تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 35
شاركي في النقاش
سجلي الدخول لإضافة تعليق.
التعليقات
2,000- ربنا مايحرمنيش منك يا نادو انتى وبندقه ... عقبال ما نباركلك يا نادو على الحمل ويا بندقه على الولاده
- نادووو
ازيك يا حبيبتي
بصي طمني شيمو علي الآخر علي فكرة انا كمان اول مرة كنت اعمل ترجيع في اليوم التاني والمرة الوحيده اللي نجحت فيها العملية وكنت قلقانه برده ومستغربة بس الدكتور قالي ان الوقت ده بيكون احسن مكان للأجنة هوا رحم الأم أحسن من المعمل ميت مرة
وبعدين ما انا ياما رجعت في اليوم الخامس ومحصلش نصيب يعني من الآخر لو ربنا رايد شئ هيكون هيا بس تقول يارب
ماماتو
سلامتك يا حبيبتي الف سلامه من البنج معلش هوا ساعات بيكون رخم كدة
المهم انا حاسة بقة يا ماماتو انك ان شاء الله هتحملي في احلي تؤأم متطابق قادر يا كريم يارب
وربنا يعينك علي العزومات انا السنة دي مرحومة منها الحمد لله
أم التؤأمان
ليه يا حبيبتي بتقولي مش مرغوب فيكي والكلام الغريب ده ، اي حد هنا بيكون المكان ده بيته ومفيش حد يقدر يخرج حد منه ، انتي بس اللي مش متواجدة كتيير علشان كدة البنات بينسو يذكرو اسمك خليكي معانا وهتشوفي
وعموما انا وكل البنات اكيد بندعيلك بس في صلاتنا ومش لازم نكتب الدعوة يعني
ويارب يا رب يا رب يا قادر يا مقتدر اكرم اختنا أم التؤأمان بتوأمان عاجلا غير آجلا انك علي كل شئ قدير
بندقتي
فكرتيني بنفسي اول مرة روحت عملت سونار برده اتهريت من كتر شرب الميه بس دلوقتي الحمد لله اترحمت من الموضوع ده
ومبروووك يا قمرة علي شوفتك كيس الحمل وان شاء الله المرة اللي جاية تسمعي احلي صوت في الدنيا ربنا ما يحرم حد منه ابدا يا رب - اوكسي
عجبتني اوي طريقة عمايل البقلاوة اللي قلتيها ههههه
حسستيني اني بورنش الحيطة بس والله انتي عسل يا اوكستي
يار ب يا كريم تعملي المنظار بنجاح وتحملي بعدها علطول وتحصلينا ومتحتاجيش اي عمليات تاني يا رب
وتبقي سنة 2011 ي=سنة خير علينا كلنا يا رب
بوبتي
ازيك يا حبيبتي وحشتيني اوي اوي وازاي الواد انوسي
بصي بقة انا اساسا عمري ما عملت المحشي ده باكمله عند ماماتي او جده زوجي فقط لا غير وبموت فيكي بجميع اشكاله ولما بلاقيه مبكلش غيرة اصلا ، وانتي جوزو بيقولك يمكن حد مبيحبش المحشي مين ده اللي مبيحبش المحشي ابعتيهولي هههههههه
ربنا يوفقك في العزومة وتشرفينا كدة كالعاده
توفي
متقلقيش ياحبيبتي البنات طمنوكي اهو الحمد لله
انا حاليا عندي افرازات بس مش كتيير اوي لدرجة اني احس اني مبلوله يمكن مع تقدم الحمل يحصل كدة الله اعلم
بس فعلا مية البيبي اللي اعرفة انها بكون بكميات كبيرة جدا يعني مش مجرد بلل في الاندر لأ ممكن تغرقك بجد
انا اختى كان حصل لها موقف كدة بس مش عايزة احكيه علشان متهسهسيش وكان كيس الحمل اتقطع جزء منه بسبب مجهود جامد عملته وهيا في الثامن فلقيت ميه كتيير اوي نازله عليها وبالرعم من كدة الحمد لله كان لسة فيه شوية ميه والدكتور طلب منها تاخد حقنة الرئة وتنام علي ظهرها علشان تقلل كمية المية اللي نازلة وولدت بعدها بيومين بالضبط جالها الطلق وولدت الحمد لله ، البييي اتحط في الحضانه كام يوم وبعدين خرج بالسلامة
يعني من الأخر ان شاء الله دي مش ميه البيبي واطمني
ميكو ووزة
ايه الأسعار دي انا معرفش لغاية دلوقتي الدكتور بتاعي بيزلد بكام بس انتو هتخلوني اسأل المرة اللي جاية ان شاء الله
واهم حاجة البيبيهات يكونو كويسين وبصحة كويسة اهم طبعا من اي فلوس
خير زاد وميزو ومصمص وأم حفصة ودوعة وطمطم ونيفووو وكل البنات بمسي عليكم كلكم oxygenatom ماما ... متزعليش منى بس كلمة محشورة فى بقى ... جوزك عاوزله بكس يبقى صابونه لوكس ... ايه الرجالة دى ... الرحمة يا ناس .. خليه زى الشاطر يجى يساعدك وشغليه عندك بلية يا اما بقى يروح يجبلهم اكل من برة:mad:
ههههههههه
والله المسكين ما كنش يعرف اني حتعب كده بس برضوا حضرته حيشرف النهارده في المطبخ :cook:اما نشوف اخرتها ايه مع الرجاله دول- توتا ياقمره ان شاء الله تكوني بخير يارب
مواضيع مشابهة
تابعي تجارب أخرى من هذا القسم.