انا اعطي عين ،، وش السواة/ قديم

يا بنات انا عندي مشكلة تعبتني صرت اخاف على اهلي واللي حولي ، انا بختصار عيني حاره واكتشفت هذا من زمان اقصد يعني صديقاتي اكتشوفني ،، كنت لا شهقت على شي لازم يصير له بلا ،، مرره بنت اختي ورمة شفتها بسببي شفتها حاطة روج يجنن قلت ياربي اثاري شفتها حلوه وانا مدريت ، من بكرى والبنت شفايفها صارت تقل اطراف تميس واسبوعين علاجات ما نفعت لين قرو عليها ، ومره الله لا يعاقبني فيه وحد من صديقاتي زوجها بس ياخذها معه وين ما يروح حتى لو البقالة فمرره سالت عنها قالو راحت مع زوجها لدبي لانه يبي يشري موتر قلت هوووووووووو حتى وهو بيشري موتر ياخذها ؟؟ يابنات ما دار الشهر الا متهاوشين هوشه كبيره وصلت للطلاق ، طبعا قبلها حوادث كثير بس هذي اللي كشفتني لنفسي وللبنات .
المشكله صرت اعطي عين بالنت مع اني اقول مشاء الله ،، كل ما قريت موضوع حتى لو كان مشكله واقول في نفسي بالله هذي مشكله المفروض تحمد ربها غيرها عنده كوارث ،، لازم القى صاحبة الموضوع بعد كم يوم صايبها كارثه الله لا يبلانا ،، مدري وش الحل مع نفسي مع اني اسمي واقول ماشاء الله . اصلا انا صرت من رداة الحظ اعطي نفسي بنفسي عين ، مرره شفت نفسي في المرايه واعبجتني نظارتي وقلت الله اول مرره تضبط معي النظاره الشمسية ، على بال ما نزلت الدرج حسيت ظلما شوي قمت وخرتها عن عيني الا تطيح وتنكسر . والمشكله بعد اني صرت اعطي عين على الناس اللي احقد عليهم ،، يعني الله لا يعقابني اذا حقدت على احد عطيته عين من القهر ،، مرره زوج صديقتي ماخذ عليها قرض وشاري سيارة واكتشفت انه يخونها ويستخدم السيارة يرقم فيها حقدت عليه قلت والله ما يتهنا فيها وربي بنفس اليوم جاه حادث وتدهورت سيارته وهو جاه كسر مضاعف.. ياناس انا احس اللي معي من تالي صار شي خارق للعادة وشي يضرني قبل غيري ، احس ان عندي قدره للظرر ،،، مادري كيف اتخلص منها الله لا يعاقبني ،، انصحوني هل فيه طريقة تروح مني العين واصير طبيعية والا اروح اقرا عند شيخ حطو نفسكم مكاني وش تسوون ، على فكرة يابنات انا اكتشفت اني اعطي عين في نفس الوقت اللي افسر الاحلام ، صار عندي ملكة تفسير الحلم ، ما فاسرت حلم الا يطلع صحيح واللي شككني اني اعطي عين حلم حلمته ان في يدي عصى من نار وكنت اركض فيها وما طفت الا لما حسيت ببروده في عظامي ،، وفسرته ان عندي قوة شريره ماراح تنتهي الا بموتي بعيد الشر .