مساء الخير حبيبات قلبي
وبصراحه قريت الموضوع وقلت لا حول ولا قوة الا بالله
اثر كل البنات مب متعينات شراتي وشرات غيرنا وايد
انا لي الحين سنتين ونص متخرجه بكالريوس جغرافيا
عيناويه من العين ,
وعندي شهاده كمبيوتر + شهاده انجليزي + شهاده خبره اعمال مكتبيه
والحين يالسه ادرس دوره " صيانه حاسب وفنية شامله للحاسب"
واتقن الانجليزيه كتابه وقراه وممتازه ببرامج الكمبيوتر وللحين ما لقيت شغل @@
قدمت بكل مكان تتخيلونه ولكن يبقى الحال كما هو عليه
يا يبون واسطه او حد يكلمهم او يقولون مافي شواغر !!
سرت كل مكان وبالتربية اوراقي موجوده ومخلصه من المقابلة وناجحه لكنها بعدها مثل ماهي يقولون ماعندهم شواغر !!
وكل يوم يعينون وافدات بس مواطنات ما يبون ماقول غير الله فوق الكل ..
الف شكر الغاليات وانا بعد محتايه اني اتوظف واحب التدريس سواء بمدرسه خاصه او حكوميه الى تعرف اي بقعه او اي مكان طالبات مدرسات جغرافيا او اجتماعيات لا تبخل علينا يزاها الله الف خير
وشكرا لمساحه البوح في هذا الموضوع الشيق تحيتي للكل ..
خاص بطلب وعرض الوظائف في الأمارات العربية المتحدة
متابعة النقاش، صفحة 11
