تعسرت ولادتي في ولدي الثاني
ومنها وانا خايفة لي الحين 10 اشهر والولادة ماراحت عن بالي كل وقت اتذكره واتخيل نفسي تعبت وأنا خايفة
تعسرت ولادتي أم مصطفى*
القابلة فلبينية كانت تترجاني ادفع وأنا ادفع بس هي تقولي انت ماتسوي طويل وكانت تفولي يالل بسرعة البيبي قريب انا يشوف وانا كنت ادفع لا وكانت القابلة تدخل يدها وتحاول توسع من تحت وانا كنت اقولها جرحيني عشان يطلع بسرعة وهي تقولي استني انا في جرح بس بعد شويا
يالله انت في ساعد انا عشان بيبي ماقدرت حسيت اني بذبح ولدي وبموته لأني موقادرة ادفع اكثر من كذا
المهم القابلة استدعت الدكتورة وحطواعلي اكسجين وقالت لي اسحب اكسجين واجد عشان بيبي مافي اكسجين وصرت اسحب بقوة كنت خايفة على ولدي شفت الموت
جات الدكتور رفعت فخذي الى كتفي والممرضة من الجهة الثانية رفعت فخذي الثاني الى كتفي وقالت لي الدكتورة ياللع بسرعة قولي بسم الله الرحمن الرحيم
وقلتها بقوة قالت لي خلاص راح يطلع هي تشد والممرضة تشدبرجولي وقالت يالله ادفعي بقوووة طلع
بعدين سمعت صرخة القابلة وهي تقول خلاص يطلع يطلع
وولدي ماصاح
ماسمعت صوته
استدعوا دكتور الاطفال ماادري شسوى وصاح اشوي بس بعدين اخذة للعناية ظل ثلاثة ايام بعدها الحمدلله طلع
قالت لي القابلة انت في تأخير ساعة بس عشان يلع بيبي
علما اني كنت عندهم اطلق من الساعة 5 العصر ولدت الساعة 11.55دقيقة ليلا
انا من ذاك اليوم وانا في خوف مستمر قلت يمكن يخف بس الخوف يزيد
وانت بكرامة كل مادخلت اقضي حاجتي اتذكر واخاف
(يمكن تضحكون علي )
بس صرت اهوجس وافكر دائما وأخاف من الحمل ومن الولادة ومن اشوف وحدة حامل يعورني بطني وتكسر خاطري
اللع يعافيكم تقدرون تساعدوني؟
ولو حدث وحملت في المستقبل هل راح يتكرر التعسر والتعب؟
شاركي في النقاش
سجلي الدخول لإضافة تعليق.
التعليقات
8- الحمد لله على سلامتك وسلامة ابنك
حاولي تبتعدي عن التفكير في الماضي
ماراح تستفيدي إلا الهم
اشغلي وقتك بأشياء مفيدة
وإن شاء الله مع الوقت بتنسي
أما لو حملتي إن شاء الله
ماراح يتكرر لك نفس الوضع لكل حمل وولادة وضع مختلف - الله يجزاك خير
اتمنى ذالك
أسأل هل تأخير الحمل له اضرار على عملية الولادة؟
وكم المدة اللي يفترض فيها اخذ حبوب منع الحمل؟ - الولاده كذاء اجل تحسبينها ضحك ولعب انا صار معي كذا وكل الحريم ست ساعات ولاده ترا ماهي شي فيه حريم يقعدون يومين ثلاثه
- عزيزتي
انا الطلق كان لحوالي 23 ساعة
والولادة كانت صعبة
وبعد الولادة تعبت كثيييييير صار فيني نزيف وسويت اكثر من عملية
ومع ذلك كل ما اشوف بنتي واحضنها احمد ربي على اروع يوم في حياتي
يوم الله رزقني ببنتي
وتصدقين احاول اتذكر بالضبط كيف كان الالم
ما اقدر
احس حبي لبنتي غطى على الذاكرة وخلاني انسى الألم
احضني ابنك واحمدي ربك
وتدريجيا حتنسي وحتتمني طفل ثان ان شاء الله
ادعي الله واشكريه والله حيساعدك - الحمد لله على الفرج ام مصطفى ادعي بس لامك وقلولي رب ارحمهما كما ربياني صغيرا هذي الولاده وكل ولاده تختلف لا تحطين في بالك واذا حضنتي النونو ادعي ربي انه يصير بار فيك
مواضيع مشابهة
تابعي تجارب أخرى من هذا القسم.