حلفتك بلله لو هو ولدك وعمرة عشر سنوات وقال يمة خليني انام معاك اليوم ماتخلينة ولله لتخلينة
انا ولدي عمرة عشر سنوات احيانن اذا كان ابوة مدوم بالليل وخواتة خلاص نامو اقولة تنام معاي يطير من الفرحة يوحشة حناني
ليش تخربون المعاني الجميلة صح الطفل لازم يتعود ينام بغرفتة بس حبة حبة حتى يتعودون انا كل عيالي كذا بس لما اقول تنامون معي يطيرون من الفرحة ويستانسون
وانا استانس اكثر
بنسبة لولد زوجك انتبهي انتبهي تطبقين علية شي ماتطبقينة على بنتك وتراة طفل بيحتاج نفس الجهد ونفس التدرج
لو بنتك ماقلتي خليها تنام بغرفتها كان حطيتيها باالوسط وعلى قلبك زي العسل
انا اعرف واحد يموت على عمتة زوجت ابوة يقول ياما حنت علي لما كانت امي دايم شاردة عند اهلها والحين يوم صار رجال يدق مسافات عشان يزورها هديتها اول هدية يجيبها لان قلب الطفل ماينسى الحنان ويعرف الصدق من النفاق وشلون لاصار يتيم امة ماهي فية ميتة مطلقة مو مهم المهم ماهي فية
لاتحرمين الوليد من ابوة مابيطير الرجال بلا تعود بلا بطاطة الحين مو بحاجة تعود بحاجة حضن دافي
وانتبهي تقولين وتركبين ع الولد قصص يعني بلله خايفة من كلام ابو سبع سنين ولله عيالنا يقولون اكثر من كذا ماقلنا وصخين مشيناها لهم وفهمناهم الغلط والصح وعطيناهم حنان
ولو حتى غلط وسوا الغلط ياما اطفال يسوونها هذي حياتهم وياما حيجربون وش بتسوين بترسلينة المنفى وتقولين خلاص ما ينفع
لو ولدك غلط بتسترين وما بتشهرين وبتعالجين الموضوع
المهم انصحك نصيحة بتسالين عنها يوم الدين وبقولك بس اتقي الله فية
واذا انتي لليوم مكرمتة وكارمتة في بيتك ومعطييتة من حنانك استمري واحتسبي وبيفتح ربي لك خير عشان هاالنبتة الي لسا ضعيفة وهشة
زوجي وغرفة النوم < استوفى الردود + الموضوع قديم
متابعة النقاش، صفحة 25