هنا أستقبل إستشاراتكم في الأمراض الجلدية (د/طيــر الحرم)تم الاغلاق , ستتم الاجابه هنا

لو فيه حبوب ملتهبة استخدمي صباحا كريم فيوسيدين

وليلا خليط نقطة من كريم فيوسيدين ونقطة من كريم ديفرين واخلطيهم في يدك وحطي منها بطرف إصبعك فقط على الحبوب الملتهبة الحمراء أو اللي لها رؤوس بيضاء وصديد .. مره ليلا مع عدم التعرض للضوء

والصبح اغسليه بصابونة الكبريت

رغيها كويس واغسلي بيها وجهك ودققي على مكان الأنف والخدين علشان تنظف المسامات كويس

كريم ديفرين أعتقد غالي شويه ممكن بديله هو كريم أكريتين 0.05%

ولو الحبوب منتشرة بالكتف والظهر فبتحتاجي حبوب عن طريق الفم كمان مع العلاج

أما البقع آثار الحبوب فحطي التالي:

مره ليلا نقطة من كريم ديفرين أو بديله مع نقطة من كريم أفوكين وتخلطيهم في يدك وتحطي منها على البقع فقط مره ليلا

أما الحفر

فبما إن عمرك 18 سنه وبيطلعلك حب شباب شديد لدرجة إنه يترك حفر بالبشرة فأعتقد إن الرواكوتان هايكون كويس معك

دا في حالة إن الحفر شديدة وحب الشباب شديد وكبير وعميق لدرجة إنه بيترك حفر بالوجه

أما لو الأمر بسيط والحبوب بتروح وتختفي والندبات بسيطة ومش واضحة فمافيش داعي له

الرواكوتان مش من العلاجات اللي تقدري تاخديها لوحدك .. لا ... لازم متابعة مع طبيب عن قرب وتحاليل قبلها

وبيكتب في حالات خاصة يعني لو حب الشباب شديد وكبير وبيترك أثر ندبات وحفر

لأنه مش من العلاجات الآمنة اللي أي حد يقدر ياخدها .. بالعكس له مشاكل كثيرة ولازم نوازن بين المشكلة والعلاج ايه اللي أقوى

لو الحفر مش كتير وسطحية تقدري تستخدمي ليها التالي :

كريمات التقشير زي كريم أكريتين دي على المدى البعيد بترمم البشرة وبتعمل على تسوية سطحها لأنها بتحسن من بناء الكولاجين بالبشرة

كمان الديرما رولر ودا شرحي ليها



http://forum.hawaaworld.com/showpost.php?p=61045269&postcount=751


http://forum.hawaaworld.com/showpost.php?p=61789689&postcount=940

http://forum.hawaaworld.com/showpost.php?p=62012129&postcount=1000



معلش مانتبهتش انك كاتبه علاجات بتستخدميها إلا الآن

العلاج الي بتستخدميه كويس للبقع

أما الحبوب فاستخدمي فيوسيدين زي ماشرحتلك

واهم شئ مع وصفتك إنك توقفيها بالتدريج وتستمري عليها بعدها يوم بالاسبوع علشان تحافظي على النتيجة اطول فترة ممكنة

وتجنبي التعرض للشمس ولحرارة الفرن

أما أمبولات الشعر

فبما إن عندك حب شباب وخفة في شعر الرأس فلازم تعملي تحليل

DHEA S

Free Testosterone

كمان هرمونات الغدة الدرقية ((Tsh , T3 ,T4 ))

لنشوف هل سبب خفة الشعر سبب هرموني وللا لاء

وهل دورتك منتظمة وللا لاء ووزنك زايد؟؟

عموما لو عملتي التحليل دا وطلع سليم يبقى كدا مافيش سبب هرموني

أمبولات إكرينال ممتازة

وشوفي موضوعي


http://forum.hawaaworld.com/showthread.php?t=3183073

بس لازم في حالتك خصيصا تستبعدي وجود سبب هرموني

استخدمي مرطب ليبوبيز دا مناسب للبشرة شديدة الجفاف



روكله ماعرفوش بس اعتقد إنه غير مصرح من وزارة الصحة

واهتمي دايما بشرب الماء وأكل الخضار والفاكهة لتعوضي بشرتك بالماء

وخففي من تعرضك للشمس

وممكن تستخدمي كريمات البشرة وليست اللوشن

كريم زي كريم نيفيا أو كريم كاميل أو كريم جونسون أو كريمات فازلين

بالنسبة لبقع ظهرك

استخدمي التالي

علبة كريم أكريتين 0.025% + علبة كريم أفوكين4% + نصف علبة كريم إلوكوم

تخلطيهم كويس جدا في علبة معتمة وتغلقيها كويس وتحفظيها في الثلاجة

وتحطي منه مره ليلا على البقع فقط أو على منطقة الظهر فقط وحاولي تحطي على البقع فقط على قد ماتقدري لأن كريمات التفتيح مش بتتحط على مساحة كبيرة من الجسم

والصبح تغسليها كويس ويفضل بصابونة الكبريت ولا تحكيها فقط غسل خفيف جدا هي لوحدها هاتفتح

أما الوجه

أنا رأيي بكريمات التفتيح مادام مافيش داعي وسبب ليها فبلاش احسن وخليكي على الطبيعي أفضل سواء وصفات طبيعية

ممكن تستخدمي كريم يونيتون بالأربيوتين <<< انتبهي لكلمة أربيوتين .. لأن فيه يونيتون عادي

استخدميه مرتين باليوم

أو ممكن تستخدمي كريم أفالون مرتين باليوم

لكن أهم شئ أهم شئ تستخدمي واقي شمس

•°• كيفية وقاية البشرة من أشعة الشمس •°•
http://forum.hawaaworld.com/showthread.php?t=3139825

جزانا وإياك عزيزتي هبه

السلام عليكم جزاك الله خير على مساعدتك لنا
ابي حل لسواد الاكوع والركب استخدمت خلطات طبيعيه صح فتحت حاجه بسيطه بس تعبت يعنى مره احسها تفتح ومره تغمق واستعملت كريم debiwhite شهر بس مافي تحسن ملحوظ اعطنينى حل لها ابيها زى لونى جسمي موحدة
وابي اسال عن كريم اكلين المبيض الفرنسي رايك فيه ومتى تبان نتائجه للوجه وجزاك الله عنا كل خير