شاركي في النقاش

سجلي الدخول لإضافة تعليق.

التعليقات

1,265

  1. @ryaaan_4

    السلام عليكم بنات

    انا كنت متابعتكم من الأول

    وقرررت اسوي جلسة ليزر الفراكشنال

    وامس الحمد الله سويتها اول جلسة

    انا من المدينة ،، وسويتها بالمدينة الطبي عند د/ نورة

    جد جد هذي الانسانة رااااااقية وذوق بتعاملها

    وتحسيها فاااهمة ماشاء الله

    ثواني بس واحكيكم عن تجربتي بالزبط

  2. @ryaaan_4

    باااااك بنات

    دحين بقولكم تجاربي مع د/ نورة بمركز المدينة الطبي

    بالأول روحت لها قبل اسبوعين وقلت لها اني تعالجت من الركوتان من قبل 5 سنين .. ولمن دخلت الجامعه رجعت بشرتي انعدمت

    فقالت لي انو مافيكي حبوب حيه تستلزم اني اعطيكي الركوتان .. بس راح نشتغل على تصفيه بشرتك من الحفر والندبات والبقع

    وكتبت لي على نوع قشير مررررة كان حلو الحمد الله

    شال كثير من البقع والاثار الي بوجهي .. بس بقية الاثار القديمة

    وقالت لي ارتاحي 10 ايام بعدين اسوي لك جلسة فراكشنال

    ودحين حاقولكم على تجربتي :) مع الفراكشنال

    سويتها امس الاحد الساعه 2 بالليل عند د/نورة بمركز المدينة الطبي

    الجلسة ماطولت مدتها خمس دقايق بس لان مافيني اثار كثير بوجهي .. بس على منطقة الخدين

    والدكتورة حطت الجهاز ع درجة ضعيفة عشان اتعود ع الألم

    بس طبعا الالم عادي يا بنات .. مو مررررة الي يخليكي تبكي

    حتى هيا قالت لي ألم محتمل عادي

    زي وخزة الأبرة بالزبط .. بس فيه حرارة كمان

    واول ماخلصت وجهي كان آآآحمــــــــر ومتورررم

    وحطت لي الدكتورة مرهم ميبو وجابت لي ثلجة

    قالت لي خلي الثلج ع وجهك ساااعه بالزبط ابدا لا تنزليه من يدك

    وكتبت لي على مرهم ميبو وقالت لي حطيه 3-4 مرات باليوم ،، طول منتي بالبيت خليه ع وجهك لمده 3-4 ايام بس

    وكتبت لي واقي معاه احطو طول ما انا بالبيت

    وقالت لي لا تستخدمي لا صابون ولا غسول ولا اي شئ ع وجهك الين 10 ايام على الأقل .. واعطتني موعد الاثنين الجاي واعطتني رقمها اذا صار شئ لا سمح الله

    وقعدت الين 3 ونص وانا ماسكه الثلجة على وجهي

    بس لمن رجعت البيت لقيت وجهي مرررة الحمد الله خف كثيررررر مافي حمار كثير بس متورم مكان الليزر

    وفي بقع وسواد خفيف مكان الليزر

    المهم قبل ما انام برضوا غسلت وجهي وحطيت ميبو مرة ثانية

    ويوووه يا بنات طفشني بالنوم لاني ما احوب ريحتو وماني عارفة انام ع اي جهة

    واليوم ثاني يوم صحيت ولقيت وجهي الحمد الله احسن من امس بس السواد زاد وصار وجهي مربعات مربعات :)

    وان شاء الله كل يوم اقولكم ايش يصير معايا

    بس دعوااااتكم بنات ان بشرتي تتحسن

    واي استفسار انا بالخدمة

    دمتم بخيـــر

تابعي تجارب أخرى من هذا القسم.