشور + ملفوف ، ونخليها لين تذبل كلهآ ونحط ملح + فلفل اسود + ملعقه صوص صويآ ونحشيهآ ووآخر شي نقليهآ < بعد ماقليتها قطعتها من النص بشكل مايل وبس ..




يتبع لاآحد يرد ..!

265 تعليق 64,017 مشاهدة

0 0

شاركي في النقاش

سجلي الدخول لإضافة تعليق.

التعليقات

259

  1. @dym_33

    صاحبة الموضوع
    ( كبة بطاطس )
    جبن - دجاج




    بطاطس مسلوقه ومهروسه نحط عليهآ ملح + فلفل اسود ..
    جزء حشيته بـ جبن مالح + بصل اخضر وكورتهآ بعدين
    نحطهآ : - بطحين ~> بيض ~> بقسمآط
    ونخليها بالثلاجه لين وقت القلي والزيت يكون حار وغزير لذيذه جدآ انصحكم فيهآ ..!

    الجزء الثاني بالدجآج <~ خذيت هالطريقه من بسكوته حبيبة قلبي
    ( بسكوت فارليز ) الله يجزآهآ الجنه لذيييييذه انصحكم تجربونهآ وهذي طريقتهآ ..!
    دجاجه مسلوقه ومنتفه + بطاطس مسلوق ومهروس
    ثوم مدقوق + بصل + بصل اخضر + بقدونس <~ كلها مفرومه
    ونخلطها مع بعض ونحط عليها ( ملح + بهارات ) ونكورها بعدين بالبيض بعدين بالقسماط ونقليهآ ..!


    ( سمبوسه بالجبن )





    أكيد الكل يعرف طريقتهآ احنا نحشيهآ بجبن كيري ونسقيهآ بدبس بدال الشيره اطعم بكثير ..



    ( بيتزآ )






    عجينه الـ 10 دقايق ..
    الحشوه :-
    بخلاط البصل !! حبة طماطم + بصل + فلفل بارد <~ اخليها مجروشه
    نجيب قدر ونحط فيه زيت لين يصير حآر واحط عليها الخلطه وملح وفلفل اسود وملعقتين صلصه وشوي اوريغانو ونغطي القدر ونخليهآ عشر دقايق وبكذآ الحشوه تكون جاهزه ..!
    قبل احط الحشوه على العجينه ادهن العجينه
    بـ ملعقه مايونيز + كاتشب ..!
    وبعدين حطيت نقانق - زيتون - فلفل حار < على حسب الذوق
    وبعدين جبن موازاريلا وبالفرن ..
    << جربوهآ مره لذيذه ..

    ( باكوره )




    شغاله اهلي اللي مسويتها ان شاءالله آخذ منهآ الطريقه
    وانزلها بموضوع مستقل مره لذييذه ..!



    ( سمبوسه لحم بالفرن )





    سمبوسه جآهزه تكون بالزيت !
    الحشوه :-
    لحم مفروم غنم نطقطقه على الطاوه لين تختفي المويه بعدين نحط عليه
    بصل مفروم + بصل اخضر + كراث + شبت + كزبره + بقدونس
    ملح + فلفل اسود + بهارات مشكله ..
    نحشيها وندهن الصينيه بشوي زيت وندخلها الفرن ووبس ..



    ( بطاطس )



    بطاطس مقطعه مكعبات نقليهآ ..
    بعدين نجيب طاوه ونحمس 3 فصوص ثوم + كزبره + البطاطس المقليه
    ونحطهآ بالصحن ونرش عليها كزبره مفرومه ..
    لذيذه مره وحلو جنبها تحطين انواع من الصوص وتنأكل بالخبز ..!




    ( شوربة كويكر باللحم )




    لحم غنم مسلوق بمويه + ملح + فلفل اسود
    نخليه لين تستوي اللحمه ونحط بالخلاط
    6 ملاعق كبيره كويكر + بصله + حبتين طماطم + ملعقتين صلصه + كوب من مرق اللحم ونخلطها ونحطها على اللحم وباقي المرق ونخليها ربع ساعه ونطفي عليها اذا حابه تضيفين ليمون اسود + كمون ..! وبس



    ( شوربة ماجي بالفطروالكريمه )




    شوربه ماجي بالفطر < الجاهزه ..
    نفرغ الكيس بقدر ونحط عليه كوب كريمة الخفق ونحركها بالمشبك < لسى ماشغلنا النار
    بعدين نحط عليها 4 اكواب مويه مغليه وشوي فلفل اسود < ملح حسب الرغبه انا اشوف ملحها زين مو لازم تحطين ..! ونشغل النار عليها
    ونخليها لين تغلي وقبل نطفي عليها نحط عليها عصير ليمونه < حسب الرغبه
    لذيييذه مره وسهله ..!




    ( بكذآ خلصت ولله الحمد )
    أتمنى السفره تعجبكم والله الله بالردوود تعبت بالتصوير والتحميل :09:
    دعوآتكم لوالدي بالشفاء وان ربي يهدي اخواني ويصلح حالنآ ويسخرلي زوجي ويحفظ لي ذريتي ..






    بحفظ الرحمن

تابعي تجارب أخرى من هذا القسم.