السلام عليكم ورحمه الله وبركاته
اول مره اكتب في هذا القسم
بس شفت ان هذا انسب قسم لموضوعي
امس رحت ازور جارتي واسلم على ام زوجها جتهم زياره
المهم اخذت ثلاجتي وحلايه ومعجناتي ورحت
وطبعا اخذت بناتي
واول ماشفتني العجوز قالت ياحليلك ماعندك الابنات
احملي وجيبي ولد لايتزوج زوجك ومن هذا الكلام الي ماله داعي وفي عيونها نظرات
شفقه ورحمه
والله يابنات اني ندمت اني رحت ليه الي عندها بنات دايم الحريم يرحمونها
والله اني مقهوره مع ان زوجي ولله الحمد ملتزم ولاعمره جاب لي سيره الولد
انا عندي ثلاث بنات تكفون ادعولي ان ربي يرزقني
بالذريه الذكور
شاركي في النقاش
سجلي الدخول لإضافة تعليق.
التعليقات
30- الله يرزفك حبيبتي بالولد الصالح البار
اللي كاتبه الله بيجي
كلام الناس مايخلص لو ذريتك بنات قالوا جيبي ولد لايعرس عليك ولو ذريتك اولاد قالوا جيبي بنت تعاونك
يعني ما راح نفتك
خلي اذن طين واذن عجين
لوبيدنا كان ماقلنا شي بس كله باذن الله
لعله خيره
يمكن لوعندك ولد جننك وجنن ابوه
عيال الوقت مالهم امان والهادي الله
طمني نفسك حبيبتي - الله يرزقك بالولد الصالح والبار عاجلا غير آجل
- ربي يرزقك باالذريه الصالحه
- الله يرزقك ويرزقني باالاولاد الصالحين قولي امين .....
- الله يرزقك بالولد الصالح المعافى سليم الخلق و الخلقة انه على كل شئ قدير
مواضيع مشابهة
تابعي تجارب أخرى من هذا القسم.