حركات لملابس النوم

12 أغسطس 2011

شوفي حبيبتي انا بنتي متزوجه قبل سنه الحرمه إلي غلفتلها الدبش حقها كانت افكارها مره حلوه والكل اتخبل عليها ولو تحبي اعطيكي افكارها من عيوني بالنسبه لاقمصة النوم كانت فكرتها جابت دراجه كبيره الدرجه مكونه من مربعين كبيره مفتوحه من ورا مدري وصفي واضح ولا لا ومن قدام برضو فيه زي المربع كبير وفي الجوانب زي النصف دائره وحطت كل قميص بكيس اورقنزا وحطتهم في المربعات الفاضيه الي قلتلك عليهم اما بالنسبه للكلتات والسنتيانا ت حطتهم برضو نفس الشيئ باكياس اوقنزا وحطتهم في الدائرتين الي في جوانب الدراجه والدراجه متوفره في كل مكان شوفتها ازا منتي فاهمه وصفي ارسيلي على الخاص ارسلك الصوره هذا بالنسبه للملابس الداخليه بالنسبه للتسريحه كانت فكرتها مره حلوه جابت 3 سبتات كبيره ووسط وصغيره وكلها زينتها بالتل والشرايط والورود الكل بالون البني ولون النسكافي والكريمي والسكري لانو غرفتها كانت بني اصلا الدبش كله كان بهذه الالوان طيب السبتات الي اقلك عنها بعد التزين خلتها من جوا مسطحه ولبستها شموا بني وحطت فيها المكياج بطريقه رائعه ومرتبه ومريحه في الاختيار جابت زي الكاسه وحفرتلها فوسط السبت من جوا ورصت فيها اقلام الكحل والاي لاينر والاقلام الملونه كلها وباقي السبت حطت فيه كل المكياج المستخدم اليومي هذا بالنسبه للسبت الوسط اما الكبير رصت فيه العطور كلها بطريقه حلوه وترى السبت مغلف كله بالتل السكري ومن فوق ورود بشكل مره حلوومخليف فتحه من الجنب عشان تقدر تدخل يدها وتاخد إلي تبغى الصغير مره خلته للعريس يحط العطور والكريمات طيب بالنسبه للاكسسوارات هنا عاد الابداع الي الكل اتخبل عليه جابت حاجه كبيره خشب بني زي الشلال او الساقيه الي توزع المويه فهمتي عليه يعني الشكل زي العجله الكبيره العجله هذه فيها من فوق مربعات مفتوحه في كل مربع طقم اكسسوار وفي عامود طالع من الجنب لفت عليه الاحزمه وتحت هذه الساقيه في زي الحوض طبعا خشب حطت فيه علب مغلفه بالشموا البني ومقسمه مربعات راصه باقي الاكسسوارات والاستشوارات الوصف ما ينفع غير لما تشوفيها بعينك ما تتخيلي كل مين قال ابدعت الحرمه الي عملتو عندها الدبش عقبالك يارب غير باقي البس حطته بطريقه روعه والجزم كمان مستعده اصورلك شغلها كله وارسلك هو لو تحبي لانها زي ما قلتلك ما لها سنه متزوجه لسه محافظه على اغراضها

التعليقات

حركآآت حلوهـ للبسك بالمدرسسه# <<مههم للكل بنت ’

حركات تزيين الطاولات والاستقبال في الاعراس/قديم

أبروح للرياض دلوني علامحلات الفساتين الحلوة الي كلها حركات/ضعي طلبك بقسم الاستفسارات

نبي حركات جديده لتقديم الشبكات الله يخليكم بسرعه

حركات في الافراح