تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

ميكو و مصريه ربنا يباركلكوا و تحصلوني انتو كمان على خير
ام حفصه
انا عملت تلقيح تلات مرات
اول مره فشل
تاني مره حصل حمل كيميائي
تالت مره الحمد لله نجح
وتقريبا التجارب دي كلها عملتها خلال سنة
لاني كنت باريح شويه او تحصل ظروف ما و بعدين ارجع اجرب تاني
بس خلال الوقت دا كنت ماشيه على
السيدوفاج
مالتي فيتامين
و طبعا انتي لازم تظبطي هرمون اللبن انا كان عندي مظبوط
وزوجي كان ماشي على علاج عشان الدوالي عباره عن
دافلون
سيلينيوم ايه سي اي
رويال فيت


و طبعا قبل العمليه كنت تابعت تبويض شهر كدا و عملت اشعة صبغة و انتي النقطه دي عملتيها خلاص
بالنسبه للمكان اللي عملت فيه
عملت مع المركز المصري الدولي مع الدكتور شريف خطاب

بس انا مكنش بيحصل معايا حمل طبيعي نهائي
انا من رأيي طالما زوجك كويس نوعا ما ابتدوا خدوا العلاج و نشطي تبويض و حاولوا تحملوا طبيعي لمده تلات شهور و بعد كدا تحاولوا بالتلقيح
وعلى فكره فيه واحده معانا هنا اسمها ام انس حملت بالتلقيح بردو و جابت ولد سمته على ربنا يباركلها فيه

ماما الحمد لله احلى حاجة لمة الاخوات في الدنيا دي ربنا يبارك لك و يسعد ايامك يارب

السلام عليكم يا بنات عاملين اية واخباركم اية مش عارفة ليه المنتدي ثقيل عندي بقالة كم يوم مدوخني واكتب مشاركات ومتوصلش شكله في حاجة مش مضبوطة
وزة
ربنا يقومك بالسلامة ان شاء الله يا جميل وتفرحي باطفالك ف حضنك ان شاء الله ولا تنسيا من دعائك يا جميل
ام حفصة
طالما الامور عندك كويسة انا من راي ماما واوكسي جربي التلقيح الصناعي ومستعجليش ع الحقن وان شاء الله ربنا يكرمك قريب جدا يارب
dareen1980
ربنا يارب يكرمك ف الشهر الفضيل بالذرية الصالحة ويكرمنا جميعا يارب ويكرم جميع اخواتي ف الله الموقنات برحمة الله
ماما
الحمد الله انك مبسوطة بجد انا مبسوطة قوي انك الحمد الله احسن وكويس قوي ان بابا كان موجود ف الوقت المناسب بصراحة بابا جيه ف وقت كويس قوي ليكي اكيد فرقت كثير معاكي وان شاء الله تنزلي السودان وتتبسطي مع ماما واخواتك يارب وربنا يكرمك ان شاء الله بالحمل السليم المعافي يارب عن قريب ان شاء الله يا ماما
ام التوامان
فينك تعالي طمنينا عنك بعد المنظار يارب تكوني كويسة والمنظار عدي ع خير وان شاء الله ربنا يكرمك بالحمل بعد المنظار ع طول طبيعي ان شاء الله ف بنات كثير حملت بعد المنظار ع طول ربنا يجعلك منهم انتي واوكسي يارب
اوكسي
عاملة اية ان شاء الله بكرة يعدي موضوع المنظار ع خير وربنا يكرمك يارب علي فكرة انا عملت المنظار بردة ف مستشفي اجيال هي نظيفة جدااااااااااا وغرفة العمليات عندهم فعلا كويسه قوي ومتتطورة جداااااااااااا وربنا كريم تحملي بعده علي طول من غير اي عمليات ولا غيرة ربنا كريم قوي
شيمو
ربنا يارب يثبت اجنتك وتيجي تبشرينا بخبر حملك يارب هترجعي امتي يا شيمو

انا يا بنات ان شاء الله خلاص هبتدي ف اقراص منع الحمل النهاردة خلاص هاخذه لمدة شهرين وهنزل اخر 9 عشان ابدء ف خطوة الحقن المجهري بس خايفة قوي بصراحة ومحبطة جدا خايفة تفشل لثالث مرة ومش عارفة ساعته هعمل اية ربنا يستر يارب نفسي تنجح وافرح زوجي بالحمل بعد 6 سنين زواج نفسي افرحه هو وامي قوي ربنا يارب يكرمني ويكرم كل مشتاقة بالحمل السليم يارب
ويكرم كل اخت حامل يارب وتقوم بالسلامة وتفرح باولادها ف حضنها ان شاء الله
وميحرمش حد من اللحظة ديه يارب يا كريم