◎☻◎ تجمـــع أمهـــات أحـــلى كتـــاكيـــت مــــن الـــولاد☺ إلــــى 6 أشــ☺ــر ◎☻◎

حبيباتي كيفكم وكيف الكتاكيت الحلوين
انا طعمت ولدي تطعيمة الاربع شهور ياحياتي كان يطالع السقف ويتلفت يتأمل المكان ولما طعموه بدا يتعبر وبكى قطع قلبي عليه
هاليومين طالع لي بحركه يحب يمص ايدينه وانا اجاهد معه كل شوي ابعدها ماودي يتعود
وكمان الاحظ يحب يجلس واجلسه بحضني شوي ولما ابي ارجعه منسدح يبكي ويشد نفسه يبي يقعد
عادي اجلسه والا يتأثر ظهره في هالعمر
وبخصوص الاكل وش اعطيه مارديتوا علي:44:

اموره ودلوعه
حياتي اعطيه فيتامين د 4 نقط في اليوم واذا تحبين استشيري طبيب


سئمت
الله يخلي بنتك بس ما اتوقع عندها اسهال اللي اعرفه انه يعتبر اسهال اذا صارت توسخ كذا مره باليوم وبشكل مستمر


كلي انوثه
دام الدكتور قال كذا انتظري عليها شوي على اني اتوقع كل ماخرمتيها وهي اصغر كل ما كان الالم اخف ويزيد الالم كل ماكبرت<<< علاقه طرديه :)بديت اتفلسف

احلى
نصيحه لا تعوديها على الهز بتتعبين
يمكن تكون ممغوصه جربي معها نقاط المغص والا اعطيها شاي البابونج من ميلوبا مره حلو للمغص


ملامح خجوله
احنا تمام كيفك انتي وكيف البطل تقريبا اصغر من ولدي بيومين
متى ناويه تطعمينه؟

الياسمين
زي ماقلت لاحلى لا تعودينها على الهز اذا بكت لعبيها بمكانها وسولفي لها اهم شي شدي انتباهها بأي شي او حطيها بالجلاسه عشان لا تتعبين معها اذا طلعتي اي مشوار او كنتي مشغوله
وبالنسبه للتطعيم والحراره بسم الله عليها الله يحفظها بس انتظري الين تخف حرارتها وحاولي تروحين اكثر من مستوصف وشوفي وش بيقول الدكتور


المستقبل احلى
حياك الله معانا
بالنسبه للرضعه اذا صناعي اعطيه 60 مل كل ساعتين ونص
:35:والغرز انتي استمري على ميبو ومطهر بيتادين وبتلتأم ان شاء الله
سبحان الله ماتنتهين من النفاس الا وامورك تمام لا تشيلين هم

عالم الروائع وحشتيني
حياتي ودي ولدك للمستشفى وبإذن الله مافيه الا العافيه

ونسيت ابارك لمتمكيجة :icon28:مبروك والله يتمم حملك على خير وييسره ويرزقك طفل سليم حسن الخلق والخلقه

وباقي البنات كلكم ان شاء الله تكونوا بخير انتم واطفالكم الحلوين:26:
انا دوم ادخل التجمع واقرأ الردود بس احيان ماعندي وقت ارد

مساء الخير مامات أخباركم مع أزعاج الكتاكيت :dozey:
أنا أول مره أدخل بس حبيت أستفسر عن شئ
أنا بنتى عمرها شهرين ونص :baby2: وأعطيها حليب رونالاك لانى كنت أعطى أختها اللى أكبر منها نفس الحليب بس الثنتين جسمهم عاااااااادى مائل للنحف :(
والمشكله اللحين بنتى الصغيره اللى عمرها شهرين ونص ماتحب حليبها :unsure: يالله تكمل الرضعه اللى هى 3 أرقام وتفضل الماء أو اليانسون على الحليب
بالليل تشرب ماتحس لما تكون نايمه لكن بالنهااااااااار مشكله لما أحطه بفمها تقلب وجهها :icon32: كأنى أعطيها شئ مو حلو وترضع نص الرضعه وتتركها

الحين أنا أبي أغير لها الحليب أبي شئ مغذى ويسمنها و أن شاء الله يعجبه طعمه
والسؤال : أنا محتاره بين سيميلاك و لا أس 26 أيهم أفضل ؟؟ وأنتم أيش نوع حليب نونواتكم وهل ناسبهم وأعجبهم الله يخليكم ردوووووو والله لدعى لكل وحده ترد على لانى بجد محتاااااااااره وناويه أغير لها الحليب هاليومين لان البنت مو متقبله حليبها ....

ملامح أنثى .. زي ولدي يشد نفسه ويبي يجلس وقالي الدكتور عادي وأمي تقول لا صغير فصرت أحاول أسدحه كثير وأجيبيله ألعااب مرات يندمج وغالبا يرفض ويجلس يصيح يبي يجلس :( الله يعيين عليهم
ولدي من 3 شهور وهو كذا

حلم .. الله يشفييييييه يااارب ويحفظه لك

قمة الأحساس .. جربت لولدي سيميلاك وماناسبه من ناحية المغص وجربتله ابتاميل والحمدلله ناسبه ووزنه زين الحمدلله
بس هو طبيعي وصناعي والحين بطل الصناعي بعد