دعواتكن يابنات

السلام عليكم
تقبل الله منا ومنكم صالح الاعمال



بنات ابي منكم خدمه وادري ماراح تردوني

ابي تدعون لوحده قريبتنا توفت بنتها عمرها 16
صابها مرض من اول يوم رمضان ولا يدرون وش الاسباب
وتوفت قبل امس الفجر قبل السحور
وهي بين اهلها وامها
وبنات خالاتها اللي بعمرها

كانت اكبر اخوانها
ومطيعه جدا لامها وابوها
ودوم مفتخرين فيها علشان تربيتها كانت صالحه
تختلف عن البنات اللي كانوا بعمرها
البنت ماشاء الله شايفه موتتها قبلها ب 3 ايام
لدرجة ان ابوها كان بيمشي لمكه
وقالتله لاتروح يبه الين تصلي علي


وكلهم يقولون تعوذي من ابليس حرام عليك تفاولين على نفسك
وفعلا ماتمت 3 ايام الا هي متوفيه بوسط اهلها وعند امها وابوها

وميتتها ماشاء الله
كأنها نايمه



دعواتكم لامها لانها بحاله مايعلم فيها الا رب العباد
وبنت خالتها اللي كانت بعمرها وماتت على يدها


ودعواتكم للبنت اللي توفت

كانت بنت ونعم الاخلاق

الله يسكنها فسيح جناته
ويغفر لها ويرحمها ويرزقها الفردوس الاعلى

وينزل على امها وابوها واخوانها الصبر والسلوان

13 تعليق 900 مشاهدة

شاركي في النقاش

سجلي الدخول لإضافة تعليق.

التعليقات

13
  1. @lana_yaaayony

    لا إله إلا الله00 الله يغفر لها ويرحمها ويجعل قبرها روضة من رياض الجنه ويصبر قلب أمها وأبوها و أحبابها00حزنتيني والله نفس عمر بنتي الكبيره يارب أحفظها

تابعي تجارب أخرى من هذا القسم.