ممكن يصير تبويض وهرمون fsh عالي؟؟؟
انا رحت للدكتوره امس بسبب ارتفاع الهرمون والحمدلله انو نزل عن زمان كثير فقلت استغل دا النزول واحاول اشوف التبويض
هوا وصل بمره من المرات لين 60 والحمدلله عملت لنفسي برنامج علاج خاص فيني ونزلتلو موضوع للي حاب يستفيد منو وصار شهريا ينزل والحمدلله وصل بشعبان لين ماشاء الله 36 وبستمر في البرنامج لين العيد وبشوفق بعد العيد وان شاء الله خير http://forum.hawaaworld.com/showthread.php?t=3202094
البرنامج موجود بها الرابط
المهم رحت للدكتوره وقالتلي البطانه عندك مش ولا بد لانو مافي دوره حقيقه لان دورتك صناعيه بسبب البروجلتون
والمبيض اليسار خامل ومتوقف وعليه كيس صغير حجمه 5 ملم بس ماتكلمت عنو كثير ولا اعطتو اهميه علي فكره هالكيس من زمان عملت سونار من كم شهر وقالي الدكتور هادي بويضه بس حجمها صغير ماتنفع والدكتوره تقولي مو بويضه كيس
والخبر الحلو انو لقيت بالمبيض اليمين بويضه حجمها 8 ملم !!!
ادري حجمها صغير وماتنفع بس كون حصل تبويض من غير كلوميد ولا شي ماشاء الله والهرمون كان الشهر الي فات 36 احسو انجاز كبير بالنسبه لي والبرنامج العلاجي الي ماشيه عليه بيجب نتيجه والحمدلله
وراح استمر عليه كم شهر لين مايوصل للمعدل الطبيعي
بس طبعا لازم الدكاتره وحركاتهم الي يخلي الواحد يتحطم غصب بس نزلت دمعتين ولميت شتات نفسي وانا واثقه بالله
قالتلي انو المبيض كان نايم له فتره فلما ننشطو مانعرف ايش ممكن يطلع نوع بويضات فا احتمال كبير انو يصير عندك حمل بس كمان احتمال يصير عندك اجهاض او تجيبي اطفال مشوهين الله لا يكتبها عليه ولا علي مسلم واحتمال برضو تجيبهم سليمين
انا ماعليه من كلامها قالولي ماينزل الهرمون ونزل ماشاء الله وقالولي مايحصل تبويض وحصل ماشاء الله واكيد ان شاء الله ربي بيرزقني لانو قادر علي كل شيئ واجيب اطفال زي القمر
اهم شي وافقت انو تعالجني وماكرشتني وطلبت مني تحاليل كلفتني 1240 وسويتها تقريبا هيا 8 تحاليل
واليوم تشوف النتيجه وتعطيني برنامج امشي عليه واشوفها باذن الله بعد العيد وانا حستمر ببرنامج علاجي من سن الخصوبه المبكر((ماعترف بالياس)) ويكون باذن الله بالعيد نزل اكتر واستجابت مبياضي ان شاء الله افضل
هذا الي صار معايا اليوم وطمعانه بدعواتكم
شاركي في النقاش
سجلي الدخول لإضافة تعليق.
التعليقات
7- يا حي يا قيوم ارزقها وكل محرومة الذرية الصالحه المعافاة
وقر عينها بها عاجلا غير آجل
أنك سميع الدعاء - ررررفع
ياررب ترزقك وترزق الجميييييع انه قاااااااااااااااااااااادر - الله يوفقج عزيزتي
انا مثلج وان شاء الله راح اشوف برنامجش واسوي مثله
وان شاء الله ينزل
والله يرزقنا الذرية الصالحه يقين88 الله يوفقج عزيزتي انا مثلج وان شاء الله راح اشوف برنامجش واسوي مثله وان شاء الله ينزل والله يرزقنا الذرية الصالحه
الله يرزقك حبيبتي
هوطبيا مايصير حمل والهرمون مرتفع ولكن رحمة الله فوق كل شيئسندس بنات حواء الله يرزقك حبيبتي هوطبيا مايصير حمل والهرمون مرتفع ولكن رحمة الله فوق كل شيئ
الله يوفقك ويرزقك من عنده يارب انا متابعة موضوعك والخطة اللي تمشين عليها ان شاء الله تجيب نتيجة
ويصير عندك تبويض باذنه تعالى
مواضيع مشابهة
تابعي تجارب أخرى من هذا القسم.