وصفة د. قنال الصايغ لتبييض الاماكن الغامقه بالجسم مجربه ومكوناتها طبيه من الصيدلية

السلام عليكم ورحمة الله وبركاته

حبيت انقل لكم هالوصفة من الدكتورة قنال الصايغ وهي دكتورة جلدية معروفة بالكويت
واللي كتبت هالوصفه هي الجادل من منتدى كويتيات وقلت احطها لكم عشان تستفيدون لان البنت تقول انها واااايد استفادت منها وحيل تغيرت بشرتها عقب مااستعملت هالوصفه مع شوية كريمات للوجه اكتبها لكم بعدين
والحين صارلها سنه من اول مرة راحت للدكتورة وماشاء الله في تحسن مستمر

هالخلطة للجسم فقط وللاماكن الغامقه مثل الابط وبين الفخذين واماكن البقع
واي مكان تحسين فيه سواد ولونه غير عن باقي الجسم ماعدا المنطقه الحساسه
وفي شوية تعليمات عشان مايرجع السواد
اولا الاهتمام بترطيب الجسم بلوشن خالي من العطور لانه العطور تسود
خلي العطر للملابس لاترشينه على جسمج
ثانيا لبسي الشورت الداخلي القطن عشان يمنع احتكاك الافخاذ وبالتالي سواد هالمنطقه
ثالثا لاتستخدمين مزيل عرق فيه عطور او كحول والدكتورة نصحت بديودرنت بايوت
لكن اثناء استخدام خلطة الكريمات هذي للابط لاتحطين ديودرنت استعملي صابونه وكريم مزيل لراءحة العرق من شركة SVR متوفر بالصيدليات

وهذي مكونات الخلطة مع سعر كل كريم بالدينار الكويتي طبعا


rexol------ vitamin c-10 treatment
سعره9.750



skinoren
سعره 3.370


blenging bleaching cream D-pigmenting
سعره10.400



eldoquin forte 4%
سعره 3.120

fucicort
سعره 2.980


انتوا كتبوا اسامي الكريمات وعطوها الصيدلي هو يخلطها لكم طبعا من كل شي علبه ماعدا الدكوين 4% وهالخلطة تنحط بالثلاجة وتستخدمونها يوميا مرتين

البنت صاحبة الخلطة تقول ان اللون توحد وراحت البقع والسواد بنسبة 80% عقب شهر واحد من الاستعمال
اتمنى تنتفعون منها لانه المكونات زينه وطبيه ومن الصيدلية واللي حاطتهم دكتورة
احسن من الخلطات اللي بالمنتدى كلها ريتن A واشياء تضر وكريمات بهاق وبرص
هالخلطة احسن واضمن

ولاتنسون تدعون لصاحبة الخلطة ماقصرت كتبتها للكل عشان نستفيد :27:

155 تعليق 104,688 مشاهدة

شاركي في النقاش

سجلي الدخول لإضافة تعليق.

التعليقات

149
  1. صاحبة الموضوع
    وهذي مجموعه الكريمات مع التونك والغسول وقلم مبيض للبقع اللي بالوجه وهالمنتجات ممتازة جدا ونتيجتها روعه انا اعرف هالماركة وموجودة بصيدلية جمعية الروضة عموما كل المنتجات موجودة بالروضة
    واللي بره الكويت اتوقع تلقونها بكافة الصيدليات

    غسول الوجه >rexsol للي مع فيتامين سي

    التونيك>ultima whitening astringent 3


    كريم العين>cover derm vanish yeux


    كريم النهار>photoderm active cream lightining day care anti-brown spots

    كريم الليل>
    photoderm serum lightining night care anti-brown spots

    كريم الحماية>uveblock spf 80

    قلم تبييض البقع من ماركة photoderm


    ماسك للبشرة اسمة mineral clay mask من شركة تومي كير

    وقبلة كريم سنفرة اسمه rejuvi

    اول شي ينحط كريم السنفرة مدة عشر دقايق على وجه جاف بدون فرك

    وبعدين ينفرك الوجة باسفنجة جافة

    ويغسل بماي فاتر

    وعقبها ينحط القناع الطيني مدة عشرين دقيقة

    وهذي العملية تكون مرة اسبوعيا على الوجه والرقبة



    يالله حطيتلكم كل شي
    استخدموا المنتجات وقولولي شرايكم
    ولاتنسون ترى كلهم بوصفة دكتورة جلدية وكلهم من الصيدلية يعني لامواد كيماوية ولا خرابيط وزئبق ومادري شنو

    وانا اول وحدة ان شاء الله بستخدم المنتجات
  2. صاحبة الموضوع
    وفي كريم اسمة Glytone هذا ينحط على الركب والاكواع يوميا مده عشر دقايق فقط مو اكثر

    وبعدها يغسل وميزتة يبيض وينعم

تابعي تجارب أخرى من هذا القسم.