السلام عليكم ورحمة الله وبركاته
انا اول مره اكتب موضوع في هادا المنتدى او غيره
اسال الله انكم تساعدوني وماتبخلون علي
ابدخل في الموضوع على طول
انا عندي بنت عمرها سنتين وثمانية اشهر هادي الطفله قصتها جننتني
انا عند اهلي انا وبنتي لنا ثمانية اشهر استنى ورقة طلاقي الله يخلصني منه على خير
ابوها كان يضربها من يوم عمرها سته اشهر وضربني قدامها وفي الاخير اكتشقت انه ياخد حبوب كبتاجون ومريض نفسي كان يضربها ويحبسها في الظلام فانا اتوقع انو سبب قوي لحالتها
بنتي تسوي حركات ذبحتني ماعرفت اش اسوي لها تاخد الاكواب وترميها بالي فيها سواء حار اوبارد وياليت انها ترميها على الارض لا
ترميها على امي على ابويه على اختي الصغيره اي احد قدامها تتعمد تأذيه وانا اموت من الخجل وتنتف شعر امي واليوم اخذت المكنسه الطويله ابو عصا وخبطت راس ابويه طبعا انا هنا:mad: ضربتها من قلب وصارت تضربني ضرب يفشل حتى قدام الناس
وصرت اخاف عليها من الشغاله بس تكسر المواعين في المطبخ:angry:كله عشان تضايق الشغاله مره عنيده وماتسمع تحب الاذى وما عرفت كيف اتعامل معاها الضرب وزادها عدوانيه اخدتها بالين برضو مانفع
اتصلت على مطمئنه وما لقيت دكتور فاضي يكلمني استشيره فيها
السؤال ادا ابوها السبب ليش الى اليوم ماتحسنت بنتي بلعكس زادت رغم انها لها تمانيه اشهر من يوم تركناه
وكيف اقدر اتعامل معاها وهل فيه اطباء استشاره اقدر استشيرهم في حالتها
شاركي في النقاش
سجلي الدخول لإضافة تعليق.
التعليقات
27- يا قلبي عليك
الله يطمنك عليها ان شاء الله
لكن ضروووري تعرضيها على طبيب نفسي
وطبعا يبيلها وقت تراكمات سنتين ما تروح بالسهوووله - حبيبتي بنتك مرة في وضع نفسي .. حبس في ظلام وضرب.. وتروحي انتي تضربيها بعد؟؟؟؟؟
لا حاولي انك تتقربي منها الي تسويه تحاول انها تعرب عن الي فيها هم كذاا الاطفال ..
حاولي انك تتقربي منها .. احظنيها كثيررر .. خذي لها الالعاب تفكير وعمل وسويها معها.. اشغليها وسولفي معها.. قررربيها لكي..
اذا رمة او ضربه احـــــــــد امسكيها وناظري في عيونها وقولي لها هذاا غلط لا تسويه مره ثانيه.. اذا عادتها امسكيها وناظري في عيونها>> ضروري كذاا عشان تفهم عليكي وتعرف انك جاااده في كلامك
وقوليلها انتي ضربتي او... مره ثانيه تروحي تجلسي في غرفتك لوحدك.. لين تكوني مؤدبه ..>> بعدين بعد فتره راح تتعود وتترك الحركات هذي..
المهم الضرب والصراااخ ابعدي عنه.. حراااااام والله
الله يخليها لكي ويصلحها - فرج الله همك ويسر أمرك وابنتك وأقر عينك بعافيتها مما فيها يااااارب -
- الله يعينك حبيبتي
حاولي تجينها في الين ... جيبيلها هدايااا اذا احسنت التصرف ... كلميهاا بالطيب وبينيلها ان الي تسويه عيب
اقريلها قصص كثيرر عن الادب ... ضميهاا دايم وحسسيها بالحنان
وان شاء الله البنات يفيدونك اكثرر - الله يشفيها
حالتها مهي ناقصه انك تضربيها
بالعكس امسكيها وفهميها ان هذا غلط
صدقيني مع الضرب بتزيد حالتها
الله يخليها لك
مواضيع مشابهة
تابعي تجارب أخرى من هذا القسم.