
ما أعرف اسمه ولا اعرف اسم صاحبته (الله يجزيها الخير)، من قسم الحلويات.. بس مع بعض الإضافات والتغييرات من عندي :biggthump
المقادير:
باوند كيك أمريكانا (الشوكلاته)
1 علبة قشطه
شوية كريمة خفق
2 جبن كيري
كاكاو حسب الاختيار والعدد اللي تبينه بس يكون من نوع البسكوت مثل(توفي لك أو كيت كات أو أي شيء يشبهم) انا استخدمت هذا النوع (الأزرق الفاتح) لأني احب طعمه

للزينة:
صلصة كاكاو هيرشي
الطريقة:
تفتفتين الكيك كله وتحطينه في الصينية اللي بتقدمين فيها مثل الصينية البايركس العادية.. اضغطي عليه وساويه طبقه وحدة..
حطيها في الثلاجة لحد ما تجهزين خلطة الوجه..
تخلطين باقي المقادير في الخلاط وتصبين الخليط اللي عندج فوق طبقة الكيك في الصينيه والحين تجيبين صلصة الكاكاو مال هيرشي وتنقشين على كيف كيفك..
حطي الصينية في الثلاجة عشان تتماسك وبعدين قطعيها وكليها ورجعي زينيها بالصوص إذا حبيتي.. وبالعافية عليكم :10_8_10:
ان شاء الله الشرح يكون سهل ومفهوم.. والسموحة.. :bkh:
تحــيـــــاتي،،