تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

بصي يا قمر. مافيش تعب. ححاول افوت يوم الاحد لانهم النهاردة مش موجودين.
ليه ابرة الرئة؟ انا ما اعرفش حد اخدها.

ادعولى يابنات

بكرة عندى عزومة كبيرة :cook:

كلها محاشى ونواشف وجوزى مصمم اطبخ جنبها عشان لو فى حد مابيحبش المحشى :mad:

انا خلاص قربت اطلع من هدومى واتمشالكم هنا بلبوصة

بندقة قالتلى اعزمى احسن ماتطلقى عشان الكويت مافيهاش مأذونين

صحيح يابندقة يعنى لو فكرت اكانسل العزومة

ينفع اعمل كارت زيارة لمأذون من مصر ولا ايه:44:

بندقة

عارفة اللطعة بتاعة العيادة دى

وشرب المية الله يكون فى عونك بس اهى ميزة مش هتعطشى انهاردة فى الصيام

بس بيتهيالى بعد الشهر الرابع هتعملى السونار بدون ماتشربى مية

كل مرة كان الدكتور يقولى اشربى مية كتير واخر مرة شربت لما كنت هفرقع قالى ليه كده احنا المرة دى عاوزين المثانة فاضية
قولتله حسبى الله ونعم الوكيل مش كنت تنبهنى انا اتعودت بقى هعمل ايه

اوكسى انا عملت المنظار فى الكويت مش عند دكتور عادل

بس هو عادى قبل المنظار الدكتور بيطلب منك الصيام وهى عملية الحمد لله خفيفة بتقعدى فى المستشفى يوم واحد يعنى ممكن تطلعى نفس اليوم بالليل

وبتحتاج راحة من 3 ايام لاسبوع وبتبقى زى الفل

اهم حاجة تقعدى فترة ماتعمليش مجهود ولا تشيلى حاجة تقيلة عشان الجرح

وهو عبارة عن 3 فتحات اتنين تحت وواحدة فى السرة بس انا الدكتور فتح لى 3 تحت

وبتبقى ببنج طبعا واذا حسيتى باى الم بعد البنج ماروح اطلبى مسكنات عادى

هى ممكن تكون المشكلة ان الدكتور يسمح لك بالاكل بعد يومين او اكتر فهتقضيها سوايل بقى

انا حصل لى مضاعفات فى المنظار ان القولون اتأثر لانه كان ضاغط على الرحم واضطر الدكتور يحركه كتير فى العملية انا لما اتفرجت عليها على السى دى بعد كده كرهت قولونى لانه كان مغلب الدكتور وحاشر نفسه مع الرحم مش عارفة ليه

ان شاء الله المنظار هيبقى سهل وفاتحة خير عليكى يا اوكسى بس انتى هتعمليه عشان اكياس ولا ايه معلش انا مكنتش موجودة الفترة اللى فاتت سامحينى

بوبا اه مامتي عارفه اساتذه كتير بس انا نفسي مسدوده من ناحيه بتوع جامعه عين شمس دول كلهم ومش عايزه اولد في مستشفى حكومي دا انا بأعمل كل حاجه بره بعيد عنها عشان كمان زمايلها عارفني و حتبقه العين علية

ميكو ابره الرئة بياخدوها المعرضين لولاده المبكره زي الحوامل في توأم