بطاقة تعريف ب ( مميزات )
الاسم الحركي :ميزو
السن :31
متجوزة من كام سنة :4سنوات
سبب تأخر الحمل :تكيس المبايض
حصل حمل قبل كدة و لا لأ :الحمد الله عندى احمد عمره 11شهر
بدأتي تهتمي بموضوع الحمل بعد كام سنة جواز :من اول شهر
روحتي لكام دكتور :4 دكاترة
الدكتور اللي متابعة معاه دلوقتي :رجاء منصور
متابعة معاه من اد ايه :من11/2007
التحاليل الطبية اللي عملتيها :
نسبة ال FSH :7.7نسبة ال LH :مش فاكرة بس اكيد ضعف ه
نسبة ال Prolactine :9
نسبة الBroujesteron : 4.75
اي نسب تانية زي الغدة الدرقية او هورمون الذكورة مثلا :
ايه الادوية اللي بتاخديها : جلوكوفاج وابر مينوجون تنشيط وابر كومورنتفجيريه
استمريتي عليها اد ايه :الجلوكوفاج 6شهور والتنشيط شهر واحد
هل كان ليها اعراض معينة مميزة او لا :الجلوكوفاج بيقلب المعدة وقىء على طول بس بعد كدة اتعوت عليه ..التنشيط الم اسفل البطن والدكتورة نصحتنى انى اشرب سوائل كتير
عملتي تلقيح او حقن مجهري قبل كدة :لا
كام مرة :
في اي مركز :
مين الدكتور اللي تابع العملية :
رأيك في المركز :
في اعترافات تانية عاوزة تضيفيها قبل ما نقفل المحضر : طبعا انى الحمل بيد الله وكل اللى بنعمله كله اخذ بالاسباب يعنى ممكن نتعالج وكله يبقى تمام ومش يحصل حمل لانى ببساطة ربنا مش رايد دلوقتى فا دائما لازم نكون متعلقين بالله مش بالطبيب (وما تشاءون الا ان يشاء الله رب العالمين)
مميزات ربنا رزقها احمد
bondoqa
الاسم الحركى: سمسمه.. ياسو
السن:29
متجوزة من كام سنة :سنتين و8 شهور
سبب تأخر الحمل : قله فى الحيوانات المنويه وتشوه وضعف وانا عندى الانبوب اليمين مسدور
حصل حمل قبل كدة و لا لأ : لا ولا مره
بدأتي تهتمي بموضوع الحمل بعد كام سنة جواز : بعد سنه
روحتي لكام دكتور :حوالى 3 بس متباعتيش غير عند 1
الدكتور اللي متابعة معاه دلوقتي: دكتور حسام زكى
متابعة معاه من اد ايه :من 7\2010
التحاليل الطبية اللي عملتيها :
نسبة ال FSH :
4.8
نسبة ال LH :
4.5
نسبة ال Prolactine :كان عالى واخدت دواء شهر واتظبط
نسبة الProgesteron : عملته مره واحده وكان كويس بس مش فاكره النسبه
اي نسب تانية زي الغدة الدرقية او هورمون الذكورة مثلا :الغده طلعت فيها خمول وبخدلها التروكسين..الذكوره معملتهاش
ايه الادوية اللي بتاخديها :فوليك اسيد 5 ملى 3 مرات واسبرين حقن فيتامين ب 12كل 4 ايام والسيدوفاج والكلكسان60 والتروكسين 50
استمريتي عليها اد ايه :التروكسين من سنه الفوليك اسيد والاسبرين من اكتر من سنه ونص والحقن الفيتامين من 4 شهور والسيدوفاج من شهر والكلكسان وقت الحقن المجهرى بس
هل كان ليها اعراض معينة مميزة او لا :بس السيدوفاج شعور بالغثيان والقى
عملتي تلقيح او حقن مجهري قبل كدة :حقن مجهرى
كام مرة :4 مرات ومره مجمد
في اي مركز : فى الكويت فى مركز فوزيه القطان
وفى مصر فى مركز جنين
مين الدكتور اللي تابع العملية :دكتور حسام زكى
رأيك في المركز :والامانه ان المركز كويس نظيف والدكتور حسام دكتور ممتاز يعنى تابع حالتى وعملى تحاليل عمر ما حد طلبها منى وبياخد كل احتياطاتها علشان نجاح العمليه بس طبعا الفشل والنجاح ده بتاع ربنا ..هو عيب المركز ان زحمه وغالى شويه
اخيرا
انا عندى يقين وحسن ظن بالله ان ربنا هيرزقنى بالذريه الصالحه الموضوع بس محتاج صبر وايمان .. وده ابتلاء من ربنا وكل واحد ربنا ابتلاه عارف ان ديه قدرته فمهما تعبت برجع اقول ان لسه فيا طاقه وقدره انى اتحمل ولا يكلف الله نفسا الا وسعها ..ومش هياس وهفضل احاول واحاول ممكن اتعب فى نص الطريق لكن هرجع اكمل هاخد بالاسباب والنتيجه بايد ربنا سبحانه وتعالى
يا بنات خلوا عندكم يقين ومتخلوش كلام الناس يقف عائق قدامكم ولا كانكم سمعتوا حاجه وخدوا بالاسباب وخلى عندكم رضا بالنتجه وربنا يكرمنا جميعا باذنه
بطاقة تعريف ب ( muslima627 )
الاسم الحركي : مسلمه أو ممس
السن :31
متجوزة من كام سنة :9 سنوات ونصف
سبب تأخر الحمل : ولله الحمد الأسباب كتير ومتعدده كل طبيب كان ليه رأيه وأسبابه ولكن كلها تم علاجها والحمد لله (ضعف هرمون التبويض - تكيسات على المبايض - إلتهابات - إلتصاق بالأنبوب اليمين - ضيق في عنق الرحم - وجود أجسام مضاده في عنق الرحم - وغيره....... )
حصل حمل قبل كدة و لا لأ : ولله الحمد ربنا من علي ورزقني بجنة
بدأتي تهتمي بموضوع الحمل بعد كام سنة جواز : بعد شهرين زواج
روحتي لكام دكتور : هههههه تقريبا على ما أتذكر 16 طبيب ( نساء وولاده - علاج طبيعي - حجامه )
الدكتور اللي متابعة معاه دلوقتي : أنا مش متابعه حاليا مع حد من بعد ولادتي
متابعة معاه من اد ايه : ............
التحاليل الطبية اللي عملتيها : كتير جدا وطبعا نسبها كانت بتختلف من تحليل للتاني ومع طول المده فمش هعرف أقول نسبها
نسبة ال fsh :
نسبة ال LH :
نسبة ال Prolactine :
نسبة ال Broujesteron :
اي نسب تانية زي الغدة الدرقية او هورمون الذكورة مثلا :
ايه الادوية اللي بتاخديها : حاليا بالتأكيد مبخدش
استمريتي عليها اد ايه : والله أنا أخدت علاج كتير جدا وكل نظام كنت بستمر عليه فتره طويله جدا أقل فتره كانت بتبقى سنه
هل كان ليها اعراض معينة مميزة او لا : طبعا كل علاج ليه أعراضه لكن علشان خاطر البيبي كان عندي إستعداد أتحمل أي شيء
عملتي تلقيح او حقن مجهري قبل كدة : أيوه أطفال انابيب وحقن مجهري
كام مرة : عملت ثلاثه، عمليتين أطفال أنابيب وعملية حقن مجهري وهيه ده اللي ربنا رزقني منها بجنة
في اي مركز : أول إتنين في مركز الدكتور أبو الغار اللي هو المركز المصري والعمليه الثالثه في مركز جنين عند الدكتور حسام زكي
مين الدكتور اللي تابع العملية : العمليه الأخيره الدكتور حسام والدكتور المساعد ليه الدكتور هاني
رأيك في المركز : أولا :مركز الدكتور أبو الغار
مميزاته (يمكن التواصل معاهم عبر الإنترنت - منظمين - تكاليف العمليه مقبوله)
عيوبه (زحمه جداااااااا - مشفتش الدكتور أبو الغار إلا يوم العمليه -غير مطلعين على الحديث في الطب - عدم وجود غرفه مستقله لكل حاله في أيام العمليات )
ثانيا : مركز جنين
مميزاته (منظمين جدا - وجود منسقات يمكن التحدث معهم بإستفاضه - متابعتهم لكل حاله بإهتمام وبالهاتف - نظافة المركز ووجود غرف مستقله لكل حاله - مقابله الدكتور حسام بنفسه والكلام معه بكل حريه - إطلاعه الدائم على كل جديد في الطب)
عيوبه (عدم إمكانية التواصل عبر الإنترنت - زحمه جداااااا وطول مدة الإنتظار - إرتفاع تكلفة العمليه )
في اعترافات تانية عاوزة تضيفيها قبل ما نقفل المحضر :
طبعاأنا ولله الحمد ربنا رزقنى جنة وكلام من قلبي ليكم كلكم أنا عملت حاجات كتير علشان أحمل وحابه أقولكم عليها علشان تستفيدو منها بإذن الله
1- التوكل على الله حق التوكل وتسليم الأمر كله لله
2- الرضا التام بكل حاجه ربنا يعملها
3- الأخذ بكل الأسباب المتاحه طبيه وغير طبيه لحد أخر نفس في عمري بدون زهق أو ملل
4- متوقفيش حياتك وتضيعي عمرك علشان مستنيه البيبي بالعكس إستغلي الفتره ده في إفادة المسلمين ونفسك أنا عن نفسي بدأت في حفظ القرآن وتحفيظه للأطفال
5- الدعاء ثم الدعاء ثم الدعاء (الدعاء نصف العباده )
6- الإستغفار المستمر والصلاه على النبي عليه الصلاة والسلام بنية إن ربنا يهب لي الذريه الصالحه
7- الصدقه وياريتها تكون مستمره أو تبحثي عن أسره أو شخص في ضائقه وتفكي كربه بهذه النيه
8- الدعاء لكل اللي زيي إن ربنا يرزقهم بالذريه الصالحه
9- صلاة أربع ركعات ليللا بنية قيام الليل وقضاء الحاجه
10- وأخيرا التعلم والإطلاع والقرائه عن تفاصيل حالتك وعدم الجهل بها
ويارب يارب يارب إرزق كل أخواتي في هذا الملف بالذريه الصالحه اللي يتمونها واللي نفسهم فيها وهبها لهم كما يتمونها وإعطيهم إياها حتى ترضيهم يارب العالمين ياربنا يارحيم يارب إنك على كل شيء قدير
بطاقة تعريف ب ( اشتقت اليك)
الاسم الحركي : شوشو
السن : 28
متجوزة من كام سنة : 5 سنوات و نصف
سبب تأخر الحمل : تأخر الحم ل فى الطفل الثانى....والسبب تكيس مبايض
حصل حمل قبل كدة و لا لأ : 3 مرات و لله الحمد...ربنا اكرمنى بأنس عمره 4 سنوات و نصف(يا رب يحفظه من كل شر)...وحصل تانى حمل و انتهى بإجهاض...وحاليا أكرمنى رب العالمين بالحمل .
بدأتي تهتمي بموضوع الحمل بعد كام سنة جواز : بعد أربع شهور من إزالة المانع
روحتي لكام دكتور : 3
الدكتور اللي متابعة معاه دلوقتي : د. عادل فاروق البيجاوي
متابعة معاه من اد ايه : سنه
التحاليل الطبية اللي عملتيها : أشعة الصبغة بالإضافة للتحاليل التالية
نسبة ال FSH:
اول مرة 4.9 - تانى مرة بعد سنه 6.2
نسبة ال LH :
اول مرة 8.9 - تانى مرة 8.8
نسبة ال Prolactine :
كان عالى بسبب التكيس و كل ما ينزل يطلع تانى..لذلك استمريت على دواء لتثبيته حتى حدث الحمل ( مره 18 - 36 - 3 - 18 -34 )
نسبة Progesterone:
6.7 و بعد العلاج 18.5 ثم 22
اي نسب تانية زي الغدة الدرقية او هرمون الذكورة مثلا : سليمة و الحمد لله
ايه الادوية اللي بتاخديها : سيدوفاج 850 مرتين - دوستينكس ثم بارلوديل + أهم خطوة و هى فقد كل الوزن الزائد (سبب المشكلة الأساسى) ثم تنشيط للتبويض عن طريق كلوميد و حقن لمدة 3 شهور
استمريتي عليها اد ايه : 9 شهور
هل كان ليها اعراض معينة مميزة او لا : غثيان و تعب فى المعدة لكنها بتزول بعد أسبوع او اتنين من الاستمرار عليها
عملتي تلقيح او حقن مجهري قبل كدة : لا
كام مرة :
في اي مركز :
مين الدكتور اللي تابع العملية :
رأيك في المركز :
في اعترافات تانية عاوزة تضيفيها قبل ما نقفل المحضر :
أولا...انا مؤمنه إننا لازم نسعى للحصول على أي شئ عايزينه طبعا بعد التوكل على الله و الإيمان ان كل شئ بأمره....و مش بس نسعى..لأ لازم نسعى السعى الصح...و نحاول نقرأ و نثقف نفسنا علشان نميز بين الصح و الغلط....و كمان منفرحش بالطبيب اللى بيقولنا كله كويس و كله تمام.....لازم نحدد المشكله علشان نمشى وراها....ونستفيد من تجارب الآخرين....لكن فى حدود ان يؤكدلنا التجارب ديه كلام علمى و منطقى و يوصفلنا الدوا طبيب فاهم...
وطبعا قبل كل ده لازم نتوكل على الله...ومنجعلش موضوعا لحمل هو المحور اللى ندور عليه حياتنا...علشان منضيعش حياتنا و منفسدش حياة شركائنا...لانه أولا و أخيرا رزق من رب العالمين و ما علينا إلا السعى....
و كمان حاجة....لازم الصبر...اللى كان صعب عليا جدا فى البداية...و اللى للأسف ساعات الشيطان بيهيألنا ان طريقنا لسه طويييييييييييل فى حين اننا ممكن نكون فى نفس الوقت على بعد خطوة واحدة من تحقيق حلمنا...
ودعواتكم ربنا يحفظ ابنى و يكملى على خير و يرزق كل أخواتى و يقر أعينهم بالذرية الصالحة و ميحرمش حد أبدا من هذه النعمة
اللهم زد وبارك اختنا اشتقت اليك جابت عمر عشان يلعب مع انس
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 4