هلا اماني .. اغلب المتحدثات دافعن عن الحال الي يعايشنه يعني الي عندها خبره تطلب بالاحقيه والي معاها دورات طالبت بالاحقيه والي قديمه تطالب بحقها .. والمصيبه في الي توها جديده طازه ( تقول انا لي الحق لاني توي خارجه من مجتمع دراسي وحقي اهم من الي تعودت على البيت ونسيت الدراسه والتدريس) تذكرت وحده لها اربعــه عشر عام فرحانه ومنزله خبر انها تعينت واقسم بالله فرحت لها وهنيتها والمشكله بوحده ردت عليها رد زي وجهها قائله( كم عمرك) ؟ .. ارزاق الله يوفها ويوفق جميع البنات. صدقيني الافواه تتحدث بما يناسبها وما أحد فكر بأحـد .. انا تمنيت من قلبي التعيين لأن الاقدميه لعبت فيني !!!! وفي نفسيتي واحدى صديقاتي تعينت العام وتقول الي متعينات معاها اعمارهم ( 23 و24 ) معناها توهم تخرجو وما عندهم خبرات كلها ارزاق بالنهايه ............ الحمد لله سلامي الخاص لك
هلا والله بفراوله وحشتيني يالقاطعه اولا ليش هجرتوا التجمع وماعندك خبر عن فيفي وام تركي ثانيا الحق مع الاقدميه مو مع الخبرات والشهادات والله مهزله بنات متخرجات لهم سنيييييييين ماجاهم شي واللي ولها سنه تتعيين طيب على الاقل خلوها تجلس كم سنه مو على طول علشان مانحس بالظلم وصدقيني انا كتبت هالموضوع للظلم الواقع على المتخرجات بدون دورات وبدون خبرات تجي الوحده وتقول انا قديمه وخبره ودورات هي مالها 6 سنوات والثانيه قديمه 12 سنه بدون خبرات ودورات وام 6 سنوات تقول انا الاولى خير ان شاء الله اولى ليش
كلامك صحيح وهذا اللي اقول عنه من زمان خبرتنا في وثائقنا انا من الناس اللي ماعندي رسوم اني اخذ دورات وزوجي مو راضي اني ادرس بمدرسه خاصه وضعت في الطوشه ولى الحين 13 سنه متخرجه ولاعندي تعاقد ولا بند محو اميه ولا شئ ولكن عندي رب مايضيعني ان شاء الله