اشياء غريبه عندكم يابنات الرياض

تقبل الله صيامكم نفسي اعرف ليش لازم زوجات اخوانكم يقعدوا عندكم وهم عندهم بيوت دائم اقرأ اخوي وزوجته بيجلسوا عندنا في رمضان او الاجازه ) وليه لازم تفطروا مع بعض والاحظ معظم المشاكل من الافطار مع بعضكم او من قعدة زوجات اخوانكم عندكم وعندي سؤال لم يتزوجوا اولادكم او اخوانكم هل لهم بيت مستقل ولا يسكنوا عندكم في مثل يقول (زر غب تزداد حبا ) ولا ننسي صلة الرحم والاحط انو الاهل احيانا ماعندهم رغبة انو زوجة اخوهم تفطروا عندهم او تزورهم وتجي غصبا عنهم ؟؟؟؟والي تقول تنقل كلامنا طيب ليش انو ياهل البيت تطلعوا اسرراكم انا عندي 4 زوجات اخوان ولا عمرهم جاو فطروا عند امي الا لم امي تعزمهم واشوفهم زي اخواتي (مانتدخل فيهم ولاهم يتدخلوا فينا ) واهل زوجي ماعمري فطرت عندهم الا بعزومه ويمكن في ال10 سنوات مره مع انهم مثل اهلي وازوروهم باستئذان انا فاهمة غلط ولا انتو حياتكم كذا

11 تعليق 1,890 مشاهدة

شاركي في النقاش

سجلي الدخول لإضافة تعليق.

التعليقات

9
  1. @am_tolyb_1

    من قالك ياحلوه ان بنات الرياض كذااا ..

    ياليت بنات العالم كلهم نص بنات الرياض ...!!


    بالعكس الادب والذووووق كله عند بنات الرياض ..

    انا واخواتي وبنااات كل معارفي الحمد لله علاقتنا مع اهل ازواجنا حلووه بالمره ومابينا الا كل احتراام وحب ..

    لاتعممين ترااا اصابع يدك مختلفه ..!!!
  2. @msrkaa_hanm

    المشاكل اللي اشوفها هنا اكثر شي تكون مرة الولد مستقله اما في نفس الديره او في ديره ثانيه ..اذا بنفس الديره وكل يوم مفطره عندهم ويد ورا ويد قدام هذي اسمحي لي رفلاااا وقلة سنع ..
    عندنا نفطر يوم الخميس عند اهله والاربعاء عند اهلي ..
    وناخذ معنا نوعين اكل .. والاكل الرئيسي على اهل البيت اللي هو الشوربه والتمر والمشروبات ..وتصير السفره منوعه كل من جاء معاه كذا نوع وماشاء الله تبقى ..
    اما اللي يجون زياره ما ادري عن اوضاعهم لكن الضيف له 3 ايام بعدها يكون من اهل الدار يعني بتجلس 3 ايام واقل وتروح بيتها اوبيت اهلها لها حق الضيااافه اما انها تجلس شهر كامل وتقوم المغرب وتاكل وتطلع تتسوق وترجع تاكل وتنام هذي ايضا قلة سنع ورفاله ..
    اصلا استحي اجلس وغيري يشتغل او ادخل على احد ويدي فاضيه بالذات في رمضااان ..
    ولا تعمميين على بنات الرياض لان الرياض اغلبيها من قرى ومدن تلاقين فيهم من اهل القصيم وفيهم من اهل سدير وفيهم من اهل الجنوب وفيهم من اهل الحجاز وفيهم من اهل الشرقيه ..واهل القرى المجاوره ..
    يعني الرياض تضم كل المجتمعات ..
  3. @dlaa_atfal

    والله مدري عن بنات الرياض لاني مو منهم بس حسب المتعارف عندنا كل اسبوع مره او مرتين ويكون معها شي
  4. صاحبة الموضوع
    ام توليب ادري ياعسل او كل بنات الرياض اهل الذوق ولكن استغرب من المشاكل هنا اقصدو الي يتكلموا عن قعدة زوجات اخوانهم عندهم كنت اعتقد انها عاده عندكم وماجاويتوني لم تزوجوا اولادكم تحطوا لهم بيت مستقل ولا يسكنوا معاكم
  5. @am_tolyb_1

    ام صالح الفالح
    ام توليب ادري ياعسل او كل بنات الرياض اهل الذوق ولكن استغرب من المشاكل هنا اقصدو الي يتكلموا عن قعدة زوجات اخوانهم عندهم كنت اعتقد انها عاده عندكم وماجاويتوني لم تزوجوا اولادكم تحطوا لهم بيت مستقل ولا يسكنوا معاكم
    شوفي ياعمري ..


    اللي يتزوج يطلع برااا بيت اهله بيت مستقل ...واللي مايقدر ماديا يجلس في بيت اهله بس بشقه منعزله تماما عن اهله ..


    وانا اهل زوجي ماازورهم لما يقولون لي مستحييل اروح لهم كذاا
    والفطور برمضان مااافيه الا بعزيمه حتى اهلي وكل اللي اعرفهم هذا طبعهم ..ومستحيل نزور احد وايدينا فاضيه لااازم ناخذ معنا شئ ...

    لك:26:

تابعي تجارب أخرى من هذا القسم.