بنات انا دائماً أحس بالضعف في القوى وبدأت قوتي تنهار لاني جبت طفلين ورى بعض مابينهم فتره طويله حسيت بتغيير في صحتي للاسوأ
لما ولدت اول طفل حسيت الرحم شوي وينفجر من كثر ماعطوني من تخدير وأكسجين مخدر ادفع بلا وعي وانفض جسمي نفض بقوة من غير وعي !!
في فترة النفاس الى يومكم هذا حاسه ان ظهري كأنة مكسور من الالم الفضييييع وأي شي اسويه ظهري يعورني !!
علمآ انه بدون ابرة ظهر كانت ولاداتي
طفلي الثاني بعد ولادتي به جاني الم في منطقة( السرة) ويبدو انه بسبب الدفع وقت الطلق لان الدكتورة تقول ادفعي بقوة وانا ادفع بأقوى قوة فيني .. وجهي يحمر واصييييح بقوة ادفع
هالحين اذا كنت جالسه وقمت بسرعة يجيني فجأة شيء زي (الماس) بوسط سري يعورني
يعني احس بشيء زي الحديده الحادة تخترق سري اذا جاني الالم
طبعا مافي عنايه بفترة النفاس ابد
هالحين لي منذ ولادتي بهم مايزيد على اربع سنوات
حاسه بثقل علمآ اني نحيفة حييييل
حينما اقوم باي مجهود ولو بسيط اشعر بالتعب والارهاق
الدوخه مصاحبتني والضغط النفسي وآلام البطن مره اقول قولون مره اقول فقر دم مره اقول حسد مره اقول عين !! :06:
وخز بجسمي ينتقل من مكان لآخر يلعب فيني لعب
حالتي النفسيه زفت اي كلمه تنرزفني اي كلمه انجرح منها علطول
لدرجة لما اسمع كلمه جارحه اجلس اكثر من يومين تعبانه ...لحالي بغرفتي
صرت اكره اقابل الناس لاني غالباً مالاقي منهم الا الشر
ارتاح احياناً في وحدتي من الكلام القاسي والتحطيم امي تقول انتي مافيك قوة انتي وانتي
واخواتي ماقصروا بعد يزيدون الطين بله ..!
مااخفيكم انا منطلقة وهالشي اثر علي بعد تاثير عظيم من ناحية الانهيار والصدمه النفسيه والاكتئاب
بالذات بالذات لما صاروا اطفالي بعيدين عني :(
انسى بشكل كبيييير .. وربي شايلة هم اذا كبرت بالسن كيف بصير دام هذا حال صحتي بشبابي !!:06:
اتذكر زمان كيف كنت من نشاط وقوة ووو .. كنت اوقف بالساعات على رجليني ماشاء الله مااتعب حتى امي كانت تقول انتي تصلحين معلمه توقفين بالساعات ونتي صامدة وقفتك وقفة معلمه ماهره !!
هالحين لمااتذكر كيف كنت احزززن بشده لانه شتان بين حالي الحين وحالي زمان
طبعاً انا مو عجوزة عمري الحين 26 سنة بالرغم اني بزهرة شبابي الا اني اشعر ان عمري 88 سنة
صحتي صحة عجوز مكروفة لامن الناحيه الجسديه ولامن الناحية النفسية
علطووول أحتاج للراحة والاسترخاء حتى لما اقول لامي ابرتاح شوي تقول ليه انتي وش سويتي من مجهود من شان ترتاحين ؟!!
حتى السفر صرت ماعاد اتحمله مثل اول .... صرت اتحاشى السفريات لانها تهد حيلي آصل تعبانه مكسرة
لما انظف المطبخ احس عظامي متكسره ورجليني تعورني وظهري آآآآه ياظهري ابصيح منه
علماً اني نحيفه هيكل عظمي
اكتشفت ان فيني بلاوي كثيرة (فقر دم +احتمال قولون عصبي ....)
لما اوقف قدام المراية أحزن على نفسي واضح اني ذبلانة
اعترف ان نظامي الغذائي نااااقص بالحيل واشياء كثيرة مهمه مااعرفها بل مااستطيع اجلبها لنفسي
الخير واجد يابنات يعني الفلوس ولله الحمد موجودة لكن السند موب موجود
اهلي مره مقصرين معاي في مسألة التغذيه يعني امي ماتعطيني شيء من يدينها الا بمقابل في اغلب الحالات حسيت اني منذله بلقمتي
سبحان الله لما كنت متزوجة كانت تطاردني بمالذ وطاب من الاكلات وهالحين لما انقلبت الاحوال وصرت بحاجة قربها صارت ماتعطي الا بمقابل اكد لها البيت !!!!
** يوم كنت بخير كانوا لي خدم *** ويوم طار الطير عزاك الفقير
لاتقولون انتي سوي لنفسك لاني اذا سويت مااحب آكل الا من اكل غيري وكذا كل من يعاني من ضعف الشهية
مااحط يديني الا وانا متهالكة من الجوع واوخواتي لما يشوفوني ’آكل يناظروني بحسد يالطيف يحسبونه زود شهيه وهو جووووع يهد البدن
اللهم لاتسلط علينا من لايخافك فينا ولايرحمنا
يارب عزني من بعد هذا الذل وارفع قدر كل من مرت حاولت افادتي او رفع موضوعي
الموضوع مغلق