مرااااااااااااااااااااحب حوامل ووالدات
كيفكم ؟!؟ والله وحشتوني
ولاقريت الصفحات اللي مضت بس شكرا لك من سأل عني << حدددي واثقه
انا تعب ولدي مرررره من الترجيع وزادت حالته سوء حبيبي ونحف كثير
ووديته المستشفى علما بأني كل يومين موديته لاكثر من مستشفى والكل يقول لي طبيعي
المهم وديته وقلت لهم شوفوا لي حل خلاص ماعاد اقدر اتحمل اشوف ولدي بهالحال
ولدي بيروح من بين ايديني وانا مابيدي شي غير الدعاء
ولما شافت الدكتوره وزنه انهبلت .. كان وزنه 3.600 بس !!!!!
وزن طفل عمره شهرين مثل وزن مولود .. واسألتني عن اعراضه
وقالت لي ولدج محتاج عمليه فورا وتنويم بالمستشفى لأن كان فيه بداية جفاف !!
انا مت من الصيااااااح .. وقالت خلنا نتأكد ونسوي له الترا ساوند وأشعه صبغية
وفعلا سوينا له الثنتين وقالوا لنا .. ان المجرى اللي بين المعدة والامعاء مرررره ضيق ويادوووووووب الاكل يمر منه
واللي مايمر منه يستفرغه ولدي .. حتى الخروج اعزكم الله ظل اسبوع مايخرج !!!
وقالوا ماله الا عملية جراحيه مستعجله ..
ورفضوا بروكير يسوون له العمليه .. قالوا ماعندنا تخدير للاطفال .. وحولونا على مستشفى التعليمي .. وانا وزوجي بدون تفكير رحنا للتعليمي مع اني اكررررره التعليمي ومااطيقه .. ولعبوا بولدي لعب تلفت اعصابي من كثر ماسمعته يصيح .. مالقوا له عروق عشان المغذي وحطوا له فتحه برقبته وفتحه برجله وكانوا بيحطون فتحه بعد براسه !!!!!!!!!!!! آآآآآآآآه بغت تطلع روحي وانا اشوفهم يغززونه بكل مكان .. ودخلونا تنويم وقالوا نسوي له العمليه الصباح .. ولو تشوفون نظام الغرف والزيارات والله كانه سجن .. ولانمت ليلتها وكلمت زوجي الصباح قلت له مااقعد ولا دقيقه .. خذ تقريره ونوديه السعد .. ورحمه من ربي وخيره لولدي ان اصلا الدكتور أجّل العمليه .. خذيت ولدي ورحت للسعد .. وياااااااااويلي من الفرق سبحان الله .. مايحتاج اقولكم عن الفرق .. احمد ربي واشكره
وسوينا له العمليه حبيبي .. وظل بالعناية المركزه يوم وبعدين طلعوه لغرفة التنويم العادية
وانا ظليت معاه بالمستشفى تقريبا خمس ايام .. واليوم طلعنا بالسلامه ولله الحمد
الف الحمدلله ياربي على العافيه .. والله شفت الموت لي شهر وانا تعبانه مع ولدي
والكل يقول لي مافيه شي .. بس الحمدلله اللي جت على كذا مو اكثر الحمدلله ياربي
ربي يحفظ لي ولدي ويحفظ لكم عيالكم
الملف التـــــــــ 9 ـــــاسع لــ((خبرتي+خبرتك)) بمستشفيات المنطقه الشرقيه
متابعة النقاش، صفحة 123