المجربات فقط كيف اعرف اني ابولد؟؟

السلام عليكم

اول شي انا بكــــريــه ولا اعرف شي بالولاده

والحين باقي لي شوي واخلص التاسع

لأن اخر دوره كانت ب8 /12 / 1431 هـ

يعني مابقى شي يخلص شهري

وللحين ماحسيت باول علامات الطلووق ابد ابد

بس قبل يومين جاني مغص خفيييف مثل اللي يجي بأول الدوره تذكرونه اللي تحسين فيه قبل تنزل عليك الدوره هو نفسسسه بس يجي مده عشر الى خمس دقايق ولا يطول

حسيت فيه قبل امس وامس مرتين

بس اليوم ماحسيت فيه ابد

ياااربي والله خايفه ما اولد الا بعمليه

وماودي اروح للمستشفى ويحسرون فيني

الدكتوره اللي قبل كنت اتابع عندها قالت انه ولادتك ان شاء الله ب26 رمضان

بس شلون اولد وانا مااحس بشي ابد ولا حتى احاسيس ولاده ولا مقدمات

بس تجيني افرازات شفافه ولزجه شووي
ومرات يجي معها افرازات بيضاء بس شووويه


تتوقعون هي مويه الطفل؟؟

وكيف اعرف ان الطفل نزل للحوض بدون روحه للمستشفى؟؟

لان زوجي الله يهديه يغثني اذا رحت للمستشفى الخاص يقول مابي انتظر لانه زحممممه
والحكومي يغثني عليه مايبي يقوم الصبح ومره رحت ابتطمن قالوا اللي يكشف رجل قال لا ماتكششفين عند رجال

والله ضايق صدري مادري شسووي؟؟


ابي اعرف الطفل نزل للحوض ولا لأ؟؟






25 تعليق 480,526 مشاهدة

شاركي في النقاش

سجلي الدخول لإضافة تعليق.

التعليقات

24
  1. @albashyh

    ياحبي اذا جت الولاده عرفتيها
    هي الم متكرر كل ربع ساعه وكل شوي يزيد وهو يشبه الم الدوره بس أقوى
    والمويه اذا نزلت فهي علامة ولاده لكنها مويه مثل موية الحنفيه صافيه وتصب ماهي افرازات
    او دم
    الله يسهل عليك
  2. @nsym_alaayn

    حبيبتي بالنسبة لالم الولادة يكون حار وقوي بعض الحريم يكون وراء بعض
    والبعض كل خمس او عشر دقائق لين يستمر بسرعة وراء بعض لين لحظة خروج البيبي
    ويكون الم ف اسفل البطن شرات الم الدورة واقوى والم بالظهر
    والماااي ما عندي خبرة لان عمري ما شفته لين ينزل ف المستشفى
    الله يعينج ويسهل امورج وترى اغلبية البكريات يتاخرن ويكمل التاسع ويزودن كم يوم لا تخافين
  3. @hlaaaaaa_1

    اول علامات الولاده خروج السداده من عنق الرحم عباره عن افرازات بيضاء سميكه شوي مصحوبه بدم

    والافرازات هذي اللي عندك اللحين طبيعيه مع الشهر التاسع

    امشي كثير وهذا يساعد على نزول الجنين الحوض يبدأ يضغط تحت وتجيك الاااام في اسفل اتجاه الرحم

    لازم تروحين مراجعات اسبوعيه في الشهر التاسع

    الله يسهل ولاتك وتقومين بالسلامه

    انا تقريبا معاك اوبعدك بكم يوم

    دعواتك يالغلا

تابعي تجارب أخرى من هذا القسم.