تجمع الحقن المجهري والأنابيب والتلقيح الصناعي في سليمان الحبيب بالرياض والقصيم

متابعة النقاش، صفحة 42

شاركي في النقاش

سجلي الدخول لإضافة تعليق.

التعليقات

2,032
  1. قلب ينبض بالبراءة
    صباح الخير بنات دايم اقرا عن الحبيب انهم مايسوون تحاليل هرمونات ولا فحوصات يبدوون في الحقن المجهري على طوووول وأنهم عند فشل العملية مايبحثون سبب الفشل فهل هذا صحيح اللي فشلت عمليتها عندهم وعادتها هل لا حظتوا تغير في خطة العلاج ام نفسها …
    بالنسبه لي ابدا موصحيح انا ملفي عند الدكتوره زينب وش كبره:44: لاني سويت العمليه كثير ومع كذا كل زياره تتصفحه كله من البدايه للنهايه وتحاول تغير المنشطات والمثبتات اللي ما استجبت لها وتقارن بين استجابتي في كل عمليه وبالنسبه للتحاليل سوت لي تحاليل هرمونات شامله للغده الدرقيه مرتين بعد الفشل وكمان الدكتوره سوت لي منظار رحمي بعد العمليه الخامسه تخدير كامل وقالت لي انه يزيد فرص نجاح الحقن المجهري وفعلا حملت بولدي اللي توفى الله يشفع به بعد االمنظار مباشره واي استفسار حياكم يا خواتي
  2. "مداد الزعفران"
    السلام عليكم ورحمه الله انا من شهرين سويت عمليه عند الدكتور محمد البقنه وكانت بعد عدة عمليات فاشله ومن كثر ما سمعت الكل يمدح فيه حسيت انه راح يكون حملي على يدينه بعد الله حاولت اجمع للعمليه اكثر من سنه لأن ظروفي ما تسمح لي اعملها في الخا…

    حبيبتي الدكتور والادويه والمثبتات كلها مجرد اسباب والارزاق والاقدار بيد الكريم المنان وانتي اتبعي اللي يريحك ولا تيأسين من رحمه ربي وان شاء الله ماتجي السنه القادمه الا وضناك يحوس حولك :27:
    انا استغرب ان الدكتور ما سوى تحاليل وفحوصات ومنظار لأن دكتورتي قالت ان بعد 3 عمليات فاشله ضروري نشيك على الوضع ونسوي فحص شامل وبعدين نبلش بالكورس..؟؟

    اذا دبرتي المبلغ يا وخيتي روحي للدكتور وقولي له انا سويت ثمان عمليات كلها مانجحت وابغاك تسويلي منظار وهو على فكره يكلف حوالي 4500 ريال شامله التحاليل والغرفه بمركز الحبيب
    وترى المنظار يغسلون الرحم من جوى وينظفونه ويخلونه يلق لق>>أمزح
    وان شاء الله تتيسر امورك وتكون التاسعه ناجحه وماتشوفين الدوره الابعد تسع اشهر في نفاسك وتجيبين توأم يفرحون قلبك وينسونك تعبك وهمومك ياااااااااارب
  3. @alnsohh

    صاحبة الموضوع
    أضواااء رماااديه
    حبيبتي الدكتور والادويه والمثبتات كلها مجرد اسباب والارزاق والاقدار بيد الكريم المنان وانتي اتبعي اللي يريحك ولا تيأسين من رحمه ربي وان شاء الله ماتجي السنه القادمه الا وضناك يحوس حولك :27: انا استغرب ان الدكتور ما سوى تحاليل وفحوصات ومنظ…
    الله يرزقني واياكم الذرية الصالحه المعافى ويعوض صبرنا بالخلف الصالح يارب العالمين..
    اذا ربي يسرها لك وناوية تعيدينها روحي عند توفيق او عند زينب..وطبعا استخيري قبل كل شي..وانا كنت ناوية اعيدها عنده بس عقب مافتحت الملف وسويت دراسه لحالات الفشل والنجاح قررت ماسويها عنده صحيح ان الرزق بيد رب العالمين ولكن الطبيب سبب وطريقة علاجه لها دور في نجاح العمليه او فشلها من بعد ارادة رب العالمين..
    او اختي اذا حالة زوجك مره صعبة انصحك تروحين ذرية عند دكتور حمود المطرفي عشان زوجك وانتي روحي لحمد الصفيان او عبدالعزيز الشهراني..والله ييسر امورك واستخيري قبل اي قرار



    انا ماجربتهم غير مره وحده وماقدر افيدك بالموضوع اتمنى البنات يفيدونك..اما بالنسبة لتحاليل فعلا انا اول مره سويتها عندهم ماطلب مني ولاتحليل بس انا سويت تحاليلي قبل لااروح له..
    وان جينا للصح ومتى المفروض نسوي التحاليل..المفروض تحليل fsh و Lh لازم نسويهم ثاني او ثالث يوم بالدوره وفيه هرمون الحليب البرولاكتين تقدرين تسوينه اي وقت بس الأفضل نسويه في اليوم 21 من الدورة وكذلك هرمون الغده اللي هو tsh هالمعلومات سمعتها من طبيب مصري الله يجزاه خير واستفدت منه كثير ولو لا الله ثم هذا الطبيب كنت انا نايمه بالعسل ..



    الله يجزاك خير الملف بدونك نايم..الله يرزقك من واسع فضله يارب..ويعوضك عن ولدك باللي افضل منه


    هلا وغلا فيك..يارب تستفيدين ويكون الملف وجه خير عليك وتبشرينا بحملك قريب..وعند مين ناوية تسوينها



    الله يعوضنا واياك يارب ولانحتاج لهم



    كنك بتقولين شي ومتردده :p



    اللهم آمين الله يرزقنا واياها وكل امة محمد يارب العالمين..
    ودي اسوي المنظار بس مافي احد من الدكاتره طلبه مني ..
  4. النصوحه
    الله يرزقني واياكم الذرية الصالحه المعافى ويعوض صبرنا بالخلف الصالح يارب العالمين.. اذا ربي يسرها لك وناوية تعيدينها روحي عند توفيق او عند زينب..وطبعا استخيري قبل كل شي..وانا كنت ناوية اعيدها عنده بس عقب مافتحت الملف وسويت دراسه لحالات الف…
    ودي اسوي المنظار بس مافي احد من الدكاتره طلبه مني ..

    هلا فيك يا نصوحه
    وش دعوه ما سويت الا الواجب وانا ابي غيري يستفيد من تجاربنا والود ودي ارفع الموضوع كل دقيقه بس مشاركاتي ماتسمح الا 3 ردود في اليوم
    والواضح ان فيه كثير يبون معلومات عن مركز الحبيب والدليل عدد المشاهدات اللي بتطق الستة الاف ما شاء الله:icon28:
    عشان كذا نبي التجمع دايما في الصفحه الاولى عشان الكل يستفيد..
    بالنسبه للمنظار انا دكتورتي اقترحته لي بسبب ان عندي حالات اجهاض وماعرف سببها وكمان عشان تتطمن على الرحم خاصه ان حملي اللي توقف نبضه سوولي تنضيف فهي خافت ان فشل العمليه الخامسه ان الرحم فيه شيء
    وانا كنت خايفه شوي صراحه لان سمعت ان المنظار له مساوئ بس هي طمنتني وقالت ان ما سرت ماضرت بالعكس يزيد نسبه النجاح,,,
    طيب يا نصوحه ليش ما تقولين لدكتورك يسويلك منظار ويشوف وضع الرحم خاصه انك ولدتي ولاده مبكره سابقا..؟
    وهو أكيد يعرف وضعك ويقرر اللي يناسبك..
    وان شاء الله يسر امرك ويكتب لك اللي فيه الخير...




    عاد يللا يابنات نبي همتكم ارفعوا الموضوع خلو تجمعنا يصحصح شوي
    يادافع البلا تجمعنا نايم وش دعوه ياااحااافظ<<<خخخخخ
  5. @slam123_1

    مرحبا اضواء رمادية انا جيت ارفع الموضوع بس قريت كلامك عن المنظار وخفت لاني مثلك ونصوحة صار لي ولادة مبكرة بالخامس الحين انا مافيني شي والحمدلله والمشكلة من زوجي بس بعد الاجهاض احس بتتخربط اموري ومشكلة الحبيب انهم غير مبالين ابدا لا تحاليل ولا فحوصات ولا شي ابدا هم ماخذين المسألة تجارة وبس حسبي الله ونعم الوكيل يعيدون بهالعمليات وبس ياتخيب يا تصيب الله يغنينا عنهم ونحمل طبيعي <<<<<<<<دا بعدك خخخخخخ
    وربي اليوم فيني ضيقة مرررررة ويأس

تابعي تجارب أخرى من هذا القسم.